الاطباء يستعدون لاضراب مفتوح واستقالات جماعية

**mohamedadelemam** · 03-06-2011 06:08 AM

السلام عليكم..بغض النظر عن كل ما ناقشه الأعضاء المحترمين..إلا إنى لما كنت فى ثانوى كان رأيى إن الطب مهنة زى أى مهنة..رغم إن والدى ووالدتى دكاترة..لكن لما دخلت طب ووصلت لسنة 4 ...وبدأت أنزل مستشفيات وأشوف الناس عرفت إننا مهنة مش زى أى مهنة.....ولا أى مهنة تانية بتتحمل ربع اللود اللى بنتحمله وفى الآخر تيجى الناس تقولك زينا زى السباك....هات أكتر وظيفة الناس بتتحمل لود فيها وهات لود دكتور فى نبطشية 12 ساعة وانت تعرف....

**heshamzaky** · 03-06-2011 06:20 AM

المشاركة الأصلية كتبت بواسطة mohamedadelemam

السلام عليكم..بغض النظر عن كل ما ناقشه الأعضاء المحترمين..إلا إنى لما كنت فى ثانوى كان رأيى إن الطب مهنة زى أى مهنة..رغم إن والدى ووالدتى دكاترة..لكن لما دخلت طب ووصلت لسنة 4 ...وبدأت أنزل مستشفيات وأشوف الناس عرفت إننا مهنة مش زى أى مهنة.....ولا أى مهنة تانية بتتحمل ربع اللود اللى بنتحمله وفى الآخر تيجى الناس تقولك زينا زى السباك....هات أكتر وظيفة الناس بتتحمل لود فيها وهات لود دكتور فى نبطشية 12 ساعة وانت تعرف....

عملية تحمل اللود دى نسبية يعنى الحرفى الى بيشتغل فى عز الشمس و بيعمل مجهود عضلى علشان لقمة عيشة صعب الشخص الطبيعى يتحملها و لو حا أقول الشخص الى شغال على الكمبيوتر فى التكيف بيعمل مجهود ذهنى غير طبيعى
لسة لما تدخل الجيش و تلاقى نفسك واقف فى عز الشمس فى أغسطس ب ال 6 ساعات حا تلاقى مجهود غير طبيعى و دة غير اللود النفسى عليك و لما عامل عادة بيقف على ماكينة لحام كهرباء أو نار أوكسوجين ب ال 8 ساعات بيعمل لود غير طبيعى .
الناس العادية بتشتغل ب ال 10 ساعات المتواصلة و فية ناس بتشتغل أكثر العملية نسبية . أما بالنسبة لموضوع السباك اللود العصبى علية و هو متعلق بين السما و الارض على المواسير بحبل و العامل بتاع البناء الى بيطلع على سقالة شايل ربع وزنة رمل و زلط و بلاط علية لود
ما نقدرش نفول ان الدكتور علية لود فوق البيشر دول كلهم لانة بينقذ حياة مريض و مش بيعمل عملية فى المخ و لا عملية قلب مفتوح مثلا خلال ال 12 ساعة كلهم مش حا تتحسب كدة

**heshamzaky** · 03-06-2011 06:33 AM

المشاركة الأصلية كتبت بواسطة skybird

ا
انا ضد هذا الكلام على اطلاقه
الزميل ممكن حسبها ان الطبيب يعالج خلل في بدن وجسم الانسان اكرم المخلوقات ولا يعالج موتور سيارة ممكن يترمي ونجيب غيره استيراد او حتى نصنع غيره
من هنا بس تكون المهنة دقيقة وخطيرة وجد مهمة
و البعض يقيس الامر بالمجموع في الثانوية العامة وهذا خطأ

واخر خبر
ان الاطباء لن يطبق عليهم الحد الادنى للاجور يعنى الاخصائي اللي شغال من 10 سنين هيفضل مرتبه 520 جنيه
كل امنيتى انهم يساووا الاخصائي الغلبان ده بدبلوم الصنايع تعيين جديد في السنترالات او حتى يتكرموا ويساووه بعامل الخدمة في الكهربا ههههههههههههههههههه
بلد غريبة حاسس ان الاطباء مقصود اذلالهم عن عمد من عصام شرف ومن سمير رضوان الله يحرقهم ويذل انفاسهم في الدنيا و الاخرة

