فاصل من الكوميديا و الاثارة مع هذا الاسكتش الجميل لشباب سلفي دمهم ذي العسل .
( أحنا كمان بنعرف نضحك و نهزر و دمنا خفيف كمان مش مكشرين على طول )
YouTube - ‫ظپظٹظ„ظ… ط§ظٹظ† ظˆط¯ظ†ظ‰‬‎
عرض للطباعة
فاصل من الكوميديا و الاثارة مع هذا الاسكتش الجميل لشباب سلفي دمهم ذي العسل .
( أحنا كمان بنعرف نضحك و نهزر و دمنا خفيف كمان مش مكشرين على طول )
YouTube - ‫ظپظٹظ„ظ… ط§ظٹظ† ظˆط¯ظ†ظ‰‬‎
تفاهه
حبيبى يا حج محمد يا رايق ((:
لطيفة جدا و مش بس كوميدية لا كمان فيها رسالة و فكر و لها هدف
جزاكم الله خيرا
مين اللى قال أن دى تفاهة ؟
عيب ....
مايصحش .....
دى قمة التفااااااااهة ......
والمفروض بقى إنى أضحك بعد اللطافة دى ؟
دة أنا لو كنت أتفرجت على فيلم كرتون كان هيبقى أفيدلى .....
انا شايفها صادقة وعبرت عن واقع حصل وارتجالية جداااا
بعض الردود في الموضوع ده تؤكد نظرية التهم المعلبة جاهزة التحضير في 5 دقائق بنكهة ال stereotyping و generalization
وايه اللي يثبت ان اللي قطع ودان القواد ده من السلفيين فين الادلة وفين الشهود ومفيش حاجة اسمها حد قطع الاذن في الاسلام انا شايف انها كانت جريمة عادية والصح اللي كان يحصل يتقبض عالناس وساعتها نشوف لكن اي واحد منهجه سلفي عمره مايعمل كده لأن تنفيذ اي حكم يرجع لولي الامر وهو الحكومة
ارجع ياقنديل
متقول حاجه ياحج طلبه
قول لكل الناس وليد السلفي نازل
ههههههههههههه
:knight: :7_6_5v[1]:
هو كل ما الناس تنسى موضوع السلفيين ده تفكروهم تانى ليه هل هو حب فى الظهور ام رغبه دائمة فى التواجد تحت الاضواء
طيب و الله ظريف
وفقكم الله بس هى الموسيقى مش حرام برضه؟
الثورة غيرتكم :)
انا عندى فكره تانيه و نسميها (اين اشيائى)
ظريف وفيه فكرة جميلة
مشكور اللى فكر واللى نفذ واللى نقل
-----------------
أستاذ طارق
السلفيين فئة تستحق احترامك وحبك وتقديرك ومش عيب انهم يظهروا فى أى وقت مش عيب ولا حرام
وايه هيا الفكره يا دكتور احمد
معقولة موصلتكش؟
الفكرة توضيح إن الخوف من الطرف الآخر مصدره وساوس أو معلومات غير صحيحة
والتانية مشاركة شيوخ السلفيين والكثير من شبابهم فى الثورة وندم من لم يشاركوا فيها
والتالتة الدعوة لترك الكنبة
دا اللى وصلنى من رؤية الفيديو مرة واحدة بس
مش عارف ليه حاسس إن حضرتك مشفتش الفيديو كله أو مركزتش فيه
الموضوع هنا و زي ما حضرتك عايز الحق هناك في مواضيع البرادعي و الليبراليين يبقي لازم يتطبق الحق و العدل هنا و لا نرد علي الاسائة و التهكم و التريقة بالمثل بل نكون مثل يحتذي به في النقاش العاقل الهادي المفيد
الفيديو محتواه جيد و عرض التربص بين السلفي و الليبرالي المبني علي اوهام و تخوين و تكفيير لكن الواضخ ان الاغلبية من كافة التيارات عايزة مصلحة البلد لكنها علي طريقتها و ان اختلفنا علي الطريقة سنظل شركاء في الوطن و ما تريده الاغلبية سيكون باذن الله و كذلك عرض التخبط بين مدارس التيار السلفي في ايام الثورة الاولي
اذا الردود المهاجمة مش في محلها و من الواضح انها لم تشاهد الفيديو من اصله
و عموما انا من مؤيدي البرادعي لانه المرشح الوحيد اللي مالوش انتماء لطائفة او تيار من التيارات القوية يعني بتاع كل الناس و حتي و ان كان ليبرالي و احتمال علماني فهناك اكثر من 80 مليون يعدون عليه الانفاس و الخطوات و في ان شاء الله مجلس منتخب و باذن الله دستور سليم و محترم
و حتي يظهر مرشح احسن يظل هو الافضل من هؤلاء المحسوبين علي النظام و كبار السن من اهل الثقة و المنتمين للاحزاب الكرتونية
يعني الموسيقى طلعت حلال
عقبال الاغاني في الحلقة ال جاية ان شاء الله
تصدق هاتصدق ان شاء الله ..
