الاطباء يستعدون لاضراب مفتوح واستقالات جماعية

**megamoudy** · 02-06-2011 12:14 PM

انا عاوز حد يرد عليا وسيبوكو من كلمة كل واحد وداخل عارف عيوب المهنه والكلام ده مع احترامي لصاحبه

لما وزير المفروض انه مسؤول يطلع ويقول ادي للدكتور بالجزمه ............. وتحريض علني.............. على أساس ان الطبيب بيجيب الدوا من بيته

لما مريض ياخد الدوا بطريقة غلط او خد نص الكورس او برشامه حتى من كورس كامل ويروح للطبيب ويقول مخفتش وبتحصل ( موقف حقيقي في وحده صحية )

لما المريض البسيط يسمع كلمة وزير المالية ............ مش بعيد يضرب الدكتور باللي ف رجليه ........ وتقولي الدكتور عارف عيوب المهنه

عموما ان شاء الله هيكون في قضية على وزير المالية للتحريض على الاطباء حتى لو مش قاصد فهي مصيبة اكتر انه مسؤول ومبيعرفش يكلم

**تامر.محمد** · 02-06-2011 12:20 PM

المشاركة الأصلية كتبت بواسطة wesam_salom

ربنا معاهم ويقويهم
وكان الله فى عونهم وعون الناس جميعا
وكل الناس نفسها وضع قطاع الصحه بالكامل يتحسن فى مصر
ويبقى الدكتور بيقبض مرتب يعيشه حياه كريمه تتناسب مع مهنته وخدمته للناس
ويبقى مش محتاج يشتغل فى عيادته ويلاقى كل الامكانيات متوفره عنده ويعامل المعامله اللائقه بطبيب

وهما عندهم حق فى اعتراضهم وطلباتهم
بس المهم يعرفوا يغضبوا امتى ويوجهوا غضبهم فى اى اتجاه
يعنى الغضب من الحكومه والشكوى من الحكومه يجب الا توجه تجاه مرضى حكم عليهم حظهم السىء وظروفهم الصعبه بالعلاج فى مستشفى حكومى
اذا كان الطبيب مش قادر يتعايش مع الجو السىء للغايه داخل المستشفى يبقى المريض حالته ايه

اذا كان الاطباء بيطلبوا فلوس سواء كمرتب او تحسين مستوى المستشفيات والاداء فده هيعود على المريض داخل المستشفى اكتر من الطبيب
لكن الاهم ان الاضراب او الاعتصام ميكونش نتيجته اذى لمريض

وسام باشا صباح الفل اولا
هاقول لك من الآخر
لو الوضع بالسوء ده ما كانوش زودوا فئات تانية 100% و يا ريتهم نافعين اوي كده
و في الآخر تظبيط الصحة العامة في مصلحتنا كلنا , الفئة الوحيدة اللي مش من مصلحتها ان الصحة العامة تتظبط

هما اصحاب المستشفيات الخاصة الكبيرة

**shaddadfalcon1** · 02-06-2011 12:26 PM

الناس خلصت من الفتنه الطائفيه والأخوان والسفيين هيلفو علي الشعب عشان يوقعوه كله في بعضه

**wesam_salom** · 02-06-2011 12:27 PM

المشاركة الأصلية كتبت بواسطة تامر.محمد

وسام باشا صباح الفل اولا
هاقول لك من الآخر
لو الوضع بالسوء ده ما كانوش زودوا فئات تانية 100% و يا ريتهم نافعين اوي كده
و في الآخر تظبيط الصحة العامة في مصلحتنا كلنا , الفئة الوحيدة اللي مش من مصلحتها ان الصحة العامة تتظبط

هما اصحاب المستشفيات الخاصة الكبيرة

ما هو ده اللى انا بتكلم فيه

انهم فعلا لهم حق بس المفروض يوجهوا غضبهم فى الاتجاه الصح

مش يضغط على المريض علشان المريض يضغط على الحكومه

المريض مش هيشوف حد غير الدكتور قدامه والمريض اللى بيتعامل مع الدكتور وحش برده لانه شايف ان الدكتور هو اللى مقصر ميعرفش ان المشكله اكبر من الدكتور ومش كل واحد هيفهم ان مطلب الاطباء مطلب عام مش مجرد مطلب فئوى بزياده المرتبات

