طيور زينه للبيع

**madaxman** · 06-06-2011 09:51 AM

يااااااااااااه رجعتني 3 سنين ورا
انا جبت كل الانواع دي ع مدار 5 سنين واكتر والله وعليهم نوع كمان صغير أوي كدا بس مش فاكر أسمه بس هوا مش بيهمد في القفص تلاقيه بتنطط علي طول كدا وصغير أوي دا أكتر نوع حبيته
الكوكتيل دا بقا قعد معايا فتره كبيره وعمره ما فقس معرفش ليه بس كنت بستمتع وانا بأكله اللب
ال لاتينى روز دا بقا جبت جوز بس الدكر عملها معايا ف يوم وطار مني لما حطيته يتشمس في البلكونه شويه وتشاء الاقدار في يوم اصحا الاقي النتايه بتصرخ بصوتها العالي وسامع صوت زيه تحت نزلت براحه لقيت واحد واقف عند مدخل البيت وشكله تعبان جدا ووقف لما سمع صوت النتايه عصافير بقا بس عمري ما شوفت لون زيه في حياتي كان ريشه فيه سبع ألوان ومنظره تحفه المهم اجري من هنا علي يطير من هنا مسكته ف الاخر
وأنتهت القصه بأنفلونزا الطيور لما هلت علي مصرنا الحبيبه قولت لازم العصافير دي كلها تشوف نور الشمس وفتحت ابواب القفص وانا بتحسر وبشوفهم بيطيروا قدامي

**beetleMOSH** · 06-06-2011 09:53 PM

المشاركة الأصلية كتبت بواسطة h a r d

مفيش مشكله يا ريس
عشان تبتدى بحاجه بسيطه متتعبكش من حيث الاكل والاهتمام والتنظيف وغيره
يبقى هتبتدى بالبادجى او الاسترالى الى هوا صورتوا فى بدايه الموضوع

ده اسهل انواع الطيور فى التربيه
يبفضل طبعا يكون ذكر ونتايه فى قفص فى سن شبابات
الاكل بيكون دنبه وبنكم ده الاساسى عاوز انت بقى تحطلهم مثل اورق خس قشر خيار وهكذا
الطبور بتحب الهدوء عشان تشعر بالامان
يعنى تحطهم فى مكان تقدر تستمتع بيهم وفى نفس الوقت تحسسهم بالامان وتعودهم على المكان
ده كل الموضوع مش مطلوب منك غير كل اسوبع تسحب درج القفص نظفوا من قشر الاكل وخلاص على كدا
التفرقه بين الذكر والانثى بتيجى عن طريق الكير
اوا لمنطقه الى فوق المناخير
فى الذكر بتبقى ذرقه وفى الانثى بتبقى بنى وكل مذادت شده اللون كل مبينلك سنه
التفريخ بتعهم سهل برضوا مجرد تحطلهم العش الخا بيهم وتسبهم
ولو حاجه تانيه تحب تعرفها انا معاك

تسلم ايدك يا باشا على المعلومات القيمه دى
انا ممكن ابقى اجرب موضوع الاسترالى دول
و لو ان الكوكتيل شكلهم احلى كتييييييير

**Esam Mosaad** · 06-06-2011 09:40 PM

والله زعلتنى حد يطير ديور جميله كدا باديه
الروز فعلا الوانه جميله
والكوكتيل بيحتاج لرعايه شويه وخبره

**Esam Mosaad** · 06-06-2011 10:33 PM

باذن الله تجيب زوج جميل
اهم حاجه تكون واثق من الشخص الى هتجبهم منوا
لو كان عندى مكنتش عزتهم والله بس راحو لصاحب نصبهم

ولو عاوز كوكتيل او استرالى تحت امرك

وعلى فكره انا فاكرك لما دخلت موضوعى وكتبت فيه انهى جنط احلى وسعتها كنت مدايق لان واحد صحبك قالك الاولانى كان احسن
بس كلنا كنا مع الجديد
وربنا يباركلك فيها

**Esam Mosaad** · 06-06-2011 10:42 PM

تسلم ايدك يا باشا على المعلومات القيمه دى
انا ممكن ابقى اجرب موضوع الاسترالى دول
و لو ان الكوكتيل شكلهم احلى كتييييييير

بالتوفيق ان شاء الله يا ريس
وخلينا فى السهل الاول

**Esam Mosaad** · 06-06-2011 10:45 PM

انا هجيب من محل بس أول مره أروحله هوا ممكن يضحك عليا في أيه بالظبط ؟؟؟؟؟
الكوكتيل دا حلو وجميل وكل حاجه بس أنتا أدري بصوته طبعا فضايح

وانا من أو ما رديت علي الموضوع عمال أجمع أنا شوفتك فين قبل كدا بس مش فاكر خالص

وانتا علمت ايه ف جنوط ملقتش بردو

يعنى يديك ذكرين بدل ذكر ونتايه
او يدهملك كبار
فانت ادخل عليه دخله انك فاهم وعاوزه شبابات يعنى لشه فى روعان الشباب
وسبها على ربنا وبعدين قوله لو لقيت فيهم حاجه هرجعهملك وبتاع وكدا

الجنوط بقى للاسف عشان اجيب الى فى دماغى اقل حاجه 16 وبصراحه عندهم حق عشان الجنط يبان لازم يبقى كبير
مينفعش 14
وبعدين لقيت الاندونسيى عامل 1200 جنيه وعشان ابيع بتوعى 300 جنيه فقولت لنفسى وعلى ايه دول شغالين برضوا وزى الفل

**Esam Mosaad** · 07-06-2011 05:46 PM

ان شاء الله اول ما اجيبهم هنزل صورتهم وتديني رأيك

الجنوط عشان تجيب حاجه حلوه لازم تدفع للأسف انا اللي عندي دا تايلاندي ب 1350 ومرضيش ينزل شلن والله واسمه جنط 14 بس ميزته انه من بعيد تقول عليها 15 16 من بعيد بيبان كبير وحلو كدا

وربنا يوفقك وتلاقي اللي عايزه

ربنا يباركلك فيهم ياريس ويبعد عنهم المطباط
بالتوفيقـ يا باشا

-

-

-

الموضوع: طيور زينه للبيع

LinkBack

أدوات الموضوع

عرض

العرض المتطور

- انشر الموضوع فى :

-

-

-

-

-

-

المواضيع المتشابهه

جروب مميز لعشاق وهواة طيور الزينة على الفيس بوك - أرجو الانضمام

طيور كوكتيل (عصافير)

3 موبايلات و حوض اسماك زينه للبيع

سمعنا طموووره ,, نسمع زينه بقى يا أخوانا

كله بالدور خنازير ويّا طيور‏

الكلمات الدلالية لهذا الموضوع

المفضلات

المفضلات

ضوابط المشاركة