انا عملت مجهود جبار عشان اقدر اكمل الفيديو للآخر ..
بس مش عارف اقول ايه ..
قمة الاستظراف ومحاولة بائسة لتجميل صورة السلفيين فى اى مناسبة وتحت اى ظرف ..
وماشاء الله اللى عمل الفيديو اللذيذ ده دمه اتقل من عربية لورى محملة كونتنر حديد .
ارى انه مجرد فيديو تافه وسطحى و رخم ودمه تقيل جدا
اولا الى عمل الفيديو ده .. اساء للملتحين عموما..(ليس كل الملتحين سلفيين)... مفيش (ملتحى عالحقيقة ) بيتنطط ويتشقلب ويعمل شغل الاراجوزات ده..........عيب
فيه فرق بين انك تضحك الناس على حاجة وانك تضحك الناس عليك !!
وبعدين ايه فيضانات فيديوهات السخرية الى السلفيين بيعملوها ديه... رغم ان لا الاخوان ولا الليبراليين بيعملو كده
فى السياسة.... مفيش حاجة اسمها ان واحد يستظرف ويستخف دمه على الاخرين !!
عايزين ينفو الاشاعات الى طلعت ضدهم .... يعملو فيديوهات (جادةو موضوعية)... مش زى بتاعة موجة كوميدى ديه
اتمنى تكون فكرتى وصلت
والله أنا شايف الفيديو لطيف وفيه فكره ومش لازم تكون ردودهم كلها لها شكل واحد وهو واحد سلفي قاعد في قناة الرحمة وبيناقش الموضوع
خلينا نتقبل بعض ونتقبل طرق بعض من غير تسفيه
وتحياتي لكل من يؤيد البرادعي أو حمدين صباحي لأني إخوانجي وكل اللي شفتهم من الإخوان كانوا بيدافعوا عن البرادعي لما أثيرت صور بنته في حمام السباحة ولما بيحاول البعض حاليا وصفه بأنه علماني معادي للدين
فالرجل في رأيي له ما له وعليه ما عليه ولا ننسى مواقفه الطيبة كما أن من حقنا أن نقف ضد مواقفه الغير طيبة لأننا نقول للمجسن أحسنت ونعاونه ونقول للمخطئ أخطأت ونقف ضد موقفه
وتحياتي للجميع
محدش هيضحك لو سمع نكتة من شخص بيكرهه
ودا يفسرليه البعض عجبه الفيديو والبعض معجبوش
طول ما بتكره السلفيين مش هتقبل منهم لا أبيض ولا أسود وكل حاجة هيعملوها هتبقى لورى على قلبك
اولا كل اللي بيهاجم السلفيين او اي شخص ملتحي (و طبعا الاخوان ) هو شخص غير سوي و غير مثقف دينيا او متعلم تاريخيا
قبل ما تعملوا تقرير ان مشاركتي سيئة احب اوضح ان: - من عدم سوية النية هي عدم قبول الاخر و خاصة اذا كان الاخر بكل بساطة شخص يحاول الالتزام بدينه فيصيب و يخطيء و ليس عيبا الخطأ و لكن يكفي شرف المحاولة
نتكلم عن غير مثقف - لانه لو قرأ كتب السنة او الحديث نجد العديد من الاحاديث التي تحض الناس على اعفاء اللحى و حف او قص الشارب
اذا الملتحي او السني او السلفي هو شخص محب للسنة و للنبي ملتزم بتعاليمه ( و ده لا يعني ان اللي بيحلق دقنه حيروح النار مثلا!!)