وصعب انك تفهم مصر كلها فين الحق

**Dr_ahmedrady** · 02-06-2011 12:28 PM

يارتنى ما بقيت دكتور

مهنة تكتف

شايليين هموم الناس و محدش باكى على همك
قبل ما يقولك ربنا يكون ف عونك يا دكتور ف الزحمة دى ... يقولك هو مفيش دكتور ف المخروبة دى يجيى يكشف علينا ولا ايه؟؟؟

انا لسه جاى من نبطشية 12 ساعة استقبال
اقسم بالله انى كنت على وشك الانهيار عدة مرات و تماسكت بس عشان خاطر ربنا
مرضى ينرفزو و يعصبو
و مرافقين يرفعو الضغط و لسانهم متبرى منهم
و بلطجية عاوزين يتعالجو بالعلاج السحرى اللى بيخفف ف ثانية
و ادارة متعسفة و مرتبات مهينة
وضمير بيعذب فيك لما تحس انك مش قادر تعمل كل اللى عليك
و .. و .. و ... و ... الخ

بجد انا كرهت الطب
ويارتنى ما دخلتها
اخترت المجال الملائكى و انا انسان

**تامر.محمد** · 02-06-2011 12:39 PM

المشاركة الأصلية كتبت بواسطة wesam_salom

ما هو ده اللى انا بتكلم فيه

انهم فعلا لهم حق بس المفروض يوجهوا غضبهم فى الاتجاه الصح

مش يضغط على المريض علشان المريض يضغط على الحكومه

المريض مش هيشوف حد غير الدكتور قدامه والمريض اللى بيتعامل مع الدكتور وحش برده لانه شايف ان الدكتور هو اللى مقصر ميعرفش ان المشكله اكبر من الدكتور ومش كل واحد هيفهم ان مطلب الاطباء مطلب عام مش مجرد مطلب فئوى بزياده المرتبات

وصعب انك تفهم مصر كلها فين الحق

طب ايه الاجراء اللي تقترحه ممكن يعملوه ؟

**ahmedsamir5edr** · 02-06-2011 01:00 PM

[
وفعلا معاك حق انك تساوى مهنة الطبيب بالزبال والسباك انا مش بلومك ولا اقدر اعاتبك لانه انت مستوى ثقافتك كده ومش هينفع يتغير بسرعه ولا هو حضرتك تعليم متوسط ؟ ولا تعليم حضرتك ايه ؟
انا مش نازل الشغل صاحى من 9 براحتى افطر واشرب الشاى واقعد اذاكر براحتى لحد ما اخلص التلات اربع سنين دول واسيبها خالص بدل ما اصحى كل يوم من 6 الصبح انزل اجرى بالعربيه على الطريق وبنزين و قرف و العربيه تتخبط وزحمه وحر و شباب سيس سايق عربيات و سواقين اجره متخلفين و مرضى عايزين بستعبدوك
خلينا رايقين كده وعايشين حياتنا
ونسيت اقولك لو تعبت او حد من عيالك تعبت ما تبقاش تقول الحقنى يا دكتور اقعد جمبه و ادعيله ربنا يشفيه[/QUOTE]

للأسف كلامك انتا بالطريقه دي هوا اللي يدي ايحاء بإنك تعليم متوسط ( مع كامل الاحترام )
انتا كده جاي تدافع عن الطب .. ضربته في مقتل

الطب رساله و أسمي مهنه في الوجود و لكن الاطباء بشر .منهم الصالح و منهم الفاسد .. شأنهم شأن أي مهنه اخري .. أرجو منك ان تكون موضوعي .. و لا تتكبر لمجرد أنك طبيب ..

ونسيت اقولك لو تعبت او حد من عيالك تعبت ما تبقاش تقول الحقنى يا دكتور اقعد جمبه و ادعيله ربنا يشفيه[/QUOTE]

ربنا هو الشافي يا دكتور .. انتا ما اتعلمتش كدا و لا ايه .. الله هو الشافي و الطبيب يأخذ الأجر

**kh_fawzy** · 02-06-2011 01:38 PM

اعتقد ان القاضي والظابط ودكتور الجامعه ماعندهمش شغل تانى بعد الظهر فاكدة من حقهم يزيد مرتباتهم فى الفترة دة وبعدين يجى دور الدكاترة وباقى الفئات المظلومه