والله انا فى نيتىى من فتره انى اعمل صيانة العربية
بس جواز اختى فى 8/5
و دخول ابويا المستشفى 11/5
و بعدين المتابعه
و فرح اخت مراتى امبارح
اجلت الموضوع
بس الشهاده لله
كل ده الطرمبة خشنه بس شغاله
كنت نويت اروح يوم الأتنين اجيب الحاجة و اركبها
نازل من البيت رايح مشوار و عشان القربة كل كام يوم تنقص من غير سبب
قلت ازود
لقيتها خاوية على عروشها
احط ميه تروح
خدت كتير
4 ازايز ميه لتر و نص
ببص تحت العربية من النص
لقيت سرسوب نازل مستمر
مش نقط لأ خرطوم
خدت العربية و جريت على الميكانيكى
لقيته ماسك فى عربيتين
واحده تويوتا بتسقط موتور
و مرسيدس 230 قديمه بيسقط الدفرنسيه اللى ورا
قلتله هاروح اجيب الطرمبة واجى
قاللى ماشى
و انا رايح كلمت عاطف باشا صالح
قاللى فيه sk ولا تضمنها ب 3 تعريفه
و التوبران ممكن على يوم الأتنين
قاللى هات نوعين لا ثالث لهم
هيبو hepu
جوبا juba
اى نوع تانى لأ
طبعاً بهدله عند المتحده و امريكان ستارز و سرور و عواد و عادل عبد المقصود مفيش غير فيبى و اس كى و نوع غريب بيقولوا المانى
بس مفيش النوعين
و انا ماشى قلت اشوف عادل حموده
دخلت
قلته عايز طرمبة ميه هيبو او جوبا
بصلى من فوق لتحت
اشمعنى
قلتله فيه
قالى فيه جوبا
بس انت اول مره واحد يخش يسأل عليهم بالأسم
قلتله فيه هيبو اللى عنده قال فيه واحده
بس مش عارف بتاعت فيكترا و لا لأ
طلعها طلعت هي
يمين شمال فوق تحت
وصلت معاه 180 وربط على كده
و خدت سير جيتس انجليزى ب 80 جنيه برضوا بالعافية
رجعت للميكانيكى
لسه مخلصشى و هتبابت لبكره و هيفتح الصبح يخلصها
بس فكيت الريادتير و نضفته و سلكته و غسلته
برضوا نزل بلاوى
و فى انتظار ما يسفر عنه الغد