والله انا نفسى اشوف حل للموضوع ده - انا بس اللى مانعنى انى احط الصور واروح للتوكيل انى خارج القاهرة فى شغلى وبرجع الخميس ان شاء الله - وعلى فكرة السمكرى كشف العازل اللى موجود فى الجزء ده وفعلا شفت لحام وصاج راكب فوق بعضه
عرض للطباعة
والله انا نفسى اشوف حل للموضوع ده - انا بس اللى مانعنى انى احط الصور واروح للتوكيل انى خارج القاهرة فى شغلى وبرجع الخميس ان شاء الله - وعلى فكرة السمكرى كشف العازل اللى موجود فى الجزء ده وفعلا شفت لحام وصاج راكب فوق بعضه
انا عاوز اعرف هل الجزء اللى خلف العازل ده اصلا بيكون عبارة عن جزئين راكبين على بعض
كنت عاوز أسأل انا لو رحت اكشف على العربية فى التوكيل لازم حجز الاول ولا عادى والموضوع ده بياخد وقت قد ايه هناك وتكلفته قد ايه وشكرا ليكم
لا مش لازم تحجز بس روح الصبح بدري علشان العربية تخش على طول واعمل حسابك على وقت كتير لانهم حسب الزحمة ممكن يقعدوك كتير وممكن ينجزو (الكلام ده على الفرع الرئيسي في قليوب)
روح التوكيل وكشف العربية وسيبك من السمكرية الكواحيل ولاد التييت لانه ممكن يكون بيعمل كده عشان يضبطك فى مصلحة وكشف على ورق العربية فى المرور كمان
معقول فيه كدة؟؟ ربنا يسترها .. انا باشترى عربية اليومين دول وعشان كدة انا باقول للى هايبيع ليا العربية اشتريها منك فى التوكيل .. الخطأ يتحمله البائع والراجل اللى انت اخدته معاك واعتقد ان كل واحد فيهم لازم يتربى ب عشر تلاف جنيه الحل المثالى للعربية دى ان تاجر ياخدها من بتوع قطع الغيار مثلا يشتريها ب 42 الف وكل واحد فيكوا يتحمل عشر الاف جنيه .. اما الحل بتاع مهندس مروان فا وارد جدا فى الاخر خالص لو الذوق ماجابشى نتيجة
ماطمنتناش ياريس أيه اخر الأخبار؟
المشكله اتحلت ولا لسه
طمنا
عليك
متااايع ياريت حضرتك تقولنا وصلت ل ايه؟
السلام عليكم جميعآ- آخر اخبار العربية انى رحت لثلاث اشخاص مختلفين بس بجد ناس محترمة جدا وتعرف ربنا وكله اجمع ان العربية واخدة قطمة يمين فى الحوض ورشة قايم يمين - القايم اللى خلف الكبوت مباشرة ورشة كلها خارجى ومغيرة شنطة وكبوت والايرباج خرج قبل كده واتركب مكانه واحد تانى وكمان عرفت ان اللحام اللى فى الشاسيه اسفل رقم الشاسيه ده نتيجة ان الموتور من الخبطة رجع ورد فى المكان ده - ده كل المعلومات اللى اجمع عليها التلاتة سمكرية اللى انا رحتلهم - رأيكم ايه وعاوز اعرف يعنى ايه واخدة قطمة يمين وفى حدود معلوماتى اللى فهمتها من الراجل السمكرى يعنى متغير جزء يمين فى الحوض وملحوم فى باقى الحوض - فهل الكلام ده صح ولا ايه وايه درجة الامان للعربية على الطريق وهيه فى الحالة ده - وشكرا - ارجو الرد من خبراء المنتدى