جاهل بالتاريخ لان اي واحد يقرأ التاريخ الاسلامي يعلم ان جميع ائمة المسلمين و قياداتهم من جيوش و امراء و حكام و محكومين كانوا يحكمون بشرع الله و كانت الامبراطوريات الاسلامية من اعظم الامبراطوريات في التاريخ (خلافة النبي - الخلفاء الراشدين - الدولة الاموية و العباسية و العثمانية - و حكم محمد علي في مصر و دولة الاندلس في اسبانيا و البرتغال و غيرها من الامارات الاسلامية) كانوا يحكمون بشرع الله فاعزهم الله و نصرهم - و عندما انشغلوا بالدنيا و حادوا انهاروا
و حاليا بدأت مصر التوجه للعلمانية منذ عام 1955 تحديدا و هو بدء انهيار مصر كدولة في وسط الدول - توضيح : " حديث شريف: انما ننتصر عليهم بطاعتنا لله و معصيتهم له , فاذا تساوينا فى المعصيه غلبونا بالعدد و العدة و العتاد "
يا ريت اللي فاكر نفسه ليبرالي او ان الليبرالية شطارة يخليها لنفسه
انا ليبرالي اؤمن بالدولة المدنية التي لا يحكمها الشيوخ او الازهر و لكني ابدا لن اؤمن ان " و مال ربنا بالسياسة "
انا عمري ما حخلي شيخ او داعية او متحدث عن الازهر يأمر و ينهى و يحكم كما فعلت الكنيسة الغربية في العصور الوسطى مما استحقت تسمية العصور المظلمة
هذه ليبراليتي - الالتزام بالقران و السنة - ثم اختيار الراي الانسب لي فيما سواهما
وللعلم انا مش اخواني ولا سلفي - انا مصري و كمان كنت من مؤيدي حزب الغد و من موقعي عريضة البرادعي و من مرشحيه
انا كنت حرد بس غيرت الرد خالص
1- انا قصدي النية غير سوية و ده بسبب فكرة رفض الاخر سواءا كانوا اخوان او غيرهم لان الاختلاف وارد و لكن الكره و الرفض لا يصدر من شخص سوي النية من اي طرف اتجاه اي طرف
2- ممكن توضح اسباب كره الاخوان؟؟؟ جايز يكون كلامك مقنع و ناس تانية تكرههم معاك و ينتشر الكره و الحقد بيننا اكتر لان ده اللي احنا محتاجينه دلوقتي بالظبط
3- كلامي ليس فيه ذرة تكفير واحدة لكن تقريبا انت بتكتب التعليق و عينك على قنوات التليفيزيون اللي عماله تقول تكفير و هبل كتير
4- رابعا دي اهم حاجة : واضح ثرائك اللغوي على اعلى مستوى " ايه القرف ده " و اقولك كل اناء ينضح بما فيه - و اللا بلاش -اقولك : الملافظ سعد
احسن حاجه انى ببوص للسلفيين مش من ناحيه سياسيه خاااال و بعتبر ان اللى حاشر نفسه فى السياسه و يقول سلفى ولا كأنى بسمعه انما السلفيه بالنسبالى = مسلم و بمعناها الصحيح و اى مسلم طبيعى ماشى فى حياته بالقرأن و اقتداء بالرسول صلى الله عليه و سلم و (السلف ) الصالح
و الله لو مين حاول يقنعنى مش هقتنع خااااااالص بغير كده ... هى الخلاصه السلفى هو المسلم اللى بيقتدى بالسلف .. على فكره انا يدوب بصلى و بأدى فروض ربنا و بتقيه الحمد لله لكن ولا مربى ذقنى ولا بلبس جلابيه ولا بحضر دروس و بكره اللى يقول على اللى بيعمل كده سلفى و احب ان السلفى هو المسلم
