الموضوع: ايه حكاية سيتي ستارز

المشاركة الأصلية كتبت بواسطة bassamhafez

على فكرة يا جماعه بلاش ناخد المواضيع بسطحيه ولا بتطرف ولا اي حاجه تانيه

لان بمنتها البساطه سيتي ستارز مش هدفه انه يمنع البغاء ولا الدعارة ولا اي حاجه من دي خاااااااااااااالص

+1111
ده اللي انا كنت اقصده...سيتي ستارز تديره شركة تجارية هدفها الاول و الاخير هو الربح و ليس الاخلاق

يعني لو واحدة اجنبية لابسة حملات و شورت ....مش هاتدخل؟
لو شاب عشرينات بس لابس بدلة غالية و شكله زي الموديلز بتوع الاعلانات ....مش هايدخل؟
طيب لو شاب شكله نص نص و مش باين مستواه ايه و الامن وقفه و طلع كارنيه انه دكتور أو مهندس مثلا و قالهم داخل اشتري هدوم(و اسلوبه في الكلام محترم)...مش هايدخل؟

و اي واحد معاه عربية هايدخل هو و اللي معاه بغض النظر عن لبسهم

القرار ده مقصود بيه الحد من دخول طبقة معينة بتسيء للمول لانها مش داخلة تشتري ولا حاجة و لا معاها فلوس اصلا بس داخلة تتفرج علي البنات و ممكن تعاكس و لو الدنيا زحمة ممكن تتحرش و تبقي هيصة
الناس دي بتضر المول و مش بيكسب من وراها حاجة و ممكن مع الوقت الرواد الحقيقين للمول يبطلوا يروحوا بسبب الناس دي...عشان كده لازم تتحط علامة تحذيرية عشان الامن يبقي من حقه يمنع اللي شكله مش ملائم لمستوي المكان

المشاركة الأصلية كتبت بواسطة nonetta

يا استاذ مش كل الناس رأيها زي بعضها وحضرتك طرحت موضوع اكيد له مؤيد او معارض

الاعتدال مطلوب في كل شئ هوا ما منعش دخول غير المحجبات مثلا هوا منع الزي المبالغ فيه زي ما في اماكن بتمنع دخول المنقبات .. عادي

وبعدين اوكي الملابس دي حرية شخصية .. بردو النقاب حرية شخصية ليه بيرفضوه؟

انا فعلا مش باروح شرم ولا الغردقة عشان المناظر اللي فيها انا رحت شرم مرة واحدة قبل الزواج وكان شئ يندى له الجبين ..واكيد لو شفت حاجة كدة اثناء مشاهدة فيلم باغير القناة

لا اعتقد ان العري هو الدليل على التقدم ففي كل الاديان السماوية اشد الناس تدينا اكثرهم حشمة حتى الراهبات في الكنائس يرتدون رداء طويل وغطاء للرأس

انا اعتقد لما واحدة بتكون محتشمة او لابسة عادي مش بتثير حفيظة احد
لكن الخروج عن النص في الملابس بيستفز الكتيرين

انا انسانة معتدلة وليست متطرفة .. وباروح نوادي ومولات و سينما و با تابع الموضة وباجاريها

لكن

والاناقة لا تتنافى مع الحشمة
والتحضر لا يتنافى مع الحشمة

واخيرا باقول ان دة رأي شخصي ولا افرضه على احد
ولا اود ان يكون النقاش مجال للخلاف ابدا

انا مع حضرتك و محترم رايك جدااااااااااا بس في بنات لبسهم اتعودوة علي كدة تربية مكان زوي الرحاب مثلا او مدينة نصر مصر الجديدة اماكن ناس اتعودت فية علي الحرية مش معني ان هما لبسهم كدة يبقي غير محترمين و بالنسبة ل شرم الشيخ لازم تكون كدة لانة بلد سياحية و دة شيء طبيعي و عمر النقاش م كان خلاف ابدا و انا احترم راي حضرتك

