بسم الله الرحمن الرحيم
امبارح روحت التوكيل بتاع سوزوكى اللى فى الدقى و سالت عن السيلاريو
كان فى واحدة بس موجودة
و سالتو هى دى عاملة كام قالى الفول اوبشن كانت عاملة 64 الف بس خلصو و دى كمان محجوزة
و قال كمان ان الدفعة الجديدة اللى هتيجى سعرها هيعلى كمان عن كده و لسه مش عارف هتوصل امتى
قوتلو طب و التقسيط قالى مع البنوك و دى بتكون الحسبة بتاعتها كده
على خمس سنوات تدفع 35000 مقدم و قسط
774 شهريا و الفائدة 9% على خمس سنوات ( قيمة القائدة 14 الف و شوية )
قولتلو طب لو عايز ادفع 500 فى الشهر بس
قالى يبقى هتدفع 40 الف مقدم و 580 شهريا على خمس سنوات برضو ( قيمة الفائدة 10 الف و شوية برضو )
معلش مش فاكر الارقام قوى علشان كنت لسة راجع من الشغل و تعبان قوى
و قالى ان الحجز ب 5000
و علفكرة قالى انها بتجى كاملة يعنى مش بتكون متشال منها حاجة
علشان سمعت ان فى بعض الموزعين بيشيلو اوبشن من العربيات و بيسبلك اللمبة بتعتها بس مش بتشتغل
بصراحة قفلنى قوى منها و خصوصا بعد ما شوفتها و ركبتها
و الشنطة بتاعتها فعلا صغيرة تنين
و عموما هو قالى اول ما تيجى الدفعة الجديدة هتصل بيك و اقولك على الاسعار
و ان شاء الله هنزلهالكو هنا اول ما يكلمنى
اه بصراحة الراجل اللى هناك محترم قوى قوى و بيتكلم معاك بصراحة و مش معقد و اسالة عن اى حاجة هيجاوبك
و مش متكبر خالص
اه كنت هنسى قالى تقريبا ممكن تستلم فى حدود اسبوع لما تدفع المقدم عقبال طبعا ما تخلص الاجراءات مع البنك او اقل كمان
طبعا الاسعار اللى فاتت دى كانت الدفعة القديمة اللى خلصت
شكراا سوزوكى بس الاسعار عالية جدا عليها ؟؟؟؟؟؟
المفضلات