الموضوع: مشكلة كبيرة فى بى أم 330ci موديل 2010

السلام عليكم

المشكلة شفتها بعينى و محدش قالى عليها..........مشكلة من أفظع ما يكون على عربية ببرستيج ال 330CI

كنت واقف فى إشارة أول إمبارح و قدامى العربية دى.......بسم الله ما شاء الله وحش واقف.

الإشارة فتحت......العربية متحركتش.....أديت كلكس خفيف كده اللى سايق شغل الإنتظار.....عرفت أن عنده مشكلة....أبتديت أحاول أطلع منه لحد ما لقيت دراع طالع من مكان السواق.....كانت واحدة اللى سايقة و هندية كمان.....و من طريقة التلويح بالدراع كده تفهم أن ده نداء إستغاثة.

و طبعاً بما أنى مزنوق وراها.....و الحارتين اللى على يمينى و شمالي فاتحين.....قولت أنزل أشوف فيه أيه.

نزلت و يا ريتنى ما نزلت.......خير أيه المشكلة ؟؟؟
العربية مش بتمشى مش عارفه ليه......و راحت خارجة من العربية و طلبت أنى أدخل أحاول أشوف في أيه

دخلت العربية......و طبعاً صدمة نفسية و عصبية بالنسبالى من فخامة و شياكة العربية بس فوقت منها بسرعة.....و بحاول أدور على المشكلة علشان العربية بنت التييييييييييييييت دى اللى مش راضية تمشى.

المهم ببص لقيت العربية مبطلة......حاولت أدور......دارت عادى جداً.......

طيب فيه أنوار تحذيرية ؟ لأ ما فيش

طيب الفتيس الأوتو فيه مشكلة ؟.....جبت P و N و D و كل حاجة طبيعية و العربية بتتحرك عادى.



الهانم بطلت العربية و هى مش عارفة و مستغربة أن العربية مش بتمشى.........طيب دى يتقالها أيه؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