المشاركة الأصلية كتبت بواسطة khaled_yassin

الموضوع هيدخل فى سكك مش هى سكتنا
نتكلم بالعقل كدة , هل سيتى ستارز مرة واحدة قلب وبقى تابع للسعوديه
سيتى ستارز مش مكان للدعارة والكلام الكبير دة لان لو على الدعارة فهى فى اى مكان ممكن تحصل
ومش معنى ان البنت لابسة قصير انها مش محترمة , ولا معنى ان بنت لابسه نقاب انها نازلة من السماء
انا مسلم والحمد لله وليا اصحابى مسحيين وبنخرج ونروح سيتى ستارز وصدقونى مسلمين ومسحيين مش بيعجبنا لبس بنات بتلبسوا هناك , لان طبيعه الشعب المصرى هى الاحتشام فى اللبس وفى حياتنا عامه
فى نقطة تانى ان البس بيدل على مستوى الشخص الاجتماعى والفكرى والوسط الى اتربى فيه
فى ناس اتربت على انها ما تلبسش حجاب وبتلبس قط وفعلا بيكونوا محترمين جدا
وفى بنات اتعودت انها تلبس حجاب
وفى بنات مقتنعة بالبس المحتشم
فكرة منع الولاد من الدخول مع البنات اعتقد انها مش هتتنفذ لان المول كلوا مليان كافيهات واعتقد انها مش هتوافق على حاجة زى كدة ولو اتنفذت البنت هتدخل والولد وراها ومحدش هيقدر يتكلم معاهم
بالنسبه للبس سيتى ستارز معمول لطبقة معينه فى الشعب المصرى الى بتشترى منوا وبتجيب منوا هدومها واعتقد انها الطبقة الى بيفكر يمنع دخولها واكيد المحلات مش هتوافق على حاجة زى كدة
للاسف فى بنبرة فى مداخلات بعض اصدقانا واخوتنا فى المنتدى انهم بيحسسونا ان القرار دة اكنوا غزة فى بيت الكفار وانحنا انتصرنا
وبردوا ناس بتقول ان القرار دة تخلف وتراجع للخلف
مع احترامى لا البنت المنقبه ولا البنت الى لابسة قصير هتقدم ولا هتاخر للبلد
واكبر دليل على كدة التطور الرهيب والتقدم فى دول اوربا مع انتشار الانحلال الاخلاقى فى الوقت الحالى , وبردوا التقدم الرهيب للامة الاسلاميه لما كنا متماسكين بدينا وكنت اوربا غرقانه فى الجهل
احنا نحمد ربنا ونبعد عن الشبوهات والى مش بيحب يشوف الحاجات دى ما يرحش سيتى ستارز وما فيش اكتر من المولات فى مصر

المشاركة الأصلية كتبت بواسطة omar-saad

الله ينور عليك
بس انا مخنلف معاك فى اخر نقطة
معلش مافيش حد يقدر انه يجبر حد انه مايدخلش سيتى ستارز او غيرو
اى مكان فى الكويس او الوحش
وزيها زى لو بنتفرج على التيليفيزيون
لو ماعجبناش اى مشهد او فيلم بندير القناة
بالتالى لو ماعجبناش اى منظر برضو ندير وشنا
لان المكان مفتوح للجميع واى حد يقدر انه يدخل
لان دى حريات شخصية واحنا مش هانحاسب الناس على اللى بتعملو
ليهم رب يحاسبهم
كل واحد يخلى نفسه من بيته وهله وخلاص ويتصرف زى ماهو عايز
احنا مش هانحجر على حد
وتقبل كل تحياتى

+1111111111111111111111111111111111111111111111111

المشاركة الأصلية كتبت بواسطة cars sniper

احنا فى مصر مش فى نيويورك ولينا عاداتنا وتقاليدنا واى حاجة مخالفة عن تقاليدنا تبقى شذت عن القاعدة ووجودها غير مرغوب فيه....وقمصان النوم(أسف على اللفظ ولكنها حقيقة) اللى البنات بتلبسها بيبقى اسمها انحلال فى نظر 99.9% من الشعب دا وانا من حقى اروح اى حتة من غير ماقعد اغمض عينى وادور وشى لان سيتى ستارز دا موول فى القاهرة مش بلاج فى آخر شرم ...مع احترامى لجميع الآراء:)

تمام من حقك تروح المكان الي انت تحبة محدش يقدر يقول نص كلمة بس الي مش من حقك فية هو انك تقول مرغوب او غير مرغوب اه من قصدك تقول غير مرغوب بس مش من حقك تمنع حد من دخول مكان دي حرية شخصية و كل واحد و علي م اتربي انا ليا قرايبي من امريكا لما بيجوة مصر مش بيعرفوة يمشوة فية زي امريكا لان اللبس عندهم هنا براحتهم خالصصصصصصصصصصص هنا عندنا خنقة بس مع الخنقة دي و رغم كل شي مش من حق حد يحجر علي راي حد

شكلنا حنبقى دوله كويسه