سخونه بونتو 2002

**eng_ahesham** · 01-06-2011 02:28 PM

السلام عليكم
عربيتي يا جماعه بتسخن وهي واقفه علي السلانسيه لكن في الجري او المشي العادي مبتسخنش خالص
انا مخنوق اوي وقلقان من الموضوع ده لانو عمره ما حصل معايا ومخليني دلوقتي راكن العربيه مبركبهاش
علما بان المروحه شغاله سرعتين مش عارف اعمل ايه دلوني الله يكرمكم

**HotRide** · 01-06-2011 05:34 PM

طيب دبه احتمال كبير طرمبه مياه عايزه تتغير
و الاحتمال الاخر ان يكون في سدد في ردياتير

**eng_ahesham** · 01-06-2011 05:40 PM

طيب واعرف إزاي
انا شكيت انه ممكن يكون فلتر هواء
لاني مغيرتوش من 40 الف كيلو كنت بنضفوا بس

**HotRide** · 01-06-2011 07:41 PM

المشاركة الأصلية كتبت بواسطة eng_ahesham

طيب واعرف إزاي
انا شكيت انه ممكن يكون فلتر هواء
لاني مغيرتوش من 40 الف كيلو كنت بنضفوا بس

لاء فلتر الهوا ملوش ادني علاقه

هي حاجه من الاتنين دول ملهاش تالت و برده ممكن تكون ثيرموستات

دلوقتي الميه بتنقص ؟؟؟ في صوت غريب جي من عند موتور صوت حكه او خشونه ؟؟ في مياه بتنقط من نحيه طرمبه ؟

**eng_ahesham** · 08-06-2011 02:47 PM

بص يا باشا في مياه بتنقص
لكن مفيش صوت حكه ولا خشونه ولا ميه بتنقط
يبقي كده اييييييييه

**kampa_elhaggar** · 09-06-2011 03:04 AM

بص يا باشا معني ان الميه بتنقص يبقي كده في تسريب ممكن التسريب ده يكون بنسبه صغيره بص جرب تزود ميه و تاخودلها هوا و تظبط الميه علي المقاس بتاعها و بعد كده جرب انشاء الله حتحس ب فرق و تابع بعديها كل يوم الميه الصبح بس ضروري لما تتابع الميه بعد كده تفتح الغطاء و العربيه بارده تماما عشان ميبقاش لازم تاخود هوا تاني ليه و لو لاقتها بتنقص تاني يبقا في الحاله دي بيتفبس هوا في الردياتير و هيا مبطله و يتعرف التسريب منين و ابقا قول عملت ايه و وصلت لفين

**eng_ahesham** · 09-06-2011 02:29 PM

بص بجد الله يكرمك علي المعلمومات دي
انا بس عاوز اعرف واحد بتاع ريداتيرات ممتاز ويا سلام لو كنت مجربه وعارف انه مش بتاع اشتغالات
ونوع مياه احطه في الريداتير خضرا او حمرا او هيبو او السائل المضاد للصدأ علشان انا من سنتين حطيت مياه موبيل الخضرا وسخنت العربيه واضريت افضيها
وبكرر شكري ليك ولاهتمامك

**kampa_elhaggar** · 10-06-2011 02:12 AM

بص بالنسبه لبتاع الردياتيرات في واحد شاطر جدا في امبابه لو عايز تروح ممكن تكلمني اوديك عندو و و لو عايز حد يشغل فيها بردو اعرف و الميه بقا دي حطيلها مانع صدا افضل اللي بيبقا في علبه كده زي الكانز بس كبيره و بيفضي علي الميه العاديه بس الكلام ده تعملو لما تتاكد انها مش بتسرب

**eng_ahesham** · 10-06-2011 03:25 AM

'طيب يا ريت تبعتلي نمرتك هنا او علي الخاص اللي يعجبك

**kampa_elhaggar** · 10-06-2011 04:15 AM

انا جيت ابعت رقمي قالي انك عامل عدم استقبال رسايل فا ياريت تلغيها عشان ابعتلك الرقم علي الخاص افضل و في حاجه نسيت اسالك عليها انت شايل ثرموستات اللي بيبقا في الكوعه بتاعت الميه ولا لا ؟؟؟