الموضوع: مبادلة ما بين هوندا وفيات ينفع ولا اية :)))

اختلاف كامل لمنظومة التبريد

وبعدين سربنتينة التكييف بتاعتك رخيصة ب200 جنية بس وماشاء الله عليها جميلة قولى مشكلتك اية وان شاء الله نقدر نفيدك

المشاركة الأصلية كتبت بواسطة mohamed_refaat

المشكلة انها بتسرب الفريون ولما بشحنها مش بتبرد خالص بتدى هوا دافى وقليل حتى لو على عليت التكييف على الاخر دة بتاع ال 32 ابرد من الهوندا تصدق دية

والمشكلة انى مش فااااااااااااااضى انزل القاهرة خالص
بس لو ممكن تفيدنى على واحد كويس او مكان واحد الاقى فية كل حاجة واضبط فية الدنيا التكييف كلة .

طيب دلوقتى انت ازاى عايز تبريد وعندك الفريون بيسرب

وطالما بتشحنها ومافيش اى برودة فى ساعتها يبقى العيب مش منها يبقى كدة من الكباس انة مش شغال

يعنى كدة السربنتينة هتبقى فيها مشكلة التسريب + ان الكباس ضعيف

يبقى كدة حضرتك عشان ماتكلفش نفسك مصاريف على الفاضى هتعمل الاتى وبالترتيب :

1- هتغير السربنتينة + المروحة تمنهم 250 جنية

* لو التكييف اتظبط يبقى تمام وعشرة على عشرة

* وقبل ماتوصلها تنظفها كويس من برة ومن جوة , وتنظف الكويل , وتنظف ال dryer ( اللى فية العدسة اللى خلف علبة الباور )

* فى حالة ان بردة التكييف اداءة ضعيف جدا وبيخرج هواء دافىء يبقى :

2- هتشيل الفريون اللى انت شحنتة وهتحطة فى انبوبة وتفك الكباس تغيرة وتركب الجديد وتمنة استيراد 450 جنية الى 500 جنية بالقاعدة وتجيب بتاع الموديل بتاعك 96عشان بيبقى اكبر وبيضغط الفريون اسرع واقوى , وبعد كدة تجيب الفريون تانى وتحطة فى العربية تانى ودة طبعا عشان توفر ال150 جنية تمن الفريون وخلى بالك من الاول اشحن a134

3- بإذن الله هتلاقى التكييف تلاجة وممتاز , بس اهم حاجة يكون الفريون انجليزى او بولندى مش اى نوع تانى