الموضوع: استفسارات عن هوندا سيتى

المشاركة الأصلية كتبت بواسطة yasminace

ألف شكر على اهتمامكم بس لو عملنا مقارنة بين هوندا سيتي 2011 و فورد فيستا 2011 ؟؟؟ أنا اسفة على الإزعاج بس أنا فعلاً الفورد كمان عجباني جداً و فيها كماليات كتير بس الناس بتخوفني من توكيل فورد إيه رأيكم؟

لو عملنا مقارنة بينهم هو طبعا مش هينفع لان دية فئة سيدان والفورد فيستا هاتشباك

بس عموما انا ركبت الفورد فيستا العربية منظرها من برة شيك جدا جدا ومن جوة الخامات بلاستيك بردة خلى بالك بس شكل التابلوة حميل اوى بس العربية ضيقة جدااااااااااااااااااااااا اااااااااااااا بجد حرام على اللى صممها

لكن قطع غيار وتحمل ومحرك طبعا السيتى بدون نقاش عملية اكتر , فيها كل اللى انت عايزاة ومحتاجاة وتوكيل فورد انا ماجربتوش بس عموما العربية قطع غيارها غالية ومع ان العربية دية نازلة السنة اللى فاتت محدش شاف منها غير عربيتين بالعدد طول السنة دية لانها فعلا سيارة غير عملية بالمرة

وخلى بالك ان الشكل مش كل حاجة يعنى لما تقييمى عربية حاولى اخر حاجة تهتمى بيها الشكل ولازم طبعا يكون موجود بس اخر حاجة

المشاركة الأصلية كتبت بواسطة shero379

طيب يا دكتور ايه رايك فى موضوع ان مفيش لمبة حرارة ده ؟؟الموضوع دة يقلق ........يعنى لقدر الله لو العربية ابتدت تسخن الواحد ميعرفش غير لما تنور احمر و ساعتها لازم اقف ؟؟ياريت لو حد عنده رد عن النقطة دى يفيدنى

بالنسبة ياباشا للمبة الحرارة فدلوقتى بقى الموضوع اوبشن يعنى فية عربية بتنزل موديل منها الهاف اوبشن مثلا مافيهاش عداد حرارة والهاى لاين بتاعها فيها عداد حرارة

وعموما هو اى ارتفاع طفيف فى درجة الحرارة اللمبة دية بتنور مش بيسيبك لحد ماتوصل لل max ماتقلقش