الموضوع: طيور زينه للبيع

السلام عليكم

انا قولت مش معنى معملش الموضوع هنا بصراحه ويمكن يكون فى عضو برضوا دماغو زى مش وبيحب الطيور بوجهه عام

انا والحمد لله مربى للطيور من فتره كبيره
وكنت ابتديت بالانواع السهله والحمد لله ربنا كرمنى فيما بعد بانواع تانيه وقدرت انى افرخهم
بالنسبه لموضوع البيع والشراء متعمقتش فيه اوى بصراحه لان بعتبر الطير حد من علتى مينفعش افرط فيه
بس فى نفس الوقت الاكل غلى وعاوز اجرب بصراحه البادجى الانجليزى
فانا هعرض بعض العصافير الى ناوى ان شاء الله ابعها كبدايه
وانا ليه رجاء ومش طلب ان الاسعار الى هكتبها اسعار نهائيه لان لو حسبتها مهما كنت بايع بسعر عالى فبرضوا انا مش كسبان حاجه انا باكل فلارس ودنبه وبلكم ولب وبيض كل يوم بما يعادل كيلوا كيلوا الاكل دلوقتى وصل 7 جنيه ونص
من غير الفلارس لوحدها الكيلو ب 9 جنيه وربنا يهدلنا التجار وينزلوا الاسعار زى الاول
فمعلش نقطه الفصال ديه بلاش الى عاوز ياخد من غير فلوس ارحم او انى اطيرهم واشوفهم طايرن كدا ارحم برضوا

نبتدى

نقول بسم الله الرحمن الرحيم

هبتدى بجوز استرالى عادى عمر 7 شهور وده كان تفريخ طالع من عندى ولسه ناقلهم والله من يومين فى قفص لوحدهم
والنتايه ابتدت تدخل وتخرج والى فاهم هيعرف ان الاسترالى اسهل نوع فى التربيه والتفريخ
سعر الجوز ب 60 جنيه
صور للجوز

جوز تانى برضوا ذكر لبنى مع نتايه بندل بس زى منتوا شايفين فى الصوره فى عصافير تانيه معاهم مكنتش ناوى
افرخهم لبعض لان كنت ناوى ادى النتايه البندل ذكر بندل ذيها وفى نفس الوقت محتاجين شهر او شهر ونص كمان
برضوا سعر الجوز ب 60 جنيه

ندخل فى النوع التانى
جوز لاتينى روز الجوز ده واقف عليه باكتر من 200 جنيه والله انا كنت شارى الجوز ب 160 والنتايه طارت وجبت نتايه تانيه
الجوز ده اشتغل مره واحده وجبلى 3 زغاليل سعتها مات منهم واحد وفاضل اتنين بعتهم
فى حاجه برضوا الذكر من غير صوابع زى مهتشوفوا فى الصوره
وكنت ناوى اطيروا لان بالشكل ده مش هيفرخ ولا يعرف يكسر بس ربنا هدانى انى اسبهم مش هيجى على اكلهم
وفعلا بعد شهر ادانى 3 زغاليل زى مقولت فوق سعر الجوز 130 جنيه على فكره سعره من بين 150 لحد 200 حسب الجسم والشكل
وادى الصور

وديه الصوره الى باين فيها صوابع الرجل مقطوعه بس واقف عادى وبيتعامل عادى

جوز فيشر الصوره بعيده شويه بس مش عارف كل مقرب الموبيل يدخل العش بتاعه
النتايه بتحضر للبيض على فكره ومتردد انى ابيع الجوز ده
سعر الجوز ب 150 جنيه

ندخل فى اخر نوع واجمل نوع بصراحه ربيته الكوكتيل

جوز عمر 7 شهور يعنى داخل فى مرحله القلش انا مش عازل الجوز لان معنديش مكان رغم ان الاقفاص موجوده
ديه صوره الذكر وسعر الذكر والنتايه 150 جنيه

وديه صوره النتايه

ديه صوره عامه للطيور فيهم الجوز الى عارضهم فوق ذكرين ونتايتين على فكره دول تفريخى برضوا
الجوز الى عارضوا هوا الى للبيع فى جوز تانى بس لسه صغير ومش للبيع لانى بصراحه بدرب الذكر والنتايه

نيجى بقى لاخر حاجه جوز كوكتيل برضوا
سعر الجوز ده 200 جنيه وده نهائى نهائى نهائى نهائى الجوز تحتيه 5 فروخ
هرفع الصور وهرفع فديو لسه والله مصوروا انهارده مع العلم الجوز من غير فروخه لان واحد عاوزهم هياكلهم ويبربيهم بنفسوا
اتفضلوا الصوره
ديه النتايه ومعلش مفيش صوره للذكر بس موجود فى الفديو

وده الفديو

[youtube]http://www.youtube.com/watch?v=FMAB3J_v9y8[/youtube]

فى النهايه ياارب تتقبلوا الموضوع وانا تحت امر اى حد التواصل لاما عن طريق الموضوع او موبيلى الشخصى 0106968334 المكان القاهره
لو حد عاوز يستفسر عن اى حاجه انا تحت امره وجمعه مباركه ان شاء الله

ان شاء الله نويت برضوا ابيع جوز استرالى عادى لون لمونى للذكر والنتايه
تحتيهم 4 زغاليل بعمر شهر
السعر 200 جنيه نهائى