الموضوع: ايه حكاية سيتي ستارز

المشاركة الأصلية كتبت بواسطة otefa

طيب سؤال صغير لكنه صعب عند البعض في نفس الوقت!
ماهي الحدود الشرعية والقانونية لمفهوم العورة عند المرأة؟
يعني ألي لابسة تحت الركبة .......دي في السليم ومش مخالفة؟
وألا ألي لابسة ميني ولا ميكرو ؟ ولا ألي لابسة كت ولا كم طويل ولا ولا ولا ؟
ياريت جواب واضح وبسيط دون الدخول في تفاصيل وياريت توضيح لمرجعية الجواب
في الأسلام معروفة كل الجسد ماعدا الوجه والكفيين

السلام عليكم و رحمة الله و بركاته

اللى أنا أعرفه و اللى لا أقبل فيه نقاش و لا بنسبة واحد فى الملياااااااااااااااااار, هى أن المرأة لا يظهر منها الا الوجه و الكفين فقط و أن يكون رداؤها لا يصف و لا يشف, يعنى مش ضيق بحيث يصف شكل الجسم و ألا تكون متعطرة و متزينة بحيث يراها الرجال الغرباء على هذا الحال, ده الشكل اللى أنا -على أد معلوماتى الضئيلة و السطحية فى الدين- أعرف أن المرأة يجب أن تخرج بيه من منزلها.

غير كده, يبقى اسمه هراااااااااااااااااااء و كلام فاضى, مش عشان أنا اللى بقول, لكن عشان ربنا -سبحانه و تعالى- و الرسول -عليه أفضل الصلاة و السلام- قالوا كده.

الكلام ده سارى على المسلمات و غير المسلمات طالما أنها تعيش فى هذا المجتمع المسلم, لأنها عندما تسير المرأة الغير مسلمة فى الشارع, فانها تكون أمام المسلمين و غير المسلمين من الرجال و يجب ألا تكون مصدر للفتنة أمامهم.

فى بيتها بأه, هى حرة, تعمل اللى هى عاوزاه و تلبس اللى على كيفها و تتزين كيفما شااااااااااااااااااااءت.

أنا مش مدرك بالظبط, ايه العلاقة بين الكلام السالف ذكره و بين تخلفنا و تأخرنا, هى المرأة لما تلبس ميكرو و حمالات و تصاحب رجالة غرباء و تبقى Easy Peacy خالص, ده هيسرع عجلة الاقتصاد و التطور و التنمية فى البلد, على أساس ايه يعنى ؟؟؟!!!!!, أنها هتكون أسرع فى الحركة مثلا يعنى و لا ايه؟؟؟!!!

و أما هو انحلال المرأة و التسيب فى علاقة المرأة و الرجل الأجنبى عنها هو اللى هيجيب الخير أوى كده, ماحنا بقالنا 60 سنة على الحال ده, ماشوفناش تقدم فى أى مجال من مجالات الحياة فى مصر يعنى و لم نلمس الا المزيد من التدهور و التأخر و التخلف و الذل و احتقار الغير لنا بأشد مايكون, ده حتى فى الحاجات الهايفة زى الكورة, مانفعناش فيها برضه, أنا متهيألى حتى لو عملوا مسابقة رقص شرقى و عرض مايوهات بكينى, كنا برضه هنفشل فيها .

أنا من رأيى, أنه من قبيل العقل و المنطق, أما نقعد نجرب حاجة 60 سنة و نلاقيها مش نافعة, أى حد عنده مخ يعنى, يقول أننا لازم نقف و نفكر و نجرب حاجة تانية, بالعقل يعنى.

و لا أصلا, الأمور التافهة اللى زى دى لا تستوجب غضب المولى عز و جل !!!!!!.

أنا من رأيى, أنه من قبيل العقل و المنطق, أما نقعد نجرب حاجة 60 سنة و نلاقيها مش نافعة, أى حد عنده مخ يعنى, يقول أننا لازم نقف و نفكر و نجرب حاجة تانية, بالعقل يعنى.

