استشاره فنيه في الرخام

**zago** · 01-06-2011 05:52 PM

المشاركة الأصلية كتبت بواسطة tarekzein

بص ياعم صبحى

الأفريقى أسود من جوه ومن بره

يعنى لما تبص على الجرانيت من أى ناحيه تلاقى لونه واحد

بس فرق اللمعه

الصينى بقى

الضهر بتاعه لونه فاتح قوى غير الوش الأسود

وممكن يتجرح بسهوله

مع اني مش عايز افتي لاني ماشوفتش الدبل بلاك الصيني ده بس اصبر عليا ...
دلوقتي بلوك الرخام بيتقطع
بعدين بيلمعوا جنب وجنب لا
فطبيعي يعني طبيعي يبقى فيه جنب اغمق من التاني
والجنب ( الفاتح ) لو رشيت عليه ميه حيديلك نفس درجه اللون اللي متلمع
لان كلامك مش منطقي قولي ليه ؟؟ لان الجنبين من رخامه واحده من بلوك واحد من جبل واحد
صح ولا انا فاهم قصدك غلط ؟

**BUNSH** · 01-06-2011 06:23 PM

ارجو مساعدتي في العثور علي صنايعي رخام كويس ويكون عنده ضمير
عاوز اعمل رخام المطبخ عندي
لونين
اسود وابيض
مش عارف ايه المناسب
وعاوز اعرف سعر المتر في الاتنين وايه افضل رخام يتحط في المطبخ كخدمه مش ارضيات
مش لاقي حد اثق فيه لان والدتي بتعاني من رخام مطبخها وتسرب المياه فيه بسبب سوء التركيب
ياريت اللي يعرف حد يقولي عليه
وياريت لو حد يفهم في الرخام يقولي اطلب نوع ايه يكون كويس وفي نفس الوقت سعره يكون حنين لاني شفت حاجات غاليه اوي

السلام عليكم ورحمة الله وبركاتة

اللى أنا اعرفة عن الاسعار كالأتى :

Brescia

وسعرة 600 جنية (رخام)

Double Black

وسعرة 650 جنية (رخام)

Multi brown

وسعرة 750 جنية (جرانيت)

Indian Green

وأنا عملت عندهم جرانيت لمطبخ بتاعى وشغلهم تحفة وسعر شامل تركيب ..زى ما الاخوة الافاضل قالوا ان الالوان فاتحة لديكور مش لشغل ومش هيستحمل.. ولو حضرت عايز رقم انا ممكن ابعت لحضرتك ولو حضررتك محتاج اى حاجة انا موجود ..

**FunnyMickey** · 01-06-2011 07:04 PM

ياريت ياباشا تبعتلي رقمهم عشان محتاج حد اسأل علي اسعاره واشوف عينات

**FunnyMickey** · 01-06-2011 07:11 PM

المشاركة الأصلية كتبت بواسطة zago

السلام عليكم
بعد قراءه الموضوع
قررت أظبطك
بص
مبدئيا احنا مش بناخد الشغل ده غير لناس معرفه او لحد تبع حد تبع حد معرفه وهكذا ههههههههههه
فغالبا مش حعملهولك لكن لو اتحايلت عليا ممكن افكر
الاخ اللي قال فردي على فكره الفردي بيبقع بالعبيط
اللون الابيض مفيش قدامك غير رخام مش فاكر اسمه وبجد لو ركبته في المطبخ حتدعي على شق التعبان كله
قدامك 3 اختيارات

1 - جرانيت رمادي ( وناس بتقول عليه اسود بس هو رمادي ) المتر بتاعه توريد وتركيب 300 جنيه
2 - دبل بلاك واللي موجود عندنا مستورد بس مش صيني واغلب الظن انه اسباني لاني دايما بقولهم اسود اسباني يطلعولي الدبل بلاك وده المتر بتاعه توريد وتركيب 550 جنيه
3 - جرانيت جلاكسي وده شبه الدبل بلاك بس فيه زي صدف لامع على ازرق خفيف قوي ومش عارف بصراحه مستوردينه من اني قاره والمتر بتاعه توريد وتركيب 600 جنيه

