هو ممكن الحركة دي تنفع؟!

**Ashraf_Ibrahim** · 06-06-2011 02:02 AM

احنا طبعا عارفين ان القانون بيمنع الفاميه !
ولكن فيه عربيات بتنزل بفاميه اصلا وبيتثبت على الرخصة ودا مصرح بيه
ومحدش ينكر برده ان الفاميه ليه مميزات كتير
من حماية من الشمس وخصوصية وغيره طبعا
دلوقتي لو انا جبت عربية زيرو -طبعا مش انا خالص عشان لسة مخلصتش اللي معايا يعني- وقبل مارخصها روحت مفيمها على اساس يتم اثباته على الرخصة!
دا ممكن يحصل وتتثبت على الرخصة واللا يفقسوها ويقولولي لا دانت اللي عامله؟!
يعني بتناقش معاكم عشان لو ينفع انصح اصحابي اللي هيجيبوا عربيات بقا واعمل معاهم واجب

**modo88** · 06-06-2011 02:55 AM

المشاركة الأصلية كتبت بواسطة Ashraf_Ibrahim

احنا طبعا عارفين ان القانون بيمنع الفاميه !
ولكن فيه عربيات بتنزل بفاميه اصلا وبيتثبت على الرخصة ودا مصرح بيه
ومحدش ينكر برده ان الفاميه ليه مميزات كتير
من حماية من الشمس وخصوصية وغيره طبعا
دلوقتي لو انا جبت عربية زيرو -طبعا مش انا خالص عشان لسة مخلصتش اللي معايا يعني- وقبل مارخصها روحت مفيمها على اساس يتم اثباته على الرخصة!
دا ممكن يحصل وتتثبت على الرخصة واللا يفقسوها ويقولولي لا دانت اللي عامله؟!
يعني بتناقش معاكم عشان لو ينفع انصح اصحابي اللي هيجيبوا عربيات بقا واعمل معاهم واجب

نــــعــــم

ياباشا العربيات الجديده بيجي معاها افراج جمركي ومثبوت فيه الكلام دا مش مليطه يعني

**Bassem Taha** · 06-06-2011 03:06 AM

بصوا يا جماعة في حركة بتتعمل صاحبي قالي عليها و متهيألي بدأت تنتشر بس فيها رشوة وده اللي خلاني انساها تماما
بتشوف حد في المرور موظف يعني و تديلو فلوس وتخليه يكتبلك في ملف العربية ان زجاجها ملون وتروح بعدها بفتره تقول ان الرخصة ضاعت وتطلع واحدة تانية وطبعاً بيطلعوها من الملف الاصلي للعربية وطبعاً هيبقى مكتوب فيها زجاج ملون
وعيش يا معلم بس صاحبي قالي لو الموضوع ده اتكشف هتروح انت و الموظف في داهية

انا ليا رأي طبعاً الناس اللي بتحط الفامية علشان يحميهم من الشمس زي حالاتي يفضل ماشي بالفامية براحته و يحاول يهرب من الكماين علي قد ما يقدر ويوم ما يتقفش يحاول يكلم الظابط و يشيله و هو واقف بالذوق ويحاول يخلي الظابط ميدلوش غرامة ودي طبعاً في احسن الحالات ويبقى يرجع يحطه تاني
الناس هتقول بس ده مكلف
بس بالنسبه ليا لأ لان انا بعرف افيم العربية بنفسي وفيمتها مرتين قبل كده والخسارة بالنسبالي هي الـ 13 جنية حق رول الفامية
يعني حاجة بسيطة في مقابل الحماية من أشعة الشمس الجميلة ومبتاخدش اكتر من ساعة ونص .

**Ashraf_Ibrahim** · 06-06-2011 03:14 AM

الواحد قال ممكن يصيع على المرور يعني
بس طلعوا صايعين برده ومنعرفش نصيع عليهم

**Amr Axel** · 06-06-2011 06:14 AM

ههههه مكنش حد غلب يا ريس
اولا : العربية لما بتيجي من برة و اللي بيبقي ازازها ملون بيبقي مكتوب في الافراج انها ازاز ملون
بالاضافة حتي و انت بتعمل الرخصة و بيفحص و شاف انها ازاز ملون بيجرب برده عشان يتأكد اذا كان واحد مفييم و لا ازاز ملون فعلا
و بيجرب يكتب عليه او يقطعه كده يعني

مش بيغلبوا يا ريس ههههههههه

**lovely_love** · 06-06-2011 11:59 AM

بص يا باشا فى حاجة انا سمعتها قبل كدة ومش متاكد منها كان فى واحد فى السوق بيبيع عربية مش فاكرها اوى هى تقريبا دايهاتسو ميرا تقريبا وكانت متفيمة ومثبوت على الرخصة ولما سالته قالى ان هو اشتراها زيرو وفيم وراح يرخص وجاب للمهندس الى هناك كتالوج العربية وفى عربيات شبهها ومتفيمة وقالوا انوا فامية الفبريكة والمهندس ثبتهولوا على الرخصة

الكلام دا انا سمعته وشوفت الرخصة الى مثبوت فيها الفامية بس بردوا مش متاكد من الموضوع ومنصحكش بيه