الموضوع: يا جماعة انا نويت اشتري لوجان

المشاركة الأصلية كتبت بواسطة moustafa_saad

يااخوانا ايه حكاية التسليم بعد اسبوع وبعد شهر ده
انا سافرت من دمنهور للقاهره وروحت سمير ريان وخدت العربيه بعد ربع ساعه واللى اخرنى شويه غسيل العربيه مش اكتر وكنت مستغرب من السرعه بتاعتهم فى الاجراءات لانى اول مره اشترى عربيه وروحت خدت الورق بعد 3 ايام

ماشي بس الكلام ده كان امتى ؟؟

نظرا للطلب الشديد على اللوجان مع عدم توفرها فى الوقت الحالى (نظرا لتعطل مصنع المغرب بعد ما حدث فى اليابان وعدم توفر الاجزاء التى تأتى من هناك) - فمن الواضح ان الشركة تسعى لاحضار اعداد من اللوجان من اتجاهات مختلفة (منها مثلا مجموعة سيارات فى المغرب كانت رايحة لاوربا و لكنها هتيجى على مصر) و بالتالى يوجد تضارب فى المواعيد و فى الامكانيات التى ستتوفر فى السيارة وده شىء طبيعى و هيحتاج من شهر لثلاث شهور حتى يستقر السوق.

انهاردة ان شاء الله حنزل الف شوية واجيب ليكم الخلاصة ان شاء الله
وحروح للموزيع بردة اشوف اية اسعارهم واية ظروف تسليمهم
شكرا يا رجالة

بصراحة ابتديت افكر ان لو العربية هتتأخر عنى يوم 15/6
انى اجيب ساجا و خلاص
مش عارف بقى

المشاركة الأصلية كتبت بواسطة dr_mohamed16

بصراحة ابتديت افكر ان لو العربية هتتأخر عنى يوم 15/6
انى اجيب ساجا و خلاص
مش عارف بقى

يعنى ايه تجيب ساجا وخلاص حضرتك مش هتدفع مبلغ شوية حضرتك هتدفع مبلغ محترم فى نظرى ...
اهم حاجة الراحة النفسية مش اكثر لأن حضرتك مش بتغير العربية كل يوم ..
شوف لو حضرتك مرتاح للساجا اكثر من اللوجان توكل على الله و هات ساجا و بدون تفكير ...

انا يا جماعه حكايتى حكايه مع اللوجان ينفع اقول معاها نبتدى منين الحكايه الحكايه ابتدت من شهر تقريبا كان معايا سياره لادا وقررت خلاص ابيعها واجيب اللوجان المهم بعتها وحجزت اللوجان من معرض بمدينه نصر والاستلام بعد اسبوع بصراحه العربيه كانت موجوده بس فلوسى ماكنتش كامله المهم عملت قرض من البنك وكملت الفلوس وخلاص قررت استلم يوم الجمعه فؤجئت باتصال من المعرض يعتذر وبيقولى العربيه للاسف الى انا حجزتها قال ايه كانت محجوزه من واحد تانى وحدث خطا من المعرض ومعندهمش عربيه تانيه فخدت الفلوس الى حجزت بيها وبدءت رحله البحث فى كل المعارض ولاقيت معرض بشارع السودان قالى موجوده فقلتله نازلك حالا وانا بلبس ونازل لاقيت المعرض بيتصل بيا وبيقولى انا اسف الياره مش موجوده وانهم فاكرين ان كان فيه واحده بالمخزن واستمرت رحله البحث وفقدت الامل فحجزت عند الطارق من عشر ايام والمفروض على حد كلامهم استلم نص الاسبوع الى جاى واتمنى ان تكون دى نهايه الحكايه مع اللوجان ادعولى يا جماععععععععععععه