الموضوع: ياتلحقونى يامتلحقونيش

المشاركة الأصلية كتبت بواسطة keko

يا سيدى على عينى وراسى لما تكون عربية فابريكة فى الكامل بيكون ليها سعر تانى بس مش لدرجة 50 الف دا لو اشترى واحدة تعبانة وصاجها سليم ب 20 ولا 25 الف وشدها من الالف للياء بالكامل بقطع غيار اصلى عمرها برضه ما تصرف ال 20 الف الفرق ده يعنى لو العربية زيرو فعلا اعتقد كويس عليها 40 اما لو هيدفع 55 يبقى يكملهم 70 ويجيب زلموكة سليمة

كان فيه احد الاعضاء عارض عربيه بيجو 504 موديل 77 وقال انها اتباعت ب 45 الفف جنيه
ساعات بتلاقى حاجات غريبه فى السوق فعلا

المشاركة الأصلية كتبت بواسطة mahmoudysf

سبحان الله احنا الناس الوحيدة اللي بنفكر في البيع قبل ما نشتري
يعني بنشتري اللي بيعجب الناس مش اللي بيعجب صاحب العربية
بغض النظر عن الكفاءة
احنا منفردين

عندك حق وعشان كدا بتلاقي عربيات كتير جميله جداا بس مش واخده حقها ومش منتشره
ياجدعان احنا بنشتري عربيه لنفسنا مش للبيع ولا احنا تجار
بصراحه الليجنزا جربتها وجربت النوبيرا بصراحه الليجنزا ركوبه تانيه عفشه وموتور ولا اجمل

المشاركة الأصلية كتبت بواسطة keko

يا سيدى على عينى وراسى لما تكون عربية فابريكة فى الكامل بيكون ليها سعر تانى بس مش لدرجة 50 الف دا لو اشترى واحدة تعبانة وصاجها سليم ب 20 ولا 25 الف وشدها من الالف للياء بالكامل بقطع غيار اصلى عمرها برضه ما تصرف ال 20 الف الفرق ده يعنى لو العربية زيرو فعلا اعتقد كويس عليها 40 اما لو هيدفع 55 يبقى يكملهم 70 ويجيب زلموكة سليمة

السلام عليكم و رحمة الله و بركاته

كلامك سليم فعلا, بس فى حالة, ما اذا لقيت اللى معاه المرسيدس المعدلة مو 1984 مثلا 200 مش 230 و حالتها زى ما أنت بتقول و صاحبها مش عاوز يشدها لأنه مثلا مش فاضى و لا مكسلو بيرميها ب20000-25000 جنيه, للأسف, القصة مابتمشيش كده, اللى بيكون معاه عربية من دى و داوخلها شركة و العربية متبهدلة من كل حاااااااااااااجة, بيبيعهالك ب(سعر السوق - المصاريف اللى أنت هتصرفها), بمعنى, أننا لو افترضنا مثلا أن المرسيدس (المعدلة مو 1984 - 200) دى لو نظيفة و جاهزة عالركوب هتعمل 60000 جنيه, يبقى لو متبهدلة و هتصرف 20000 جنيه زى مابتقول, مش هتلاقى صاحبها بيبيع ب 20000 و لا 25000 زى ما أنت فاكر, هتلاقيه, ماسك فى 40000 جنيه و لا يمكن 45000 جنيه كمان, ماهى عربيته بأه و القرد بيبقى فى عين أمه غزال, لأن صاحبها ده لو كان بلغ بيه السذاجة أنه يعرضها ب20000 جنيه و لا ب25000 جنيه, هيلاقى اللى ياخدها منه أول مايقول 25000 و قبل ما لسانه ينطق كلمة (جنيه) .

الكلام اللى سيادتك بتقول عليه, بيحصل فعلا, بس مش فى مصر, فى الدول الأوروبية الراقية و المتقدمة, اللى بتلاقى فيها ساعة شغل السمكرى و لا البوهيجى بتعمل 60-70 دولار مثلا و بالتالى العربية السلييييييييييييييييمة من كله, اللى البوهيه بتاعتها يا دوووووووووب جربانة شوية و هنا فى مصر ممكن تلمها ب 1000-1500 جنيه, العربية تمنها بينزل النص فعلا.

ده فيه واحد عارض عربية 230 مش 200 على Car100100 مو 1983 و العربية شكلها حلو و متسمكرة حلو, و طالب فيها 60000 جنيه و هى 230 مش 200, دايما الحاجة اللى أنت بتفكر فيها, فيه آلااااااااااااااف غيرك بيفكروا فيه و الزمن ده مافيهوش حد أهبل و لا ساذج.

معنديش فكرة عن السعر بصراحة بس اتاكد من حالة العربية و الاحسن تكشف عليها في اي مركز عشان لو فيها حاجة يقولولك .. و الليجانزا عربية محترمة جدا