اي حاجه تانيه حتحطها في المطبخ حتتعبك

تسلم يازاجو ربنا يخليك ياباشا
وانا مش محتاج اتحايل عليك علي فكره
انتا مش جي بحه
خلاص
بعد الاكل يحلها ربنا :)

ممكن بقي الاقي صور للحاجات دي عالنت ولا صعب عشان اختار اللون بس

يعني انا لقيت ده مره في معرض سعره 500 جنيه
بس مكنش عاجبني الدهبي اللي جواه ده

**zago** · 01-06-2011 07:37 PM

المشاركة الأصلية كتبت بواسطة tarekzein

بص يا زاجو

بدون الدخول فى تفاصيل كتير

الفردى ... جرانيت زى أى نوع جرانيت والبقعه فيه شبه مستحيله

وما يسرى على باقى أنواع الجرانيت يسرى على الفردى (إشمعنى هوه اللى هايبقع )

الأسعار بتختلف من خامه للتانيه ومن عرق للتانى ومن طاوله للتانيه

الدبل بلاك أسود آه بس تون اللون بيختلف من خامه للتانيه (ده قصدى على اللون من الضهر )

يعنى مش قصة ميه ويبقى أسود

معالجه الوش بتبقى غير الضهر الغشيم ( صح )

وده بيخلى الخامه الصينى اللى بتتجرح بسهوله

يبان مكان التجاريح لون فاتح

وأخيرا أنا كنت داخل أفيد باللى أعرفه

وبنحاول نخلى الموضوع دمه خفيف فى نفس الوقت

وسلام يا هندزه

متزعلش بس ههههههههه
أدي الجمل وادي الجمال
نجيب حته ونبقعهالك مخصوص ياباشا ولا يهمك
بالنسبه للدبل بلاك الصيني لاحظ في اول مشركتي اني كتبت اني معرفوش
متزعلش بس ههههههههه محدش عارف كل حاجه

**zago** · 01-06-2011 07:51 PM

المشاركة الأصلية كتبت بواسطة FunnyMickey

تسلم يازاجو ربنا يخليك ياباشا
وانا مش محتاج اتحايل عليك علي فكره
انتا مش جي بحه
خلاص
بعد الاكل يحلها ربنا :)

لو كده يبقى حفلسع هههههههههه

امسك كام صوره طازه

ده جرانيت رمادي عاملينه لحوض المطبخ
[img3]http://www.nileup.com//uploads/images/domain-be3b0c5e02.jpg[/img3]

ده الجلاكسي في المطبخ برضو واللي عليه ده المعلم شيتوس
[img3]http://www.nileup.com//uploads/images/domain-7d9ea6c85d.jpg[/img3]

من الشمال .. جرانيت رمادي - دبل بلاك - جرانيت احمر اسواني
[img3]http://www.nileup.com//uploads/images/domain-695a5798fc.jpg[/img3]

وده الدبل بلاك في الريسيبشن شوف انعكاس النجفه على الارض مع انه راكب بقالو اكتر من 5 سنين ( هو غالي بس يستاهل )
[img3]http://www.nileup.com//uploads/images/domain-4836781fd8.jpg[/img3]

معلش كاميرا الموبايل بعافيه شويتين

**FunnyMickey** · 01-06-2011 10:12 PM

طب مفيش حاجه في نفس سعر الجرانيت الرمادي اسود ساده
مش عارف ليه مش متقبل الرمادي ده

**heshamzaky** · 01-06-2011 10:52 PM

المشاركة الأصلية كتبت بواسطة tarekzein

أنا مش زعلان ولا حاجه

واضح أن خبرتك غير محدوده

أستمر

:s_thum1[1]:

طارق باشا أزيك بص زاجو على فكرة الجرانيت و الرخام دول شغلهم على فكرة و تفتح شنطة العربية تلاقى حاجات عجب و اشكال غريبة كان حاطط ماكينة الجلى فى شنطة العربية هههههههههههههههه و على فكرة زاجو شخص طيب جدا جدا جدا و جدع فوق ما تتخيل و بيحب الهزار زى عنية
و الى زى الصندوق الى أنا كنت رافع صورتة وسام عملة ليا علشان أحط فية العدة هههههههههههههه