الموضوع: البونتووووووو

ماشى ولا يهمك, واحد صاحبى كان معاه كريستالة فأنا عارف عنها شوية

1- السحب حلو من 0-100 فى 14.3 ثانية, دة الطبيعى من أغلب العربيات ال1300
بعد كدة من 120 ل 160 بتاخد وقت طويل
موفرة فى البنزين, أكتر شوية من الكريستالة
الثبات معقول, يعنى ممكن يبقى أقل سنة من الكريستالة (علشان أوطى و أعرض من البونتو)

2-مشاكلها معروفة, أغلبها بتبقى من الباور الكهرباء أو حساس معين

3- قطع غيار الموديل دة متوفرة جديد عن تجار كتير و استعمال فى الحرفيين و الوكالة

4- التكيف كويس, ممكن يبقى أقل سنة بسيطة من الكريستالة

5-الحاجات العادية أى ميكانيكى يشتغل فيها , لأنها بقالها أكتر من 10 سنين فمفيش فيها تكنولوجيا غريبة ولا حاجة, فى حاجات بسيطة فى الكهرباء بتبقى عايزة كهربائى شاطر بس

6- كماليات الموديل دة بتختلف حسب الفئة و الكماليات اللى ممكن يكون صاحبها مركبها
الأساسى: 2 أيرباج أو 1 حسب الموديل , سنتر لوك, باور كهرباء, أربع سماعات
الزيادة : فتحة سقف, جنوط ,مرايات كهرباء, كاسيت, فوجات, ريموت, ...

و إتأكد لما تجربها تلف الدركسيون لأخره فى الإتجاهين و اسمع أى صوت مش طبيعى