و لا أصلا, الأمور التافهة اللى زى دى لا تستوجب غضب المولى عز و جل !!!!!!.
-----
+1
وفي المسيحية الحجاب واجب كمان فيه يعرفو وبيغالطو وفيه مايعرفوش من الأصل
ومش كده بس لأ كمان التبرج بره البيت ولغير الزوج مرفوض في المسيحية
في أساسيات في الأديان السماوية لاخلاف عليها

المشاركة الأصلية كتبت بواسطة nonetta

يا استاذ مش كل الناس رأيها زي بعضها وحضرتك طرحت موضوع اكيد له مؤيد او معارض

الاعتدال مطلوب في كل شئ هوا ما منعش دخول غير المحجبات مثلا هوا منع الزي المبالغ فيه زي ما في اماكن بتمنع دخول المنقبات .. عادي

وبعدين اوكي الملابس دي حرية شخصية .. بردو النقاب حرية شخصية ليه بيرفضوه؟

انا فعلا مش باروح شرم ولا الغردقة عشان المناظر اللي فيها انا رحت شرم مرة واحدة قبل الزواج وكان شئ يندى له الجبين ..واكيد لو شفت حاجة كدة اثناء مشاهدة فيلم باغير القناة

لا اعتقد ان العري هو الدليل على التقدم ففي كل الاديان السماوية اشد الناس تدينا اكثرهم حشمة حتى الراهبات في الكنائس يرتدون رداء طويل وغطاء للرأس

انا اعتقد لما واحدة بتكون محتشمة او لابسة عادي مش بتثير حفيظة احد
لكن الخروج عن النص في الملابس بيستفز الكتيرين

انا انسانة معتدلة وليست متطرفة .. وباروح نوادي ومولات و سينما و با تابع الموضة وباجاريها

لكن

والاناقة لا تتنافى مع الحشمة
والتحضر لا يتنافى مع الحشمة

واخيرا باقول ان دة رأي شخصي ولا افرضه على احد
ولا اود ان يكون النقاش مجال للخلاف ابدا

المشاركة الأصلية كتبت بواسطة cars sniper

احنا فى مصر مش فى نيويورك ولينا عاداتنا وتقاليدنا واى حاجة مخالفة عن تقاليدنا تبقى شذت عن القاعدة ووجودها غير مرغوب فيه....وقمصان النوم(أسف على اللفظ ولكنها حقيقة) اللى البنات بتلبسها بيبقى اسمها انحلال فى نظر 99.9% من الشعب دا وانا من حقى اروح اى حتة من غير ماقعد اغمض عينى وادور وشى لان سيتى ستارز دا موول فى القاهرة مش بلاج فى آخر شرم ...مع احترامى لجميع الآراء:)

المشاركة الأصلية كتبت بواسطة shaddadfalcon1

الناس اللي بتقول تلبس اللي هي عايزاها ياجماعه الاصل هو الستر مش الكشف
ولما اخرج مع مراتي وافسح ولادي والاقي المناظر دي محدش يقولي متبصش لاني كده هلبس في اقرب عمود لانهم بيبقو كتيير قوي ومش فاهم لابسين كده ليه
ايه اللي يخلي بنت تتزين وهي خارجه نفسي اعرف

يارب يتمنع من كل الاماكن العامه ونرجع شعب محترم ومحدش يقولي اللي لابسه جيبه ميني ولا كت مبين نص جسمها تبقي محترمه

+111111111111111

المشاركة الأصلية كتبت بواسطة evram

ايوة في المسيحية المفروض الست تغطي شعرة بدليل ال ست لما تكون في الكنيسة لازم تغطي شعرة ب ايشارب و الراهبات م هم مغطين شعورهم بس في ناس اتربت علي شيء غير كدة و دة صعب بالنسبالهم طيب م 90 في المية من المسلمات محجبات و الباقي لا و في حاجة بتنرفزني يعني اية تكون محجبة و لابسة بنطلون جينز ضيق اوييييييييييييي اويييي و بادي اسف في العبير معري اكتر من مغطي يبقي عايز اسالكم سوال دي كدة بتهين الحجاب ولا لا انا كل الي باقولوة مش ب لبس البنت ولا تصاحب ولاد ولا لا الحته دي بالزات محدش يقضر يحجر فية علي حد محدش يقدر يقول دي تلبس دة و دي تلبس دة

