يا باشا والله انا عاجز عن الشكر لأهتمامك وانا بصور المكان ان شاء الله وبرفع الصور هنا وربنا يستر ويكون خير
عرض للطباعة
متابع باهتمام
بص يا باشا عشان اريحك من الموضوع و القصه ده خالص عشان انا عارف قلق الموضوع ده
اولا انت زي ما الرجاله فى المنتدى قالتلك لازم و لابد انك تتأكد من العربيه عن حد و تاني و تالت و رابع كمان لو تطلب الامر
يعني حضرتك تكشف عليها عند سمكرى تاني و ممكن تكشف فى التوكيل مش هيحصل حاجه
لو اتأكدت خلاص انها مغيره نص لقدر الله يبقى قدامك حل من :
1- تقبل بقضاء الله و تحمد ربنا و تحاول تشوف سمكرى ممتاز جدا يعيد كشف العربيه و يبص على اماكن اللحامات ده و يقولك محتاجه حاجه و لا لا يعني بالبلد تحاول توقف العربيه و بالتاىل هتمون عملتها على ايدك
2- تلجأ لاساليب كتيره عشان ترجع العربيه لصاحبها و تاخد مه فلوسك و لو بخساره جزء بسيط
3- تستعوض ربنا فى فلوسك و تبيع العربيه على وضعها الحالى باي تمن و تكمل عليهم و تشترى عربيه تانيه
و فى كل الحالات هتكون ماشي على الطريق و انت مطمن
ازاي يعني يوصل بيك الحال لكده وبعدين العربيه مغيره نص وانته ساكت كده فعلا لازم تاخد العربيه لسمكري واتنين وتلاته ولو طلع العربيه فيها حاجه لازم ترجعها للي اشترتها منه
ياباشا انت دافع فلوس مش ورق جرايد حاجه زى دى خد بعضك عالتوكيل قبل ماتشترى وتدفع فلوس التوكيل يكشف عالعربيه ب150 وتاخد تقرير بحاله العربيه بس دا يكون بتفاق بينك وبين البائع دا اسلم حل لو قلتلو توكيل ولقيته اتردد وعمل افلام تعرف ان العربيه فيها مشكله بس انت اتدبست وخلاص واسلم حل انك تاخد اتنين بلطجيه زى الاخ الفاضل ماقاللك وكل حاجه دلوقتى فى البلد بتتاخد بالدراع وربنا معاك
والله انا حتأكد منها عند سمكرى تانى وتالت الاول ولو لقيت نفس الكلام صح يبقى ححاول اروح التوكيل وأكشف عليها كشف كامل علشان اشوف درجة الامان بتاعتها وايه الاضرار اللى حصلت من الحادثة . بس المشكلة ان شغلى فى مكان بعيد عن القاهرة ومش بنزل غير خميس وجمعة بس وكمان انا طبعا راكن العربية فى جراج بجوار البيت وبصراحة انا خايف اركبها فى مشاوير طويلة وانا اتعقدت منها
متابع ......
يا باشا جرب سمكرى واحد واتنين وتلاته الاول
وبعد كدا زى ما الرجاله قالولك خد معاك اتنين بلطجية وروح بالابن ........... وشوف هتوصل معاه لايه بس طبعا فى الحالة دى هتخسر جزء من فلوسك او تبعها على عيبها بس برده كدا هتخسر كتيير
او تروح لواحد سمكرى يظبها لك كويس علشان تبقى ماشى تمام فى اى مكان
ولوفكرت تبيعها اعرف واحد بيشترى عربيات حوادث ذى الى معاك كدا قبل ما تظبط او مظبطه ومش عارف صاحبها يبعها
لو فكرت فى الموضوع ده انا موجود بس ده بعد ما تروح للراجل الى باعلك العربية وتظبطه وشوف هتوصل معاه لايه
وربنا معاك
الموقف حصلى اول ما جبت الكرستاله كان معيا ناس بتفهم كويس
وتالت يوم روحت للميكانيكى الى العربية رشه حوض طبعا اتجننت انا شاريها مش راشه جوة
روحت لكذا واحد صاحبى بتاع دهان قالولى لا طبعا العربية نضيفه حمدت ربنا والحمد لله على كل شى ومن ساعتها مروحتش للميكانيكى ده تانى خالص
وربنا معاك