استشاره فنيه في الرخام

**FunnyMickey** · 01-06-2011 01:23 AM

ارجو مساعدتي في العثور علي صنايعي رخام كويس ويكون عنده ضمير
عاوز اعمل رخام المطبخ عندي
لونين
اسود وابيض
مش عارف ايه المناسب
وعاوز اعرف سعر المتر في الاتنين وايه افضل رخام يتحط في المطبخ كخدمه مش ارضيات
مش لاقي حد اثق فيه لان والدتي بتعاني من رخام مطبخها وتسرب المياه فيه بسبب سوء التركيب
ياريت اللي يعرف حد يقولي عليه
وياريت لو حد يفهم في الرخام يقولي اطلب نوع ايه يكون كويس وفي نفس الوقت سعره يكون حنين لاني شفت حاجات غاليه اوي

**heshamzaky** · 01-06-2011 01:27 AM

زاجو من رابطة التمبرا استاذ فى موضوع الجرانيت و الرخام بيفهم كويس جدا فيهم حا أقولة يشوف الموضوع و يرد عليك

**FunnyMickey** · 01-06-2011 02:17 AM

المشاركة الأصلية كتبت بواسطة heshamzaky

زاجو من رابطة التمبرا استاذ فى موضوع الجرانيت و الرخام بيفهم كويس جدا فيهم حا أقولة يشوف الموضوع و يرد عليك

تسلم ياباشا ومستني زاجو وانا حبعتله بردو

المشاركة الأصلية كتبت بواسطة opelawy

حسن 0100346034واحد امين جدا عملت معاه رخام باسعار حلوة اوي

حكلمه بكره ان شاء الله واستفسر منه
تسلم ايدك ياباشا

**smsm2015** · 01-06-2011 02:26 AM

الجرانيت للمطابخ افضل حاجه ...

وفى ورشة كبيره اسمها الفجرتقريبا فى فيصل جنب محجوب بتاع السيراميك ممكن تسال فيها ..

**FunnyMickey** · 01-06-2011 02:35 AM

المشاركة الأصلية كتبت بواسطة sayed911

مفي الفكرة يا استاذ صبحي حضرتك المطبخ ها يحتاج كام متر وانتا حاطط ميزانية كام للمتر ؟
يعن مثلا انا عندي افضل مكان تاخد منه رخام ولكن للأسف انا مش بحب النايعي بتاعه يعني رخام ممتاز بعد الجلي تشوفه مراية وبجيبه لمداخل العمار والتشطيبات في الشركة عندنا ولكن بجيبه وبجيب فني هوة اللي يركبه ولكن حضرتك راصد كام الأول !؟

وهيا دي فيها رصد ياسيد
المهم الرخام يكون كويس
انا معرفش اي حاجه في موضوع الرخام ده
ولا امتار ولا اي حاجه
الصنايعي اللي حشغله هوا اللي حيمتر المطبخ ويقول انا عاوز كذا رخام
حاخد منه سعر وانزل انا اسأل
واشوف
لو هوا ارخص حخليه هوا يجيبه
لقيت انا ارخص حجيبه واوديه لورشته وهوا ياخد مصنعيه بس

بكام منين انا معرفش
اللي يعرف يدلني يقولي اعمل كذا هوا ده الصح يبقي كتر خيره
لاني فعلا مفهمش اي حاجه في الحوار ده
انا عمي بتاع رخام اصلا
بس مش عاوز قرايب يدخلوا الشقه
عشان لو حصل اي مشكله اعرف اخد حقي
انما عمي حسكت

المشاركة الأصلية كتبت بواسطة tza

الجرانيت للمطابخ افضل حاجه ...

وفى ورشة كبيره اسمها الفجرتقريبا فى فيصل جنب محجوب بتاع السيراميك ممكن تسال فيها ..

انا سألت علي موضوع الجرانيت ده
كنت في معرض عفش كده وفيه شركات عارضه رخام وشفت اشكال الجرانيت في الابيض والاسود محدود لونهم اوي
بس فعلا الجرانيت اتقالي انه افضل حاجه لرخامه الخدمه بتاعت المطبخ
بس بكام بردو معرفش

لو حضرتك تعرف سعره قوللي
انا سمعت سعر 500 جنيه المتر
و450
وقالولي فيه تخفيض مش عارف كده عالي ولا كويس

وسؤال تاني ايه مجالات الغش في موضوع الرخام ده
يعني ممكن البياع او الصنايعي اللي شغال يضحك عليا في ايه

**sara2001** · 01-06-2011 02:45 AM

الأسود أفضل حاجه دبل بلاك علشان بيستحمل وسعره معقول تقريباً 600 جنيه سعر المتر
الأبيض بيظهر فيه البقع بسهوله

**FunnyMickey** · 01-06-2011 11:57 AM

والله ياسارا انا معاكي
بس انا مشكلتي اني عامل المطبخ اسود دوكو
:)

فلو عملت الرخامه سوده حماتي و امي ممكن يولعوا فيا
فانا عامل زي بار خدمه كده فعمل الرخامه اللي فوق سوده
انما اللي تحت دي صعب جدا تبقي سوده لان الدرف اللي تحتها سوده