الف باء شراء سيارة مستعملة هو تغيير سير الكاتينة و البكر و الشداد... محدش يعرف السير اللى راكب شغال قد ايه و حيشتغل لحد امتى
MMamdouh
عرض للطباعة
طب اييه يا جماعة سببه اييه ده
عمر السير بس هوا اللي يعمل كدا؟؟؟ولا في حاجة تانية
95% عمر السير
5% اسباب ادت الى تلف السير (حد دلق علية زيت مثلا)
فى النهاية السير سبب مشكلة و لازم تتعالج
احتمال كبير اوى ان فيه صبابات معوجة فا حتفك الوش... و طبعا حتجيب طقم سرفيس كاتينة كامل و انا اشدد على انك تغير طلمبة ميه بالمرة طالما العربية عدت 80 الف
MMamdouh
حصلت معايا مرة زمان فى عربية دايو ريسر ومن غير لما تبرجل على السلانسية ولا حاجة بعدى من على حتة مكسرة فى الشارع راحت فاصلة ومردتس تدور فا بصيت على السير من حرف الغطاء اللى بيبقى على السير لاقيتو مش مقطوع قولت يبقى مش هوا المهم قرفتنى و لما زهقت جبت الميكانيكى قرفتة هوا كمان:Dو فى الاخر بيشيل الغطا بالصدفة لاقينا الكرنك بيلف على الفاضى من غير السير :S بس محصلش حاجة فى الموتور ولا كان فى صوت تخبيط ولا حاجة(معرفش الدايو الجديد اية ظروفة)
فى مواتير بيبقى ال piston head فيها grooves بحيث ال piston لما يوصل لل tdc ميخبطش الصمامات
لو مكنش فية صوت تخبيط ولا ترزيع وانت بتحاول تدور يقى الصمامات سليمة لان لو ال piston خبط فيها هيبان الصوت
دا حصل لان الريسر موتورها non interference engine
الريسر موتورها نسبة الانضغاط فيه 1:8.5 و عشان كدة لما بتقطع كاتينة البساتم متخبطش فى الصبابات ----> non interference engine
اللانوس و النوبيرا و الليجانزا نسبة الانضغاط فيهم 1:9.5 و لما بتقطع كاتينة بتجيب صبابات----> interference engine
فكرتنى من سنتين دخلت فى الحوار دة مع واحد من جامايكا معاة ريسر و قعدنا اسبوع نقاوح فى بعض ان الكاتينة لما تقطع تجيب صبابات و هو يقولى حصلت معيا و العربية مجبتش صبابات و بعد بحث و تفعيص وصلنا الى ان الفرق الوحيد بين موتور اللنوس ال1500 و موتور الريسر ال1500 هو نسبة الانضغاط و بالتالى اكتشفنا ان هو دة السبب فى ان عربيتة مجابتش صبابات
MMamdouh
هو راجع للتصميم نفسو اكتر من نسبة الانضغاط لا زى مقولتلك فية بساتم فيها تجويف للصمامات بحيث مش يلمسوا بعض
لما بتزود نسبة الانضغاط ال clearence volume هيقل وبالتالى ممكن اثناء التشغيل العادى يخبطوا (دا على حسب نسبة الانضغاط اد اية)
طب يا جماعة لو علي اسؤأ الظروف ان العربية جابت صبابات
الميكانيكي بعد مايظبط الكاتينة و السير و ييجي يدوور...المفرووض تدور معاه ولا لأ ولو دارت حيسمع صوت تخبييت؟؟؟؟؟؟
ربنا يحميكم يا رجالة .. انا متابع بشغف ... والحوار الفني دي عاجبني جدا ....فعلا الواحد بيتعلم منكم