انا اتخذت قرار ياريت الرجالة تقولى رائيها

**sniperwolf** · 04-06-2011 03:22 AM

المشاركة الأصلية كتبت بواسطة moustafa_saad

طالما متعود على الالمانى يبقى خليك فى الاوروبى عامة وماتخرجشى عنه
السانديرو هى بالظبط اللوجان بس اشيك بكتير
وقطع غيارها الاستهلاكيه زى التيل والفلاتر والسيور والفوانيس كمان اسعارها عاديه جدا وادخل القسم عندنا وانت تعرف
المشكله فى الكبالن وعلبة الدركيسون غاليين فحت وانت عارفالحاجات دية معمره ومش بتتغير بسهوله الا لا قدر الله فى حادثه

بس حضرتك كدة البريليانس بتنافس السنديرو و على فكرة ثبات البريليانس و خامتها ماتقولش انك راكب صينى خالص و دة بقا الى مجانينى و مخلينى محتار و بسألكم

**MOUSTAFA_SAAD** · 04-06-2011 07:26 AM

المشاركة الأصلية كتبت بواسطة heshamxp

بس حضرتك كدة البريليانس بتنافس السنديرو و على فكرة ثبات البريليانس و خامتها ماتقولش انك راكب صينى خالص و دة بقا الى مجانينى و مخلينى محتار و بسألكم

انا مش مختلف معاك فى الموضوع ده
العربيه دية كنت ماجر النسخه الهاتش باك منها علشان اعلم اختى السواقه عليها قبل لما اجيب اللوجان وسوقتها 5 دقايق بس
وبما انى بسوق من زمان فقدرت فى الفتره دية احكم عليها واحس اد ايه العربيه جميله فعلا وثابته وفرامل ممتازه وسحب هايل وشكل جميل
بس بصراحه انا عندى عقدة الصينى ده غير انها مش منتشره خالص زى اللوجان او حتى السانديرو اللى بدات تنتشر بكثره وبالتالى حتلاقى سعر اعادة بيع كويس و قطع غيار تبدا تتوفر

**sniperwolf** · 04-06-2011 05:27 PM

المشاركة الأصلية كتبت بواسطة moustafa_saad

انا مش مختلف معاك فى الموضوع ده
العربيه دية كنت ماجر النسخه الهاتش باك منها علشان اعلم اختى السواقه عليها قبل لما اجيب اللوجان وسوقتها 5 دقايق بس
وبما انى بسوق من زمان فقدرت فى الفتره دية احكم عليها واحس اد ايه العربيه جميله فعلا وثابته وفرامل ممتازه وسحب هايل وشكل جميل
بس بصراحه انا عندى عقدة الصينى ده غير انها مش منتشره خالص زى اللوجان او حتى السانديرو اللى بدات تنتشر بكثره وبالتالى حتلاقى سعر اعادة بيع كويس و قطع غيار تبدا تتوفر

الاتنين فى سعر اعادة البيع واحد الرينو كل موديلتها بيعها تقيل اوى و دى بردة معتقدات راسخة فى دماغ المصريين مش عارف سبب واحد و متاخودش من واحد حتى سبب مقنع انها وحشة لية اى حد يقولك وحشة و خلاص واسال مجرب ... و كمان قطع غيارها نار و البريليانس بيعها تقيل بردة يبقى كدة الاتنين واحد مفيش فرق

**tananybasha** · 05-06-2011 01:19 AM

انا حابب البريليانس لولا توكيلها و قطع غيارها هى عربية تحفه

**alnmr79** · 05-06-2011 03:02 AM

البريليانس fsv crose 100/100

**sniperwolf** · 05-06-2011 03:13 AM

المشاركة الأصلية كتبت بواسطة alnmr79

البريليانس fsv crose 100/100

حلوة العربية دى بس عيبها انها 2 زجاج كهرباء بس و مفيهاش سمارت كى ..... بس ان شاء الله انا بفكر فيها او فى fsv

**tananybasha** · 05-06-2011 11:21 PM

fsv
جباره
ركبتها النهارده بالصدفه

**mohamed_reda** · 11-06-2011 07:04 PM

فى مشكله بسيطه فى الرينو و البريليانس ... لو هتجيب عربيه زيرو عشان تقعد معاك 5 سنين من غير ما تفتح بقها يبقا ماعتقدش ان البريليانس هتصمد والرينو هتكون احسن ولو ناوى تبيع قبل الخمس سنين يبقى الاتنين ما ينفعوش عشان هتخسر فيهم كتيييير ... حاول تجيب عربيه كسر زيرو و يكون سوقها ماشى كويس ... يعنى النترا الشكل اللى قبل الاخير تكون عامله 30 الف او لانسر 2008 1500 اوتوماتيك عامله بردو نفس الرينج ... انا بجرى فى سواقتى و بقولك العربيتين دول انا كنت بسافر بيهم على 190 و 200 و عادى جدا جدا .. و فى الاخر انزل السوق واتفرج على كل العربيات قبل ما تقرر .. و استخير واتوكل على الله