الموضوع: مشكلة فى باور الاوبترا

طيب يا جدعان مش انا بس اللى بقول منصور كويس ما هو غير للراجل اللى هو عايزه اهو بدون مشاكل ربنا يهديه ويفضل كدا عالطول

المشاركة الأصلية كتبت بواسطة nadenono

و باعتذر مقدما للأستاذ باسم عن الضيق اللي حاسببهوله

مافيش داعى للإعتذار يا باشا ، لأنها مش عربيتى ، دى عربية والد المهندس شريف إللى عامل الموضوع .

وإن شاء الله تطلع سليمه وربنا يوفقه فى تصليحها ، ويوفقك إنت كمان فى تصليح الأفيو .

ويا جماعه لو حد عنده مشكله مع التوكيل مش لازم يسيب حقه ، إحنا دافعين ألوفات مش ملاليم .

وبالتوفيق للجميع .

لو شاكك راجع وراهم..يعني اطلع من عندهم روح لميكانيكي فاهم ولا اقول ثقة لأن ما فيش صنايعي تثق فيه ابدا..خليه يراجع لك على الشغل

معلش يا جماعة انا اتاخرت عليكو لظروف خارجة عن ارادتى ...وواضح ان الموضوع سخن وشاكر لكل المشاركات الجميلة دى واحنا بنعرض المواضيع عشان نستفاد كلنا واى حد يتعرض لموقف مشابه يبقى عنده خبره بالموضوع....المهم مهندس الصيانة اتصل بوالدى يوم السبت الساعة 5 عصرا واحنا كنا مسلمينها الساعة 9 الصبح وقاله ان مهندسين الضمان كشفوا عليها ووافقوا على تركيب علبة دريكسيون مبدئيا وبعدين هيجربوا ويتاكدوا من طلمبة الباور ولو ظهرت فيها مشكلة هيه كمان هي هيغيروها وقالو انها هتخلص يوم الاثنين لحد دلوقتى كلام معقول...اتصلنا بيهم الاثنين الصبح قالوا ان علبة الدريكسيون مش متوفرة حاليا وجاية من اسكندرية ( تقريب كانت بتصيف فى المعمورة) المهم عدم الالتزام بالتوقيتات ابتدى يقلقنى على العموم انا هسيبهم لاخر الاسبوع واشوف ايه الاخبار بعد كده....وياريت لو حد عندو راى يفيدنى بيه

عادى ان القطعة مش موجودة فى فرع و بيجيبوها من فرع ثانى ما تقلقش
انا عن نفسي استنتها اكثر من شهر:-)
بس هى ماكنتش موجودة فى اي فرع و استنينا شحنة قطع الغيار من كوريا
ان شاء الله تجيلك بسرعة

ياريت يكون معاك رقم موبايل المهندس اللى كشف عالسياره معاك وتفضل وراه كل يوم
بس السعر غريب شويه انا غيرت علبه دركسيون وطرمبه باور وخراطيم الباور وزيت الباور وكانت التكلفه 8600 ودفعت 10 % معرفش ليه
جرب العربيه جوا قدامهم الدركسيون هيبقى خفيف شويا فالاول بس هيظبط تانى مع المشى
وربنا معاك ان شاء الله

انا فعلا معايا رقم التليفون بتاع المهندس وبتابعة بالتليفون بس انا عايز اعرف ليه حضرتك دفعت 10% من اجمالى التكلفة هما قالولى فى التوكيل انى هدفع تمن زيت الباور فقط