الموضوع: اخبار غير سارة لعشاق السيلاريو

طيب مانا بقولك الالتو هي هي السيلاريو في كل حاجة مفيش اختلاف غير في حاجتين

1-ان السيلاريو اتحطلها الموتور القديم بتاع الالتو اللي كانت 2006-2007 تقريبا الــ 1000 سي سي مع العلم ان الموديل اللي قبلها 2008-2009 كان فيه منه 1100 سي سي و فينفس السعر
2- غيروا الشكل فقط لا غير

لكن الاتنين تقفيل الهند و بيجوا شحنات من برة
و الاتنين 3 سلندر نفس العفشة نفس الامكانيات

و جرب سواقة الاتنين مش هتلاقي فرق

و بالنسبة ليا كوجهة نظر مع احترامي لرأي حضرتك شايف ان المبلغ ده كتير عليها بالنسبة امكانياتها ( لولا اختلاف الاذواق لبارت السلع )
يعني 50 الف حلو اوي هنقول اللي بيدفع بيدفع للشكل و الــ 200 سي سي زيادة انما توصل للستين الف يبقي فعلا حرام
لاحظ اني مش بتكلم في امكانيات انا بتكلم في سعر فقط
و الاختلاف في الرأي لا يفسد للود قضية :)

المشاركة الأصلية كتبت بواسطة elwakeel

مع احترامي لوجهة نظر حضرتك حبيت ارد علي نقطتين

اولا الماتور تكنولوجيا جديدة مش زي ما انت بتدعي انه كان موجود في الموديل 2006 بتاع الالتو

اولا حضرتك بتقول انا بدعي لأ انا مش بدعي الموتور في 2007 فعلا 1000 سي سي يمكن تكنولوجيا غير اللي كان في القديم الله اعلم يمكن
السيلاريو 1000 سي سي 3 سلندر في حين ان القديم 1000 سي سي 4 سلندر




الموتور ده استهلاكه في البنزين قياسي و في اختبار للعربية قدرو يوصله لحد 34 كيلو لكل لتر بنزين

اعلانها و لما سألت في التوكيل قالي بتستهلك 4.4 لتر للــ100 كيلو
يعني زي الالتو برده.
لو 34 كيلو للتر في اختبار يبقي اكيد كانوا مخلين العربية ع طريق سريع فقط بدون ما تقف كل شوية او بين المدينة ديه حاجة معروفة كل ما تكون جوة المدينة استهلاك اعلي , خارج المدينة استهلاك اقل
و الرجل اللي كانت دايسة مكنتش بتقرص ع البنزين
يعني 4 لتر و نص للـ136 كيلو حلو مش وحش
اما لو زي ما العضو اكزاكت قال 34 كيلو في جالون يعني بمعدل 8-8.5 لتر تقريبا للــ 100 كيلو , يبقي واضح انه قياسي فعلا :)




ده لينك للمواتير بتاعت سوزوكي و الموديلات اللي نزلت فيها
الموتور بتاع السيلاريو k10b

list of suzuki engines - wikipedia, the free encyclopedia
شوف حضرتك اللينك هتلاقي ان الموتور اللي في السيلاريو هو اللي في الالتو هو اللي في الستار حسب التسمية من مكان للأخر





النقطة التانية الامكانيات
العربة فيها تكيف - بور - سنتر - زجاج كهرباء - مرايات كهرباء - راديو سي دي - كشاف شبورة - جنوط اسبور - اي بي اس و اي بي دي و كمان بريك اسيستانت و الكترونيك ستابيليتي - اتنين اير باج للسواق و اللي جنبو

بالنسبة للامكانيات فاللي حضرتك بتكلم فيه الفول اوبشن اللي هي مانيوال 62 الف و اوتوماتيك 70 الف و حتي دول في بينهم فروق
كل اللي حضرتك قولت عليه نازل في الالتو فول اوبشن معادا كشاف الشبورة و الفرامل و مش متأكد من موضوع المرايات الكهربة و الجنوط





مافيش عربية في فئتها حاليا فيها كل الكلام ده - يبقي طبيعي يبقي في فروق في الاسعار

اه و بالاضافة لكل ده قطع غيار مش متوافرة اوي و غالية
حتي مقاس العجل اللي منزلينه لف و دور عليه مصر عقبال ما تلاقي واحد عنده فرده نفس المقاس
بالاضافة كمان ان في عربيات زي البيكانتو و الاسبرنزا سيبك من السبرانزا عشان هتقول صيني مع انها اثبتت نفسها لكن صيني برده
البيكانتو مثلا 1100 سي سي و 4 سلندر و امكانيات بره و جوة و طبعا فرق معاملة توكيل عن توكيل و حدود نفس السعر فرق 2000 جنيه تقريبا في كل فئة

و زي ما الناس ردت اللي يخليه يدفع كل ده فيها يدفعها في عربية تانية من اللي قالوها

و زي مقولت لولا اختلاف الاذواق لبارت السلع

انا بالنسبة ليا كسعر شايفه كتيير
و مازالت شايف ان الالتو 2008-2009 افضل

ديه وجهة نظري و احترم وجهة نظرك لكن مش مجبر اني اوافق عليها :)