الموضوع: مشكلة في سيارة صني 98

اهلا بيك معانا وباهل البحرين الكرام ,, واسف على عدم ترحيبى بيك فى البداية , لان كنت مضغوط امبارح جدا فى حاجات كتير وانا برد عليك
وتحت امرك اخى الكريم فى اى خدمة واهلا بيك معانا فى قسم نيسان وصقور نايل


بص بقا دى بعض الاحتمالات الاخرى وتجارب لعض الاعضاء فى نفس مشكلتك جمعتهالك من الموقع عندنا
بس ياريت تروح لكهربائى سيارات يكون شاطر وميكانيكى محترف بس تكون سالت عليهم قبل ما تروح لاى حد فيهم , عشان متدوخش معاهم :

- خاليه يبصلك على المارش ويشيك على الموبينه
- ممكن يكون الأبلاتين لدع و عايز يتغير ولو طلع منه يبقا حتغير أبلاتين و كوندنسر
- وش الاسبراتير لما بياخد رطوبة بيعوق تماما عملية تدوير العربية او احيانا ممكن يكون مشرخ و الاسلاك بتاعته الي موصلة للبوجيهات قديمة فطبعا تهرب كهرباء. فياريت تشيك عليه هو والبوجيهات بالمرة
- احتمال اخر ممكن يكون وش السلندر مش متربط كويس فالعربية مبتكنش مجمعة كويسة و فيه تسريب مياه او زيت خفيف بين وش السلندر و البلوك و طبعا ده بيقلل من العزم و بتكون محتاج تكبس جامد للعريبة خالي حد يراجعلك علي مسامير وش السلندر و يتأكد ان كل حاجة مربوطة كويس


وياريت تطمنا عليك وتقولنا عملت ايه ووصلت لفين

تحياتى ليك