المشاركة الأصلية كتبت بواسطة elshaky
حضرتك كفيت ووفيت لانى كنت ناوى ارد بعصبيه بس ربنا يخليك ليا بجد ههههههههههههههههههههه بهزر على موضوع العصبيه ده بس انا كنت هقول نفس الكلام وبعدين نفس الاوبشن ونفس الثبات وكل شئ الحمد لله اللوجان جميله جدا جدا وتقارن بالاوبترا والنيو اكسنت واللى خلف النيو اكسنت ههههههههههههههه
القصة مش محتاجة عصبية ولا اية حاجة
القصة ببساطة اللوجان هى افضل اختيار كفئة سعرية وهى بعيدا عن السعر هى عربية ممتازة فى كل شئ, ومع كذا واحد صاحبى ومحدش اشتكى منها غير قطع الغيار فقط ( مع العلم قطع الغيار ما تعتبرش غالية لانها معمرة مش زى الكورى والصينى) وده طبيعى جدا لانها اوروبى ومافيش اوروبى رخيص ,
تانى حاجة افضل وكيل فى مصر برأى كل الناس هى الشركة العالمية للسيارات ( وكيل كيا ورينو فى مصر)
شركة من مجموعة شركات الكان لصاحبها محمد نصير, وانا مهندس اتصالات واشتغلت معاهم اربع سنوات قبل ما نقل لشغلى الجديد وعارف شغلهم عامل ازاى , بجد ناس ناجحة جدا
يعنى اللوجان تكتسح كل اللى فى رينج سعرها ( لانوس , فيرنا , بروتون ساجا,.....) , لا وجه مقارنة
انما لو سعر اللوجان بيلعب فى 90 الف جنية زى الاكسنت و الاويترا , مع احترامى الشديد انا ها ختار الاتنين دول واعتقد ان فية ناس كتير بردة ها تختار نفس الاختيار لاسباب كتير لاداعى لذكرها عشان ما ادخلش فى جدال مع اية حد.
الخلاصة : اللوجان عربية فوق الممتازة فى كل شئ ( كخامات , حجم مناسب جدا , ارتفاعها عن الارض ممتاز ( مناسبة جدا لمطبات مصر العظيمة ) , كصناعة و تقفيل ممتازة , كسعر فوق الممتاز , وكيل ( افضل وكيل سيارات فى مصر),
ربنا يبارك لكم فيها جميعا ويكفيكم شرها
مهندس / محمد بيومى
المفضلات