السلام عليكم
انا لسة مشترى واحدة 190 1983 دواخل فابريكا دهان خارجى جديد موتور استيراد لسة راكب عليها
بالعافية اخدتها ب 65 الف
عرض للطباعة
السلام عليكم
انا لسة مشترى واحدة 190 1983 دواخل فابريكا دهان خارجى جديد موتور استيراد لسة راكب عليها
بالعافية اخدتها ب 65 الف
عربيه ممتازه والغلطه هو تجار العربيات فى مصر والاشعات الخيبانه دى اول ما نزلتعشان حجمها كان اصغر من موديلات مرسيدس وفرامل اليد فى الكونسول كل الناس نشرو انهاةسحب امامى مش عارف مين العبقرى اللى طلع الاشاعه المتخلفه دى والى الان ناس كتير لسه متبنين الفكره دى بس هيه عربيه هايله ولو هتشتري حاول تجيب فوق ال٩٠ منها المتور الجديد والباكتات العريضه والاكصدامات عربي مش هتقطم وهتعيش معاك زى الوحش
ألف ألف شكر يا جماعة .. مش عارف أقولكم أد إيه استفدت من المعلومات القيمة دي .. الموضوع جميل جدا وردود الأخوة واضحة جدا .. جزاكم الله خيرا .. صراحة العربية ال 190 رااااائعة .. إن شاء الله أشتريها لإن اقتناء عربية مرسيدس هو حلم حياتي و اللي مشجعني إن العربية دي سعرها معقول جدا خاصة موديلات الثمانينات .. والله المستعان ..
لو سمحتوا ممكن بس حد يقولنا قطع الغيار الأصليه جديدة واستيراد نجيبها منين ولكم جزيل الشكر ..
العربية دى جميلة جداا..ومن وجهة نظرى احل واشيك من الزلموكة...وشكلها ينفع لجميع الاعمار ..ويمشي كلاسيكى..ورياضي..
انا عايز واحده وعايز اعرف ايه النادر من قطع غيارها
انا اعرف دكتور عندنا ف الكلية راجل كبير اوي ف السن .. من سنتين تقريبا كان بيقولي انه اشترك ف تصميم المرسيدس ال 190
الله يمسيك بالخير يا دكتور عيد
ياااااااااه ال 190 دي ليها ذكريااااااااااااااااااااا ااااات معايا هي مع واحد صحبي اوي العربيه تعتبر بالنسبه لعمرها زيرو فعلا العربيه معه تاني يد كانت مرفوعه موديل 1985 كامله اتو فتحه سقف جنوط سبور بتاع الفبريقه دواخل زيروووووو رشه بره نضافه فينك يا عمرو هههههه العربيه معتدش ال 200 الف كيلو طبعا ثبات جاحد بتجيب 190 عادي جدا ببنزين 80 احسن لها من 92 المشكله انها ضيقه اوي خصوصا من الخلف والسقف بتاعها واطي اوي وعاوز اقولك ان فعلا العربيه دي معظم التجار والصنايعيه بيقولوا عليها غلطه مرسيدس واللي يقولك دي عربيه يهود صحبي بيطلع عينه من الكلام اللي بيسمعه بسببها هههههههههههه
عربية محترمة وشكلها لا زال يدل أن صاحبها وراكبها على ثراء ولكن إركب من موديل 89 حتى 93 وبفكر أضم وحده لمجموعتي المتواضعة خلال سنتين ولا حاجة وبالتوفيق
ال201 عربية جميلة من عربيات مرسيدس والتي تستحق حمل النجمة الثلاثية عن جدارة ولكن الواقع المرير للعربية وباعتراف الالمان نفسهم في مجلة زي داس اوتو ان الدريكسيون بتاعها مبالغ في حجمة لدرجة تشبيهه بالدومان بتاع المراكب ولدرجة انك لو ركبت العربية ببنطلون فاتح حتجد اثر احتكاك الدريكسيون برجليك واضح كذلك المساحة الداخلية ضيقة جدا ودة نتيجة مرور محور نقل الحركة وتمديدات العفشة والكرونا الخلفية والتي صنعت لمتطلبات مرسيدس من حيث الجودة والقدرة علي التحمل
بخلاف ذلك سيارة متينة متانة اي مرسيدس بمواتير تدوم دهرا كالعادة واستهلاك بنزين متدني جدا لا يتوافق مع حجم المحركات الكبير السعة نسبيا
لكن في بلادنا خد بالك ان السوق عندنا معايرة مختلفة تماما وال201 قطع غيارها اضحت محدودة نسبيا وبالاخص الاكسسوار
عموما ربنا يوفقك
وبالمناسبة عندي كتاب الصيانة لها بالانجليزي لشركة هاينز لو حد عايزة
تحياتي