للأسف بعض السادة الاطباء تصورو أن الطالب بتاع ثانوية عامة لما ذاكر و جاب مجموع كبير و دخل طب أنة من العقول النابغة مع أنة ممكن يكون صمام فقط و ممكن شاطر بس مش دة المقياس بعد ما اتخرج و مارس المهنة أية الجديد الى هو اضافة للطب مش حا تلاقى ألا قلة قليلة جدا و الباقى حا يتخصص فى مجال و بمرور الوقت لو ما طورش نفسة و عمل دراسات جديدة حا يقف محلة سر .
بالنسبة لموضوع المرتبات اتمنى أنها تزيد لكل الناس طبعا بس أنت عارف الناس ما وقفتش معاهم لية لآن البعض استخف بعقول الناس بصورة غير مباشرة و البعض اوهم الناس ان كل دة لمصلحة المريض فقط و الطبيب مش عاوز حاجة و دة الناس ما صدقتهوش علشان كدة حصل هجوم عليهم لو من البداية قالو المرتبات وحشة و العيشة غالية الناس كانت حا تساندهم و حا تقف معاهم . الرأى دة يحمل الصواب و الخطأ لانى خاضع للخطأ و مش أحسن واحد بفكر

**SkyBird** · 03-06-2011 06:54 AM

و مش بيعمل عملية فى المخ و لا عملية قلب مفتوح مثلا خلال ال 12 ساعة كلهم مش حا تتحسب كدة

يا افندم العمليات اللي حضرتك ذكرتها مدتها بالفعل تصل الى 12 ساعة !!

للأسف بعض السادة الاطباء تصورو أن الطالب بتاع ثانوية عامة لما ذاكر و جاب مجموع كبير و دخل طب أنة من العقول النابغة مع أنة ممكن يكون صمام فقط

كلام سليم
انا عن نفسي لا اشك في ذكاء خريج الهندسة نظرا لدراسة الرياضيات

أنت عارف الناس ما وقفتش معاهم لية لآن البعض استخف بعقول الناس بصورة غير مباشرة و البعض اوهم الناس ان كل دة لمصلحة المريض فقط و الطبيب مش عاوز حاجة و دة الناس ما صدقتهوش

الاطباء لم ينكروا مطلب زيادة الاجور ولكن مطلبهم من خلال رفع ميزانية الصحة كلها بما فيها ادوية واجهزة ومستلزمات وطالبوا بزيادة كل الفريق الصحي اطباء وصيادلة وفنيين وتمريض
وازيدك ان طلب توفير الادوية وغيرها علشان الاطباء هما اللي يواجهوا غضب المريض لعدم وجود ادوية او خيوط
تخيل المأساه لما واحد جاي غرقان في دمه والطبيب يقول لاهله روحوا اشتروا خيوط للجرح اسهل حاجة الطبيب هيتشتم بابوه وامه لو الناس محترمه ههههههه ولو بلطجية طبعا معروف التصرف المعتاد
يعني توافر الادوية وغيرها مصلحة لنا وللمريض

عايز اقول احنا اللي في وش المدفع

**shaddadfalcon1** · 03-06-2011 07:41 AM

احنا بنتكلم في ايه؟

هل الطب كمهنه اعلي من المهن التانيه واكرر كمهنه؟ الأجابة لا والف لا - كل وظيفه ليها دورها في المجتمع
هل الدكتور كشخ اعلي من الناس التانيه ؟ الأجابه لا - ممكن يبقي عندي زبال واحسن كشخص من كبير جراجين ومحدش يقولي ان واحد لسه متخرج من طب احسن مني لمجرد انه يحمل لقب دكتور
هل من حق الاطباء المطالبه بذياة الأجور ؟ الأجابه اكيد بس من غير مايتعدو علي حرية حد او ياذو حد
هل الأطباء يتحملو مصاعب كتير وضغط نفسي عالي؟ اكيد زيه زي اي وظيفه تانيه وكل امرئٍ ميسرٌ لما خلق له وتقدر تعمل بحث عن اكتر وظائف بها ضغط نفسي وعصبي
طيب مين اللي المفروض يتقال عليهم اعلي مهنه في المجتمع؟
الأجابه من وجهة نظري هي العلماء - سواء عالم في الفلك او الطب او الهندسه الو الذره او الزراعه او اي حاجه مفيده لان ده بجد اللي بيساعد علي تقدم الامه مش مجرد واحد متخرج

لكل الأطباء اللي شاركو في الموضوع وكان في مشاركتهم نوع من انواع التعالي احب اقولكم اني لو دكتور كلمني بالطريقه دي والله العظيم لو هموت ماهكشف عنده
وعن سؤال الناس تقدر تستغني عن الدكاتره قد ايه - انا عن نفسي مروحتش للدكتور في حياتي كلها اكتر من 6 او 7 مرات وربنا يبعد عنا كل الامراض

**dr-mohamed** · 03-06-2011 08:00 AM

وقل ربي زدني علما

كلمة واحدة اقولها لاخوتي الاطباء
انا معكم تماما في مطالبكم حتي لو مادية فقط

ولكن

نقطة نظام
كلما ازددت علما ازددت علما بجهلي
وكلما تعلم الانسان اكثر كلما اكتشف انه كان يجهل الكثير وادرك انه ما زال هناك الكثير الذي ما زال يجهله

