الموضوع: عندى مشلكة فى التكييف والفتيس هوندا 93 ex

بالنسبة لمشكلة التكييف لة الاربى ام مابيظبطش معاك يبقى هتشوف ال solonied بتوع التكييف اللى هما جنب البطارية

لو مظبوط , يبقى كدة المشكلة فى ال expansion valve

بالنسبة للفتيس :

1- هتغير الزيت لو عدى علية اكتر من 10000 الاف كيلو

2- هتظبط سلك الكيك داون لازم يبقى مشدود وفية قاعدة تتربط بردة اللى بتتوصل بعصا النقلات

المشاركة الأصلية كتبت بواسطة ahmedhonda

ممكن يا استاذ سامح توضحلى اكتر مش فاهم المصطلحات دى فين وبتعمل اية الخاصة بالتكييف
اما الفتيس فعلا انا غيرت الزيت مرتين فى خلال 3000 كيلو فقط وروحت لواحد بتاع فتيس اوتوماتيك قالى ان التنتيش دة تاخير فى النقل وعمل حاجة فى سلك عامل زى سلك الدبرياش فى الفتيس المانوال لقيت العربية بقت مستريحة فى النقل بس بردة لسة فى زى رجة فى العربية مع النقلة الاولى والثانية مش عارف دة طبيعى لان العربية مستعملة بقالها 17 سنة زى ماناس كتير قالتلى ولا اية مش عارف معلش اكيد صدعتك ...

انت عندك فية كدة جنب البطارية عبارة عن عمتين صغيرين جنب بعض دول اسمهم solonied دول بيبقى مخصصين لرفع عدد لفات العربية وظبط المحرك عند تشغيل التكييف لو مش مظبوطين هيعملوا معاك مشكلة تبطيل او ان الاربى ام شوية يعلى وشوية يوطى ممكن المكنة تبطل وهية ماشية او وانت بدوس فرامل

بالنسبة للخنقة اللى بتحصل فدية بتبقى من ال expansion valve ودة اسمة صمام التمدد ودة مكانة بيبقى راكب فى الكويل من الخارج ووظيفتة هو رش السائل ذات الضغط العالى وعن طريق الرش فهو بيجعل ضغطة ينخفض عشان مايبقاش حمل على الكباس وبالتالى حمل على المكنة ولما بيبوظ بيحصل الكلام دة بيعلى جهد المكنة ويخليها تتخنق

وبالنسبة للفتيس لأ طبعا هو كدة بيخلص نفسة من المشوار دة وتعالى اوريلك فتيس هوندا من سنة 92 لما تمشى بية مش هتعرف المكنة نقلت ولا لأ , وعلى فكرة الهوندا كلة بيقول انا مابعرفش المكنة عندى نقلت ولا لأ

غير الميكانيكى وطالما العربية ظبطت شوية يبقى العيب من ظبطة السلك