الموضوع: شبيك لبيك تطـلب ايه من نيـسان .. طلباتكم حنوصلها للمسئولين , تفاعلوا لمصلحتكم

أدخل مرة كمان عشان قلت رأيي قبل كده

شركة نيسان لا تقوم بالدعاية الكافية لسياراتها بمصر و فيه موديلات زي الليفينا و البلوبيرد ناس كتير متعرفش حاجة عنهم
اطلب من شركة نيسان الأستثمار بالدعاية لسياراتها زي ما عملت مع الصني زمان

- الليفينا شايف أن سعرها مبالغ فيه مع ملاحظة أن الشركة نزلتها الأول بـ130 ألف و بعدين بقي السعر 115 ألف تقريبا و ده يطرح سؤال عن كيفية تسعير سيارات النيسان مع ملاحظة جزئية صناعة الصين اللي المفروض تخفض سعر العربية و أنا شايف أن العربية بتجهيزاتها الحالية تكون في حدود الـ100 ألف عشان ما تتقارنش بالكارينز و تتظلم و كما يتعملها دعاية كافية
- و نفس الشيء بالنسبة للبلوبيرد سعرها يكون في حدود 120 ألف مش أكتر عشان ما تتقارنش بالمازدا 3 و الهوندا سيفيك اللي مصنعين باليابان و سعرهم في نفس فئة ال140 ألف او بيزيد شوية بس عربيات ياباني بالكامل
و إلا يبقي أيه فايدة أني أصنع عربية بالصين لتقليل التكلفة و أبيعها للمستهلك بسعر العربية المصنعة باليابان
- النيسان الأكس ترايل للأسف هي عربية محترمة بس بتعاني من نفس أعراض الصني و هي التجميع المصري يكاد يكون بنفس مشاكل الصني
- نوصل للتيدا أكثر عربيات نيسان أحتراما و جودة و كانت ياباني بالكامل و سعرها مش وحش حتي لو كان زيادة حبة بس كلمة ياباني تساوي كتير
إزاي أنزلها صناعة المكسيك بنفس أسعار الموديل المصنع باليابان ده أكيد لعدم نية الشركة تسويق التيدا الجديدة أو تسويقها بأسم تاني (فيرسا اسمها في أوروبا ) و أكيد بزيادة محترمة في السعر
- ننتهي عند النجمة الساطعة القشقاي اللي سعرها 160 ألف مانيوال !
اللي نزلت عندنا بعد ما كانت نجمة منفردة سنة 2007 و عملت مبيعات خرافية في أوروبا و روسيا ومازالت
للأسف علي أخر السنة دي حينزلها منافسين ماكانوش بمستوي النيسان قبل كده زي الكيا السبورتج اللي بقت دلوقت سيارة العام بأوروبا و الميتسوبيشي أوتلاندر سبورت و كلنا عارفين أسم ميتسوبيشي بمصر
و برضه للأسف نيسان معملتش دعاية كافية للقشقاي و كلنا عارفين وكيل كيا بيصرف علي الدعاية و ميتسوبيش وكيل جديد بيرمي فلوس لسة و حيصرف علي الدعاية فللأسف شايف احتمالات هيمنة القشقاي علي مبيعات فئتها ضعيفة لعدم توافرها بفتيس أتوماتيك في فئتها السعرية و كمان عشان المنافسين اللي لسة حيظهرو

نهايته أنا شايف أن سياسة نيسان التسويقية في مصر سيئة للغاية و يتم التعامل مع السوق المصري بأعتباره سوق هامشي و ليس أساسي و يتم استيراد سيارات ليست بمستوي أسم نيسان العالمي علي الرغم من وجود موديلات عديدة لدي نيسان يمكنها بالدعاية المنافسة بالسوق المصري
لكن نيسان مصر مركزة اساسيا علي الصني اللي تمنها بيجبرك تشتريها في فئتها السعرية
بس نيسان بقت زي شركة النصر للسيارات أيام ال128 و الشاهين و بقت بنظام العربيات متباعة متباعة يبقي مش مهم الجودة