الموضوع: كنت عايز اخد رأيكم فى لانسر شارك .......

المشاركة الأصلية كتبت بواسطة kofta

كنت عايز اعرف ايه كمالياتها هذه السيارة بالكامل من اقل فئة لاعلى فئة

و كنت عايز اعرف السيارة ديه كويسة على موتورها 1500 ولا البومة احسن ؟؟

و امتى هتنزل منها الـ 2012 ولا هى وقفت ولا ايه نظامها ؟؟

و سعرها كام حالياً

وشكراً لكم

العربيه ماتورها عادي جدا عليها , زيو زي الـ 1600
وطبعا في فرق شاسع بينها وبين البومه , دي عربيه ودي عربيه تانيه خالص
وبالنسبه للسعر , للأسف مش هقدر افيدك

المشاركة الأصلية كتبت بواسطة kofta

كنت عايز اعرف ايه كمالياتها هذه السيارة بالكامل من اقل فئة لاعلى فئة

و كنت عايز اعرف السيارة ديه كويسة على موتورها 1500 ولا البومة احسن ؟؟

و امتى هتنزل منها الـ 2012 ولا هى وقفت ولا ايه نظامها ؟؟

و سعرها كام حالياً

وشكراً لكم

السلام عليكم

هو زي ما قال لحضرتك العضو المحترم vtc ان الماتور كويس على العربية
بالنسبة للكماليات,,العربية دي كانت نازلة 4 فئات:
1-بيسك مانيوال
2-بيسك اتوماتيك
3 هاف سبورت
4-هاي لاين

بالنسبة للبيسك مانيوال كمالياتها كالأتي:
1-باور كهرباء
2- 4 زجاج كهرباء و مرايات كهرباء
3-سنترلوك
4-راديو كاسيت
5- تكييف عادي مانيوال
6- ناقل مانيوال
7- ايموبيليزر (مانع للسرقة)
8- فرامل abs+ebd
9- واحد ايرباج
10-فوانيس شبورة

اما بالنسبة للبيسك اتوماتيك هي هي نفس الكماليات السابقة باختلاف الناقل حيبقى اتوماتيك

بالنسبة للهاف سبروت,كماليتها كالاتي:
1- كل الكماليات السابقة
2- راديو و سي دي mp3
3-غطاء للمحرك
4-جنوط اسبور
5-انذار ضد السرقة
6-نظام مانع للضوضاء(مزودين العزل)
7-اعتاب جانبية(مش متأكد منها)
8-فتيس اتوماتيك
9-تكييف اتوماتيك(برده مش متاكد منها اوي)

بالنسبة للهاي لاين,,كماليتها كالاتي:
1- كل الكماليات السابقة في البيسك و الهاف سبورت
2- راديو سي دي تشجنجر 6 سيديهات
3-فتحة سقف
4- اتنين ايرباج
5- دريكسيون مالتي فانكشن (بس تحكم في الكاسيت بس)
6-اعتاب امامية و جانبية
7- دريكسيون جلد
6- سبويلر
7- مفتاح بصمة لتشغيل المحرك بدون مفتاح
8 زجاج فاميه
9- حساس ضوء و مطر
10 - تكييف اتوماتيك

دي بالنسبة لمواصفات الفئات
بالنسبة للموديل,فالموديل اللي حينزل,حينزل موديل 2011 و حينزل عن طريق الوكيل الجديد ان شاء الله و سعره حيبدأ من 135 الف

يا رب اكون قدرت افيد حضرتك

المشاركة الأصلية كتبت بواسطة kofta

شكراً لك جداً
هى بصراحة العربية عجبانى اوى اوى شكلها و من جوة كمان شكلها وهم

بس فيه حاجة بقى كنت عايز اتأكد منها .... هى نازلة بزينون ولا عادى ؟؟؟

وسعر الـ 135 الف ده البيسك ؟؟ ولا انهى فئة ؟؟
و الهاى لاين تعمل كام ؟؟؟
و الموديل ده هينزل امتى ولا هو نزل خلاص ؟؟؟

و شكراً لك مرة اخرى

الشكر لله

و العربية حلوة فعلا

الصراحة بش عارف الوكيل الجديد حينزل فيها زينون ولا لا
هي حتبدأ من 135,,فأكيد ده البيزك و ممكن كمان يكون الاتوماتيك
الهاي لاين ممكن توصل ل 155 او اكتر
بالنسبة للموديل 2011 ان شاء الله خلال الشهر ده حيكون متوافر

و عموما تليفونهم اهو:
تليفون المبيعات 0186587777

بص هو التوكيل القديم كان منزلها ب 162 الف قبل كده
و فضله يعملوا تصفية على موديلات 2009 لحد ما بقيت الهاي لاين ب 128 الف
فالعربية الصراحة حلوة جدااا و كمالياتها جميلة جدااا و محترمة فعلا
طب ما حضرتك سعر الوكيل القديم في البوما كان واصل 130 الف للسوبر اكشن!!!!!!!!
و الشارك احدث منها و افضل منها بكتير
و هما كمان احتمال يزودوا كماليات زيادة في الموديلات 2011 اللي حتنزل ان شاء الله
و ربنا يوفقك ان شاء الله للاحسن و الافضل