للناس المتفائله تفتكروا ان انتخابات مجلس الشعب هاتعدي علي خير

**aminibrahim** · 06-06-2011 03:33 PM

تفتكروا هاتعدي اصل الحكومه الحاليه حكومه تعبانه وكل ماواحد يتكلم يقول يا جماعه كله هايبقي تمام

بعد انتخابات مجلس الشعب وهايبقي في قرارات وغيره

خلوا بلكوا يا جماعه ان الاعلام بيشن خمله ع الاخوان ونص مجلس الشعي بقي اخوان ها يبقي في مظاهرات

تاني ومش ها نخلصوها نخش في نفق مظلم

خلوا بالكوا يا جماعه ان في نا س مش فارقه معاها لانه شغال وبيقبض لكن احنا شغلنا مرتبط بحاة البلد لان

انا اكتشفت ان في ناس كتير مش فارقه معاها لكن احنا من25 يناير الي الان مش شغالين

**madyyuri** · 06-06-2011 04:51 PM

المشاركة الأصلية كتبت بواسطة aminibrahim

لان انا اكتشفت ان في ناس كتير مش فارقه معاها لكن احنا من25 يناير الي الان مش شغالين

من أنتم؟؟؟

**تامر.محمد** · 06-06-2011 05:03 PM

انا فيه حاجة ملاحظها شفتها في اكتر من وقعة
مأمور طوخ لما جر الست برا المكروباص اللي ضربوا ولادها كانوا بلطجية تبع المأمور
مأمور الأزبكية اظن انه قال الاهالي اللي قتلوا سواق المكروباص , بصراحة انا لو شفت مأمور قسم و سواق مكروباص بيتخانقوا ولا هاسأل , مش هاقتل السواق يعني , فأظن و الله اعلم ان اللي قتلوه دول بلطجية تبع المأمور برده
واقعة مؤخرا في دايرة الشرابية الشاهد فيها قال ان الناس اللي في الاسم ادوا له اسم بلطجي يستعين بيه

الواضح ان كل مأمور قسم فاسد لم حواليه بلطجية المنطقة و عمل عصابة
و طبعا كل عصابة من دول اكيد هاتتدخل في الانتخابات لصالح فلان اللي مظبط مع المأمور فلان

الله اعلم انا صح ولا غلط
بس ما اتمناش كده

**AmAhmed** · 06-06-2011 05:15 PM

معنديش تصور كامل لعملية الانتخابات لكن اعتقد و الله اعلم انها حتاخد اكتر من الوقت المقرر لها الضعف و ثلاثة اضعاف و ممكن توصل لمنتصف العام القادم ان شاء الله و الاخوان حيكونوا جزء كبير من المجلس

و نتيجة استخدام خليط من القايمة النسبية و النظام الفردي حيكون هناك تمثيل اكبر لتيارات كتير في المجلس و ده شئ لطيف لتكوين المجلس لكنه مش لطيف في تشكيل الحكومة

و ده معناه حكومة ائتلافية و حلني بقي عقبال ما الناس تتفق و انتوا تاخدوا وزارة كذا و احنا عايزين وزارة كذا و دوخيني يا لمونة
و بعدين بعد طويل المشاورات تتكون الحكومة و مع اول مشكلة تنسحب مجموعة من الحكومة و تتفشكل الحكومة علي غرار ما يحدث الان في لبنان و انسحاب نصر الله و حلفائه و كذلك ما كان يحدث قبل ثورة 52 و فلان باشا شكل الوزارة و الوزارة ما تقعدش عدة شهور و تتفشكل

و للاسف ده حيخلي الحكومات لمجرد تسير الاعمال و الروتينيات و مفيش خطط طويلة المدي و لا قرارات مصيرية

او نرتاح من الهم ده و نبقي زي امريكا الريس بيجي بالسكرتارية بتاعته اللي احنا هنا بنسميهم وزراء و تتعرض الاسماء علي مجلس الشعب لو مفيش تحفظات يبقوا وزراء و طالما ماشيين كويس يبقي كل شئ تمام و لو تغير الرئيس بيجي معاه طقم جديد و هكذا

و ده حيتحدد من الدستور الجديد و الناس اللي حتعمله و اي اتجاه يفضلون
و لو في حاجة غلط دستوريا او قانونيا ارجو توضيحها ليا