السلام عليكم
أنا متفق مع حضرتك تماااااااااااااااااااااما في كل ما قلت
ولتوضيح فكرة أن يكون الحاكم ذو مرجعية معينه
فالفكر الإسلامي الذي تعلمته لا يلزم الأمة أن تختار أكثر الناس علما بالدين لكي يحكم او يتولى منصب فلاني
ولكن الذي يتم إختياره يجب أن يكون الأنسب للمنصب
فوزير الداخلية يجب أن يكون أقدر الناس على حفظ الأمن وسيادة القانون
ووزير الخارجية هو أفضل من يتكلم ويحاور ويناور باسم البلد ومن اجلها
ولذلك فقد اختار سيدنا عمر لمصر أن يحكمها عمرو بن العاص لأنه من دواهي العرب ولم يختر لها سيدنا أبو عبيدة مثلا رغم انه كان امين الأمة او عبد الله بن عباس وهو حبر القرآن
لكن الإسلاميين - وخصوصا الإخوان لأني قريب منهم - عندما يتكلمون عن عدم فصل الدين عن السياسة يقصدون أنه يجب أن تكون من مواصفات الحاكم بجانب أنه داهية وشخصية وكاريزما ووو لكن يجب أن يكون ذو خلفية إسلامية لكي يكون في باله وهو يتعامل أنه يستظل ويتحرك في ضوء أهداف الشريعة الإسلامية
يعني مثلا نتخيل إن الحاكم محتاج ان يصنع فتنة داخلية بين المسلمين والمسيحيين لكي يتسستب له الأمر
لو حاكم عادي فهناك إحتمال كبير أن يقبل بالأمر طالما وجد أنه لابد منه
أما لو حاكم تحكمه مفاهيم إسلامية وتم إنتخابه على ذلك الأساس فلابد أنه سيرفض حتى لو أدى ذلك إلى زوال حكمه
وقس على ذلك
والواقع الذي حدث لنا من الحكام الغير منتمين لهوية إسلامية في مصر سواء كان عبد الناصر او السادات أو مبارك اثبت لنا ذلك
فعبد الناصر كان يقبل بتعذيب الآلاف سواء اخوان او شيوعيين او غيرهم طالما وقفوا امامه
والسادات كان من اجل ان يمرر إتفاقية السلام فقط قام باعتقال كل القادة والسياسيين
ومبارك لا يحتاج غلى كلام عنه
وايضا في باقي المؤسسات والوزراء
يعني حد كان يتخيل إن يعرف ربنا وبيخاف منه ممكن يقبل إنه يوقع على إتفاقية لتصدير الغاز لاسرائيل وبأقل من سعر تكلفة الانتاج
لو فعل ذلك لتخلى عن دينه وعن هويته التي اختاره الناس من أجلها
وحتى لا ندخل في طور الاتهامات
فأنا لا أقصد ان غير المنتمي للتيار الإسلامي هو غير صالح
ولكن انا في رأيي أنه يجب أن يكون من مقومات الحاكم والوزير إنه يكون يعرف ربنا كويس ومش متعصب
انا شخصيا لا أثق في واحد مش بيصلي وخمورجي وسيرته الشخصية وحشه وووو إنه يحكمني
طب وليه يعني ما فيش حد قوي وأمين ومتدين
ما هو لازم الطبيب اللي بيكشف على نسائنا نثق إنه بيعرف ربنا وإلا ممكن ينتهك حرماتهم
والمهندس اللي بيبني بيوتنا نثق إنه بيعرف ربنا وإلا هيغش في المون
والمحاسب لو مش بيخاف من ربنا يبقى هيسرقنا
والعامل لو مش بيخاف من ربنا يبقى هينام في الشغل
ووووو
ومش معنى واحد ملتحي ولا ماشي مع الجماعة الفلانية إنه يبقى اهل ثقتي وأقول عليه يعرف ربنا
لا الموضوع والإختبار مش سهل كده وعيب لما أبقى عبيط وأي حد يضحك علي
زي بردو لما يتقدم واحد لبنتك علشان يتجوزها
فهناك مواصفات مادية وشكلية وعائلية وعلمية ووووو وهناك خلق ودين
الأفضل ان تزوجها لرجل قوي أمين - يعرف ربنا وكمان له كل المواصفات التانية التي تسمح له أن يقوم بفتح بيت على أكمل وجه كان
لكن المهم إني أتأكد إنه فعلا كده
واحد هيقولي ما فيه قاعدة فقهية إن فساد الحاكم لنفسه وصلاحه للناس
اقوله الكلام ده نسبي وكمان فيه فرق لما يكون حاكم في عصور سابقة كان الحكم فيها ملكي أو ولايه ولم يكن هناك مؤسسات وانتخابات وغيره وكان فيه حاكم ولا ولي ولا ملك فاسد خلقيا بينه وبين نفسه لكن عادل بين الناس والناس لقيوه كده وما يقدروش يغيروه فالفقهاء قالولهم طالما ماشي معاكم بما يرضي الله وفساده بيأثر عليه هو فقط يبقى الأفضل ما نثورش عليه درئا لفتنة لا فائدة منها
وبين إن إحنا قدامنا نعمل نظام مؤسسي قوي يحاكم الحاكم ويراجعه في قراراته وكمان لسه في إيدينا الفرصة وما فيش حد انتخب لسه
فليه وأنا أقدر أنتخب الكويس أروح انتخب الوحش وأقول ما هو ممكن يكون كويس ووطني
يا رب ارزقنا واحد في دهاء وذكاء وشجاعة سيدنا عمرو بن العاص وفي قوة وعدل سيدنا عمر بن الخطاب وأن يكون اللي يحكمنا بيعرف ربنا وبيخاف منه علشان ما يبيعناش تاني زي اللي قبله
المفضلات