صوت صفارة؟

**ivanoviskie** · 31-05-2011 06:12 PM

السلام عليكم و رحمة الله و بركاته

كان عندي استفسارين: (أتا لسة جايب العربية و بقالها معايا شهر دلوقتي)

1) أنا لما بعدي ال 90 كيلو بيظهر صوت صفارة في العربية ( عارفين الهواء لما يعدي في فتحة صغيرة؟) ممكن يكون إيه؟؟
أتا قافل الشبابيك كويس و التكييف مطفي و الفتحات بتعته مقفولة و معمول على دايره مغلقة داخل العربية و الكاسيت أنا شيلت وشه و الصوت لسة موجود!!!!!!!! ممكن يكون إيه و إزاي أصلحة لأنه بجد مقرف و بيزاولني جدا و أنا سايق

2) صوت الفتيس و أنا بنقل بقى عالي عن أول ما جبت العربية و سعات بيعصلج معايا و أنا بنقل.

و أشكركم جدا

**wassim_nasser** · 31-05-2011 06:21 PM

صوت الصفاره ده بصراحه مش هاقدر افيدك .. انما موضوع عصلجه الفتيس ده عشان مش جايب دبرياج للاخر .. لو رجلك مهوية من ع الدبرياج حبه هاتلاقيه بيعصلج وتلاقيك بتسمع صوت الغيار (دب) وبعدين ادي نفسك فرصه حبه حبه هاتاخد ع العربية

**Dr.Karim Emam** · 31-05-2011 09:53 PM

الصوت ده بيطلع من الكبوت و قولهم عليه في الصيانة و هم هيظبطوه

**nour_nrc** · 31-05-2011 10:13 PM

[QUOTE=Dr.Karim Emam;3873540127]الصوت ده بيطلع من الكبوت و قولهم عليه في الصيانة و هم هيظبطوه [/

+11111111111111111111111111111111111

**ivanoviskie** · 31-05-2011 10:54 PM

أشكركم جدا يا جماعة على المساعدة و كنت عاوز أعرف بيظبطوه بكام؟؟

بالنسبة للفتيس أنا عارف إني لازم أدوس للآخر و لكن أنا بتكلم على إن صوت النقل بقى أعلى من ما كانت عليه أول ما جبت العربية الموضوع ده عادي و لا فيه مشكلة

و صحيح في مشكلة تانية أنا نسيت أسألكم عليها و هي إن العربية بتحدف مني يمين لما بسيب الدركسيون هو تضبيط الزويا عندهم بكام و تنصحوني أعمله عندهم و لا بره؟؟

و ربنا يجزيكم كل خير

**kokofepss** · 01-06-2011 12:29 AM

عندة نفس المشكلة بتاعت الحدفة ومش لاقليها حل

**ABOHAZEM_NEW** · 01-06-2011 12:34 AM

بالنسبة للصفاره من الكبوت وإن شاء الله تظبط فى صيانه 5000 بدون أى مصاريف
بالنسبة للحدف يمين ده محتاج تظبيط زوايا المفروض برضه يتعمل فى التوكيل بدون مصاريف طالما العيب من العربية
بس بصراحه أنت أتعرضت لمطب جامد أو حاجة زى كده .. على العموم ممكن تعمل ظبط الزاويا عند أى حد كويس بحوالى 25 - 30 جنيه بس حاول تعملها بسرعه سواء فى التوكيل أو بره علشان إتزان العربية
وربنا يبارك لك فى العربية يكفيك شرها

**ZOTYE** · 02-06-2011 12:49 AM

بالنسبة للصفارة الغريبة دى متقلقش منها انا عربيتى لوجان 2011 مستلمها فى شهر يناير و كان فيها هذه المشكلة و طلع عيب صغير فى قفلة الكبوت و التوكيل علجها و مدفعتش ولا مليم دة عير كمان انهم غسلولى العربية من الداخل و الخارج ..
اما موضوع الحدف شمال دة مجرد ضبط زوايا مش اكتر روح التوكيل و قلوهم و مش هتدفع مليم ..
بالنسبة للفتيس انا كان عندى نفس المشكلة و ظهرت معايا بعد 1000 كيلو لكن روحت للتوكيل و ظبطوه و بقا ناعم جداااااا ( بصراحة ناس محترمين جداااا )

**faresattar** · 02-06-2011 09:30 AM

ـ صوت الصفارة في كل العربيات وانا عملت صيانة الـ 5000 في مركز العدوي بالمنصورة بس معرفوش يصلحوه .. نصيحتي شوف فروع التوكيل اللي عندهم فكره

ـ الفتيس باتعامل معاه عادي معنديش فيه مشكله.

ـ الحدفه ضبط زوايا طبعاً واعملها بسرعة لأن هاتسببلك تآكل في الكاوتش من جنب واحد وهاترميه

ـ لو عندك خشونة في صوت المكنه بعد سرعة 100 متقلقش برضه كانت عند اعضاء كتير وراحت بعد 3000 كيلو (التليين)

ـ الابواب الخلفية تقيله عند الكل برضه ومركز العدوي معرفش يصلحها (في اعضاء تانيين صلحوها)

ـ سقف الشنطة خد بالك منه حاد جدا وممكن يسبب جروح (خد بالك وانت بطلع حاجه كبيرة من الشنطة)

تقبل مروري وربنا يباركلك فيها ..