للأسف ياسيدي الفاضل ان ده مالهوش دعوه بالدين يعني اللي بتعمل كده بتبقى لابسه الحجاب عشان وهيا خارجه من الشارع مايقولوش حاجه انما هيا مش بتلبسه عشان تدين وفي حاجات اكتر من كده كتير زي اللي بيلبسو النقاب عشان يبقو مداريين لأفعال اخرى سيئه ومشينه وزي اللي بيربي دقنه ودي كتيير قوي كنت باحتك بيها وبيطلعو فشنك ويقولك قال الله وقال الرسول وهوا نصاب و عشان يدحك بيها على الناس.
بس ياعزيزي دول منافقين ولهم حساب كبير عند ربنا عشان هما بيدارو وبيأخذو الدين كوسيله لأفعالهم المشينه ولكنهم في الأصل مابيصلوش ولا بيصومو وربنا هايحاسبهم.
وكل فئه بتلاقي فيها الكويس وفيها الوحش
تحياتي.

[QUOTE=evram;3873552938]ادي حضرتك قولته ب قك طيب سوال بقي بنت متربية و مودبة بس صريحة و البسة كت و نص م و حجات كدة ولا بنت منقبة او محجبة و لابسة لبس مع احترامي للناس شكله لا يليق ب حجاب ولا اي حاجة اخرة يعني ولا خلاص بقي يبقي انهي احسن[/QUO

سيدي المحترم,
بالفعل هناك العديد من البنات بيلبسو لبس قصير وبيسيبوشعرهم ولكنهم ارجل من رجاله كتير ومحترمين وجدعان ولو حاولت انك مجرد بتلميح تستظرف معاهم بيدوك على دماغك وانا كنت معاشر فئات منهم وشوفت كانو بيعملو ايه مع اللي بيحاولو يستظرفو معاهم واكيد انت فاهمني
عمر اللبس ماكان مقياس على الإحترام ومش معنى ان واحده لابسه قصير او كت انها قليلة الأدب قليلة الأدب وعديمة الأخلاق اللي بتبقى محجبه وقاعده معى واحد في العربيه لأفعال مشينه وبنشوفهم كتير اكتر من مره في اليوم الواحد ده غير امثله كتيره لفتيات ليل كانو بيلبسو النقاب عشان يتدارو وهما طالعين شقق سيئة السمعه.
ده مش مقياس انا مع الوضوح والشفافيه احسن مية مره من المظاهر الكاذبه والتلفيق اللي للأسف اغلبية المصريين بيحبو يعملوه وللأسف بيبرر الغلط بغلط تاني.
ولكن كعادات وتقاليد البلد الشرقي اللي احنا فيه ده بيملي علينا مقياس متوسط ومعين من درجة اللبس بس التخلف بيوصل لناس كتير واغلبهم من الطبقه المنخفضه انو يشوف واحده لابسه قصير يقولك بس دي XXXX وبعدين يعد يعاكس فيها ويمشي وراها وكأنو حكم حكم نهائي عليها انها قليلة الأدب بالرغم من المستوى العقلي والمادي والأدبي اللي هيا فيه بس للأسف هيا صادفت اشخاص مريضين نفسيا ومحتاجين علاج.
انا مع الراي اللي عايز يلبس هو حر في نفسه يلبس نقاب يلبس حجاب يلبس قصير هوا حر ده ملبسه وهوا حر فيه وعلى الناس انها تظبط نفسها مش هايصين في الهيصه وخلاص اللي عايز يبص بيبص حتى لو هيا محجبه وبيبص تلاقي عينه مركزه قوي بس للأسف امثله كتيير سيئه الواحد بيشوفها
تحياتي.