نبرة التعالى ولا اخالف الحقيقة ان قلت الغرور والمن على الاخر بأداء العمل الذي يتقاضي عليه الانسان اجره ايا كان قليل او كثير غير مقبولة بالمرة

ما بالنا ان كانت نبرة التعالي تلك من طبيب يفترض فيه ان يكون الاكثر تواضعا بين الناس لانه يري قدرة الله في خلقه ويري ضعف الانسان مهما بلغ علمه وامكانياته امام اي مرض بسيط يلم به

اخوتي تواضعوا فالتواضع فضيلة لا مثيل لها واعلم ان جل الاطباء كذلك وزملائي واخوتي المدرسين في كلية الطب لم اجد منهم ابدا هذه الطريقة في التعالى على الاخر او على المرضي وهم يعلم الله من افقر محافظات مصر ومع ذلك اراهم يشكلون قوافل طبية بجهودهم الذاتية لا يتكبرون ويتعالون ويزعمون ان مهنتهم أفضل المهن وانهم اذكي الناس ووووووووووو مما قرأته هنا

قديما كانت امي حفظها الله كلما شعرت ان بي نبرة غرور تقول لي ربنا يعلينا ويوطي نفوسنا كنت دائما اقول لها وليه اوطي نفسي ثم اكتشفت بعد حصولي على الدكتوراة ان فعلا لا يوجد ما هو افضل من ان يعاقب الانسان نفسه كلما شعر بغرور او كبر حتي لا ننسي اننا لا شئ في ملكوت الله وان اقصي امنية للانسان ان يزده الله من علمه وان يرزقه فضيلة التواضع وعدم التكبر والغرور علي الاخرين

كفانا الله واياكم شر الغرور يا رب

**shaddadfalcon1** · 03-06-2011 09:01 AM

المشاركة الأصلية كتبت بواسطة dr-mohamed

وقل ربي زدني علما

كلمة واحدة اقولها لاخوتي الاطباء
انا معكم تماما في مطالبكم حتي لو مادية فقط

ولكن

نقطة نظام
كلما ازددت علما ازددت علما بجهلي
وكلما تعلم الانسان اكثر كلما اكتشف انه كان يجهل الكثير وادرك انه ما زال هناك الكثير الذي ما زال يجهله

نبرة التعالى ولا اخالف الحقيقة ان قلت الغرور والمن على الاخر بأداء العمل الذي يتقاضي عليه الانسان اجره ايا كان قليل او كثير غير مقبولة بالمرة

ما بالنا ان كانت نبرة التعالي تلك من طبيب يفترض فيه ان يكون الاكثر تواضعا بين الناس لانه يري قدرة الله في خلقه ويري ضعف الانسان مهما بلغ علمه وامكانياته امام اي مرض بسيط يلم به

اخوتي تواضعوا فالتواضع فضيلة لا مثيل لها واعلم ان جل الاطباء كذلك وزملائي واخوتي المدرسين في كلية الطب لم اجد منهم ابدا هذه الطريقة في التعالى على الاخر او على المرضي وهم يعلم الله من افقر محافظات مصر ومع ذلك اراهم يشكلون قوافل طبية بجهودهم الذاتية لا يتكبرون ويتعالون ويزعمون ان مهنتهم أفضل المهن وانهم اذكي الناس ووووووووووو مما قرأته هنا

قديما كانت امي حفظها الله كلما شعرت ان بي نبرة غرور تقول لي ربنا يعلينا ويوطي نفوسنا كنت دائما اقول لها وليه اوطي نفسي ثم اكتشفت بعد حصولي على الدكتوراة ان فعلا لا يوجد ما هو افضل من ان يعاقب الانسان نفسه كلما شعر بغرور او كبر حتي لا ننسي اننا لا شئ في ملكوت الله وان اقصي امنية للانسان ان يزده الله من علمه وان يرزقه فضيلة التواضع وعدم التكبر والغرور علي الاخرين

كفانا الله واياكم شر الغرور يا رب

جزاك الله خيرا يادكتور وربنا يذيد من امثالك
انا كنت خلاص هبتدي اصدق اني انا اللي بفكر غلط

**م.احمد زكريا** · 03-06-2011 09:14 AM

سؤال لو سمحتم

هو في دكتور بيشتغل في المستشفيات الحكومية فقط

لو الإجابة نعم : يبقى انا مع زياده مرتباتهم مع عدم السماح ليهم بفتح عيادات خاصة أو العمل في اي مستشفى او مستوصف خاص ويكون كل وقتهم ومجهودهم للمستشفى الحكومي

لو الاجابة لا : يبقى الاخوة الاطباء بيزودوا اعباء على خزينة الدولة بدون داعي