و بالنسبه للأخوان هو حزب مش اكتر حتى لو لسا جماعه مش حزب بس الخلاصه انها اتجاه سياسى بحت و ملهاش علاقه بالدين (وجه نظر )
يا استاذ نوبيرا
ايه دخل الاخوان بالسلفين
و لا هي عافية ال ميحبش الاخوان يبقى بيكره الدين و مبيحبش السلفيين و علماني و ملحد
و الحمد لله انا ببقى موجود في ال150 شخص و ببقى موجود في 30 الف برضو
ليه كل حاجة ليها علاقة بالاخوان بندخلها في الدين و السلفيين
btw انا ماسميش صباحي اسمي علي حسني
مش عارف ليه يا جماعه اسهل حاجه عندنا هى الهجوم والتريقه والسخريه والغلط انا شايف ان الموضوع عباره عن محاوله فنيه تمثيليه من بعض الشباب المصرى المسلم الملتحى ممكن يكون خانهم الحظ او ما عندهمش موهبه كفايه او الفكره ما ناسبتكش انما نهجم على بعض نشتم فى بعض نتريق على بعض وكل واحد يقعد يتخيل انا الاخر كذا وكذا وهما كده ومش حيتغيروا لا لا لا ونلقى بالتهم على بعض ما يصحش وعايزين ديموقراطيه ما بنقبلش حد يختلف معانا خالص وكل واحد عايز ياخد حقه من التانى تالت ومتلت عايزين نبقى افضل نفسى اللى عايز يعلق لو تعليقه حيبقى ذوق ويفرح اللى قدامه يقوله اما لو حيكبسه ويحرجه ويضايقه يحتفظ بيه لنفسه هو مفيش حاجه اسمها اتنازل عن رايى لله اتنازل عن حقى لله اترك الجدال والخلاف على شىء قد لا يعنينى او يفيدنى او حتى يضرنى ومش عايزين حد يحط حد فى قوالب هو ده اللى ودى البلد دى والشعب ده فى داهيه اصل فلان ده سلفى وفلان ده مسيحى وفلان ده منوفى وفلان ده اسكندرانى مع احترامى لكل الناس دى ارجو ان تكون رسالتى وصلت وكل واحد دايق التانى يصالحه وكل واحد ليه حق عند التانى يسامحه وشكرا لكم جميعا
بالرغم من إني سلفي (بمفهوم السلفيه العام) لكن كنت متحفذ للهجوم قبل ما اشوف الفيديو خصوصا لما شوفت الردود والأكتر اني مكنتش عايز افتح الموضوع من امبارح أصلا علشان اشوفه لأني ضد ان حد يغير مبدئه أو يبتذل في شئ للتقرب من حد .. ده غير النتيجه بتكون عكسيه كمان
لكن أظن أي حد يشوف الفيديو بشكل عادي حتي بدون تحفذ للنقد هيلاقيه عادي جدا وبالفعل فيه مشاهد طريفه بالرغم من كون ان ده مش الهدف منه أصلا لكن هو واخد الطابع الكوميدي بس بالفعل فيه فكره وأيضا فيه نقد كبير لمعظم السلفيين (اللي زي وليد) خدو جنب وقت الثوره أيا كان السبب سواء قلة إدارك للواقع أو تجنبا للوقوع الشبهات وده لا يعيبهم في شئ ماهو في ناس عاديه كتير جدا منزلتش اشمعني السلفيين اللي اتعلقلهم المشنقه ماهم زي باقي الناس منهم اللي نزل ومنهم لأ وحتي المشايخ منهم اللي نزل ومنهم اللي لأ .. وكإن اللي عامل الفيديو مش سلفيين أصلا
اللي انا مش فاهمه فعلا موضوع الأغنيه اللي في الفيديو اللي حتي لو كان خطأ من شباب خلاص بقي ينسب للسلفيه كلها ، وده اللي الناس ما شاء الله مشافتش غيره ومعلقتش غير عليه طول محتوي 12 دقيقه ! حاجه موضوعيه وإيجابيه جدا.