الموضوع: يا جماعة انا نويت اشتري لوجان

المشاركة الأصلية كتبت بواسطة hexll

السلام عليكم ورحمة الله وبركاتة
انا خلاص نويت اشتري ميجان فول اوبشن
تنصحوني بأية واشتري منين واية الحاجات الى اتاكد منها لما اروح اشتري العربية على شان مينضحكش علية
وتقفيل العربية الافضل يكون اية ولا مفيش الا المغربي ؟وعندي سؤال تاني
لما اروح ارخص العربية الرخصة , الضريبة بتاعتها كام ؟

بص يا سيدى .. اولا انتا اكيد قصدك رينو لوجان مش ميجان لأن ده قسم اللوجان :D:D
ثانيا : اختيارك للعربية لوجان اختيار موفق جدا ان شاء الله و ربنا يباركلك فيها و يديلك الخير كله من وراها و تنورنا ان شاء الله تبقى زميلنا فى قسم اللوجان اللى فيه احسن و اجدع ناس :)

ثالثا : تشترى منين .. فى رأيى المتواضع .. محمد زكى .. انا جبتها من عنده و كل صحابى اللى اشتروها جابوها من عنده .. هتلاقى عنده احسن اسعار للعربية .. وكان زمان التسليم عندهم فورى .. بس دلوقتى عشان السحب على العربية جامد جدا فى الغالب هتستنى من شهر لشهرين عشان تستلم و ده فى كل المعارض و حتى التوكيل برضه.

رابعا : اللوجان اللى نازلة دلوقتى مغربى فقط.. هما كانوا استوردوا دفعه رومانى عشان السحب عالعربية كان شديد جدا .. بس الدفعه دى خلصت واللى نازل دلوقتى هو المغربى بس.. و لعلمك المغربى تقفيله نضيف جداجدا .. وهو اللى بينزل فى اوروبا هو هو اللى بيجيلنا هنا مصر .. يعنى اعلى جودة ان شاء الله

خامسا : بالنسبة لاجراءات و تكاليف الترخيص خد الموضوع ده هيفيدك جداا :
http://www.nilemotors.net/Nile/100465-2010.html

المشاركة الأصلية كتبت بواسطة engahmedamin

بص يا سيدى .. اولا انتا اكيد قصدك رينو لوجان مش ميجان لأن ده قسم اللوجان :d:d
ثانيا : اختيارك للعربية لوجان اختيار موفق جدا ان شاء الله و ربنا يباركلك فيها و يديلك الخير كله من وراها و تنورنا ان شاء الله تبقى زميلنا فى قسم اللوجان اللى فيه احسن و اجدع ناس :)

ثالثا : تشترى منين .. فى رأيى المتواضع .. محمد زكى .. انا جبتها من عنده و كل صحابى اللى اشتروها جابوها من عنده .. هتلاقى عنده احسن اسعار للعربية .. وكان زمان التسليم عندهم فورى .. بس دلوقتى عشان السحب على العربية جامد جدا فى الغالب هتستنى من شهر لشهرين عشان تستلم و ده فى كل المعارض و حتى التوكيل برضه.

رابعا : اللوجان اللى نازلة دلوقتى مغربى فقط.. هما كانوا استوردوا دفعه رومانى عشان السحب عالعربية كان شديد جدا .. بس الدفعه دى خلصت واللى نازل دلوقتى هو المغربى بس.. و لعلمك المغربى تقفيله نضيف جداجدا .. وهو اللى بينزل فى اوروبا هو هو اللى بيجيلنا هنا مصر .. يعنى اعلى جودة ان شاء الله

خامسا : بالنسبة لاجراءات و تكاليف الترخيص خد الموضوع ده هيفيدك جداا :
http://www.nilemotors.net/nile/100465-2010.html

ربنا يكرمك يا رب رفعت من روحي المعنوية ههههههههههههههههههههههههه ههه
فعلا يا باشا انا اخطأت وكتبت ميجان :d
وعلى فكرة عايز اقولك على حاجة
الى حببني فى الميجان الاعضاء الحلوين وانت منهم كمان
واطمن واعتمدت على الله ثم على الاعضاء الموجودين فى القسم ونويت اشتري ميجان .. يؤيؤيؤيؤيؤ قصدي لوجان ههههههههههه
وطلاما بتقول ان التقفيل المغربي تمام يبقى تمام ان شاء الله
بس فين محمد ذكي
انا من الاسكندرية
وشكرا لسرعة الرد يا برنس

الله يكرمك .. و ان شاء الله تنورنا هنا فى قسم اللوجان و تركب احلى عربية فى مصر .. هى جامده اه بس مش بتمشى عالحيط :d:d

المهم محمد زكى اللى انا اعرفه ده فى القاهرة هنا فى منطقه اسمها القطامية

لكن بصراحة معرفش اذا كان ليه فرع فى اسكندرية ولا لأ .. يفيدك فى الموضوع ده وحوش القسم بتوع اسكندية "وما أكثرهم ما شاء الله " بس تلاقيهم فى الشغل او نايمين دلوقتى :d:d

عموما هدورلك برضه لو ليهم فرع فى اسكندرية و ربنا يسهلك الامور ان شاء الله :)

المشاركة الأصلية كتبت بواسطة engahmedamin

الله يكرمك .. و ان شاء الله تنورنا هنا فى قسم اللوجان و تركب احلى عربية فى مصر .. هى جامده اه بس مش بتمشى عالحيط :d:d

المهم محمد زكى اللى انا اعرفه ده فى القاهرة هنا فى منطقه اسمها القطامية

لكن بصراحة معرفش اذا كان ليه فرع فى اسكندرية ولا لأ .. يفيدك فى الموضوع ده وحوش القسم بتوع اسكندية "وما أكثرهم ما شاء الله " بس تلاقيهم فى الشغل او نايمين دلوقتى :d:d

عموما هدورلك برضه لو ليهم فرع فى اسكندرية و ربنا يسهلك الامور ان شاء الله :)

القسم منور بيك يا عسل
وعلى فكرة هيا فعلا مش بتمشي على الحيط بس بتعوم فى المية هههههههههههههههههههه
وانا مستني وحوش الاسكندرية وربنا يقدم الى فية الخير ان شاء الله

على فكرة يا جماعة انا كنت في المصرية للسيارات ,
وعرفت ان في نسخة معدلة من اللوجان نزلت ب2 ايرباجز وايه بي اس في الفرامل وكانت عاملة 75000
انا متأكد من الكلام ده من الراجل الي واقف هناك والله ( الفول اوبشن )