فيكترا 2007 مانيوال

**ashrafmkenawy** · 05-06-2011 04:06 PM

أولاً أحب أن أكون من اصدقاء المنتدي بصفتي أوبلاوي جديد
ثانياً: أنا إشتريت أوبل فيكترا موديل 2007 مانيوال، ومحتاج أعرف إزاي أظبط شاشاة الكمبيوتر، لأن الساعة مش مظبوطة والبيانات ناقصة ولما باظغط على السيتينج بتاعة الشاشة بتقوللي ديسبلاي سيف بس مفيش حاجة بتحصل بعد كده، تنصحوني بإية؟

ثالثاً: رشاش المساحة مش بيطلع ميه مع ان القربة مليانة ونظفت فتحات الرشاش؟

وتنصحوني بتغيير الزيت والبوجيهات والصيانة بشكل عام فى التوكيل والا ممكن أروح مركز متخصص يكون أرخص والا الفرق مش كبير وخليني فى التوكيل أضمن، مع العلم اني محتاج أكشف على الفرامل علشان لما بريح رجلي وانا بأفرمل باسمع صوت من العجلة اللى قدام شمال بس لو دست على الرفرامل بشكل أكبر مش باسمع الصوت خالص؟

معلش سامحوني الأسئلة كتير بس الغربال الجديد له شدة وانا بحب أحافظ على العربيات جداً فما بالك لما تكون أوبل، لأن العربيات دي مش محتاجة تتهان علشان تفضل تحس بقيمتها.

**rompo10** · 05-06-2011 04:33 PM

الف مبروك ياباشا ومتابع معاك

**ashrafmkenawy** · 05-06-2011 04:51 PM

الله يبارك فيك، وكتر خيرك

**lancerevolution** · 05-06-2011 06:11 PM

صوت الفرامل دا تراب فى الفرامل بس
البوجيهات و الفلاتر يا ريت تغيرهم إحطياطى عشان تبقى فى السليم
بالنسبة للشاشة فا إستنى خالد أيمن يقولك عليها

**abdelaziz-waleed** · 05-06-2011 08:48 PM

الف مبروك يااشرف باشا واهلا بيك اخ عزيز معانا في عصابة الاوبل
انا بحب الموديل دا جدا اللي هو 2007 المانوال ونفسي فيها جدا بس ربنا يسامحه منصور مدمرها معاه
ان شاء الله ايمن وبيدو هيقولولك على كل اللي حضرتك محتاجه
بس ياريت معلومات اكتر علشان نقدر نفيدك. بمعني العربية ماشية كام كيلو وهل صاحبها بيسجل الكيلوهات اللي بتتعمل فيها التغييرات (زيوت فلاتر بوجيهات سيور). هل كان بيصينها في التوكيل ولا بره
لو بيعمل الصيانة في التوكيل تقدر حضرتك تروح تفتح الملف بتاعها وتعرف كل حاجة اتعملت فيها

**ashrafmkenawy** · 05-06-2011 10:39 PM

يا جماعة والله كتر خيركم، أنا حسيت اني فعلا مش لواحدي لما رديتوا عليا، بخصوص الفرامل هاضرب فيها خرطوم مياه وأشوف اية الأخبار.
وياسيدي فعلا الموديل ده كان عاجبني من زمان وهو فعلا موديل تحفة ويارب ينولك اللى في بالك وأكتر وأعتبر العربية عربيتك يا باشا.
أما العربية عاملة 120000 علشان صاحبها ساكن فى طرف القاهرة وشغال فى الطرف التاني خالص، بس الحقيقة العربية لما رحت كشفت عليها فى التوكيل لقيت كبس الموتور 225 / 230 / 220 / 230 على 230 بالترتيب والمهندس قاللي الموتور كده حالته 100/100 والحمد لله والحقيقي ان صاحب العربية كان مهتم بيها، وليها ملف في التوكيل بس مش دايماً بيعمل حاجاته فى التوكيل ساعات كان بيعمل صيانة ليها في مركز اسمه أوتو ماستر وهو مديني ملف العربية من الزيرو لغاية دلوقتي. وقاللي ان الزيت عايز يتغير بعد 3000 كيلو ومعاه غير البوجيهات وفلتر هواء التكييف.

ومش عارف أعمل الحاجات دي دلوقتي والا استنى فعلا بعد 3000 كيلو؟
بخصوص النور الكبير الفانوس الشمال لمبته مش شغالة وكمان لمبة واحدة بتاعة النمرة اللى ورا مش شغالة. لازم يتغيروا فى التوكيل والا ممكن أي كهربائي.
وبجد بشكركم جداً جداً جداً وفي انتظار رد الأستاذ/ خالد أيمن وبيدو بخصوص شاشة الكمبيوتر وكتر ألف خيركم