الموضوع: رينو لوجان ولا برتون ساجا

المشاركة الأصلية كتبت بواسطة felix

خليكو موضوعيين شوية يا جماعة
مش علشان انتو من ملاك اللوجان تقولو عليها احسن في كل حاجة
ده كفاية شكلها

+1111111111111111111
والله يباشا أنا عاوز أقول كده بس مش عاوز أكره الناس ف عربيتهم ...ودي ف الأخر وجهات نظر وأزواق ...
أنا عن نفسي لو بختار هختار الساجا وانا مغمض لا لشئ وإنما عشان اللوجان شكلها مش حلو خالص حتي لو كانت أفضل من الساجا ولكن يبقي شكلها عقبة كبيرة ..
يبقي الخيار لصاحب الشأن .. في ناس بتفضل الحجات العملية وفي ناس بتحب الشكل وأنا من النوع الثاني وهذا يفسر إختياري ..كل واحد بيحب العربية اللي تناسب شخصيته ..

المشاركة الأصلية كتبت بواسطة Taiwo

+1111111111111111111
والله يباشا أنا عاوز أقول كده بس مش عاوز أكره الناس ف عربيتهم ...ودي ف الأخر وجهات نظر وأزواق ...
أنا عن نفسي لو بختار هختار الساجا وانا مغمض لا لشئ وإنما عشان اللوجان شكلها مش حلو خالص حتي لو كانت أفضل من الساجا ولكن يبقي شكلها عقبة كبيرة ..
يبقي الخيار لصاحب الشأن .. في ناس بتفضل الحجات العملية وفي ناس بتحب الشكل وأنا من النوع الثاني وهذا يفسر إختياري ..كل واحد بيحب العربية اللي تناسب شخصيته ..

يعني انا عايز اقول لحضرتك اني مش من ملاك اللوجان لكن شايف ان شكلها مقبول جدا
خصوصا اننا مش بنقارنها ب bmw او باسات مثلا
يعني شكلها بالنسبالي شخصيا افضل من الساجا لاني مش بحب اركب عربية حجمها صغير
و دي مسألة اذواق يا جماعة و كل واحد بيعجبه حاجة
و بالنسبة للمقارنة دي انا اختار اللوجان لان عفشتها و علوها عن الارض و ثباتها و موتورها اللي مش وحش و شنطتها المعروفة طبعا يخلوها بالنسبالي عملية جدا جدا

المشاركة الأصلية كتبت بواسطة nour_nrc

لو اتو .............................. ساجا

مانيوال .................................. لوجأأأأأأأأأأأأأن

تمام كده
على فكره انا معايا لوجان

لو بتسوق مانيوال يبقى لوجان بلا منازع مع احترامى لكل العربيات التانية وموضوع قطع الغيار انا شايف ان رجاله المنتدى كل يوم يكتشفوا تاجر عنده حاجات رخيصة اكتر من نصف تمنها


اما لو بتحب الاوتوماتيك يبقى الساجا لحد ما التوكيل فى مصر يتعطف علينا وينزل من اللوجان الاوتوماتيك

المشاركة الأصلية كتبت بواسطة bero0o0o0

يعني انا عايز اقول لحضرتك اني مش من ملاك اللوجان لكن شايف ان شكلها مقبول جدا
خصوصا اننا مش بنقارنها ب bmw او باسات مثلا
يعني شكلها بالنسبالي شخصيا افضل من الساجا لاني مش بحب اركب عربية حجمها صغير
و دي مسألة اذواق يا جماعة و كل واحد بيعجبه حاجة
و بالنسبة للمقارنة دي انا اختار اللوجان لان عفشتها و علوها عن الارض و ثباتها و موتورها اللي مش وحش و شنطتها المعروفة طبعا يخلوها بالنسبالي عملية جدا جدا

مختلفناش يباشا أنا ذكرت في مشاركتي إن دي أزواق وقلت كمان أن ده رأيي الشخصي حتي لو أخدت خمسة نجوم ف إستفتاء علي الشكل فهيا شكلها مش عاجبني ... ويمكن يعجبني عربية تانية متعجبش حد غيري ... ..... لاخلاف علي كل حال وربنا يبارك للي معاه اللوجان ......

لوجان افضل طبعا من جميع النواحى و يكفى ان ناس كتير اوى ركباها و الناس كلها شكرت فيها بحمد الله تعالى سواء اللى معاه لوجان و اللى ممعهوش و بالنسبة لقطع الغيار فالعربية نزلها قطع غيار خارج التوكيل و عند ناس كتير جداااا و فى مختلف المحافظات و كل يوم اعضاء اللوجان بيكتشفوا محلات جديدة و رخيصة و كل دة خلال سنتين فقط بصراحة شيىء جميل و مطمئن الى حد كبير و بعدين احنا مكبرين دماغنا خلال فترة الضمان ( 3 سنوات او 100 الف كيلو متر ) و بعد هذه الفترة هنلاقى قطع الغيار مرطرطة زى الفيرنا و الانوس و ربنا ميجعلنا نحتاج لقطع غيار و يكرمنا و يباركلنا فى لوجى ..
انما موضوع 8 صباب و 90 حصان فمش مأثر على العربية اطلاقا ولا على سحب العربية انا جبت بالعربية 100 على التالت و 150 على الرابع و 190 على الخامس و كانت ثابتة و فى هدوء تام و اللى مش مصدقنى ممكن يدخل على جروب اسمه اللوجان لما تدلع تخلى الأسفلت يولع و يشوف الفيديو لأن انا مبعرفش انشر فيديو على المنتدى بصراحة ...
و حكاية ارتفاعها عن الأرض اللى بشكل غير طبيعى فدى ميزة خاصة شوارع مصر اللى مليانة نقر و مطبات فى كل حتة و على فكرة مش مأثرة على ثبات العربية انا كنت بغرز بيها على 140 و مقلتش لأ ....
انا بصراحة فرحان و كل يوم بشكر ربنا لأنه عطانى العربية الجميلة دى و اقتناعى و حبى لها بيزيد كل يوم عن الأخر و ببقى عاوز المشوار يطول علشان افضل راكب العربية و مستمتع بسواقتها ...
اقسم بالله العلى العظيم انا بقول كلمة حق و بدون تحيز و ربنا يعلم و بخصوص الساجة انا معرفش عنها حاجة لأن مفيش فى الأسكندرية غير عربية او اتنين بيلفوا اسكندرية بس انا شايف انها محترمة فى النهاية الأختيار لك و ربنا يوفقك فى اختيارك و مش عاوز حد يزعل منى لأن دة رايى الشخصى و بكل صراحة و اختلاف الرأى لا يفسد للود قضية و لو اتفقت الأراء لبارت السلع و تقبل خالص تحياتى .......