الموضوع: عندى مشكله مش عارف احلها - لو ممكن حد يتكرم ويفدنى

خد راختك يا باشا
و جرب و قلنا وصلت لايه

المشاركة الأصلية كتبت بواسطة sheriefyehia

موصلناش اى حاجه بالكاسيت - وصلنا كابل 5 ملى على البطاريه مباشر - يعنى دلوقتى بقا عندنا كابلين من البطارية للجى ام - كابل منهم على مفتاح - بس فى ملحوظه : ان كابل منهم 3 ملى والتانى اللى هو الجديد 5 ملى - مش عارف كده ينفع ولا ايه

وصلنا كابل 5 ملى ارضى - اللى لاحظناه ان صوت الدبه ظهر اكتر من الأول بشويه بس انا حاسس ان لسه فى اكتر من كده بكتير - تفتكر ايه اللى ممكن نعمله تانى
فى ملحوظه تانيه عايز اقولك عليها : كابل الأر سى ماشى جمبه كابلين كهرباء (كانو بتوع الجى ام الكينوود الأولانى) ماشى فيهم كهرباء برضه من البطاريه بس فى اخرهم شريط لحام يعنى مش واصلين بحاجه - انا عارف انه غلط بس هل ده يقلل الدبه
رد عليا بقا فى كل نقطه وقولى ايه اللى ممكن نعمله تانى عشان نحسن الأداء لأن اللى انت بتقوله انا بروح اعمله تانى يوم وبيطلع فيه الشفا - ربنا يكرمك


بص يا زعيم اول حاجه
شيل الكابل ال 3 مللى و المفتاح لان ملهمش لزمه
و مد سلك 1 مللى من الكاسيت للجى ام
اللى هو وصله الريموت عشان الجى ام يشتغل و يطفع مع الكاسيت
لان كده غالبا الجى ام شغال على الفاضى
ولا هو بيطفى لما بتبطل العربيه ؟ ( معتقدش بصراحه انه طفى )
هو الجى ام فيه مكان للسلك ده بين مكان الكهربا و الارضى
هتلاقى مكتوب REM غالبا اللى هى ريموت يعنى
و نفس الكلام فى الكاسيت فى سلك هتلاقى كده لون لوحده
ازرق او اخضر غالبا على حسب و ممكن يكون لون تانى
بس هو هايبقى فرده لوحده ملهاش فرده تانيه
و بس كده

بالنسبه للRCA
و اسلاك الكهربا هو الصح ان اسلاك الكهربا تتمد من الشمال
و وصله ال RCA
من اليمين عشان مفيش اى مجال كهربى ياثر عليها و يعمل زنه او الكلام ده
بس عادى ساعات كله بيمشى مع كله و بيطلع مفيش حاجه

و السماعات انت موصلها على كده ؟!

ممكن برضو تشوف بكره فى الجى ام
مكتوب عليها level
جرب عليها كده بس مش على الاخر خالص

و الحمدلله ان فى تحسن :)
بس لو على كلامك انه كان شغال على الكينوود احسن
و بعد ما تجرب الكلام ده و مفيش نتيجه زى الاول
يبقى الجى ام ضعيف مع الصب
و مش مطلع الباور اللى الكينوود كان مطلعه
ف بالتالى البييز هايبقى اضعف



وبعدين سيبك من كل ده بقا - انا اللى مدايقنى اننا متعرفناش على بعض لسه وداخلين سخنين قوى على شغلانة الصوت دى
انا هبدألك
انا شريف يحيى 31 سنة - - مهندس كهرباء فى مكتب استشارات هندسية قسم تيار خيف ( كاميرات مراقبه وشبكات انزار حريق واطفاء اوتوماتك وشبكات تليفونات وشبكات دش مركزى وانتركم وانظمة التحكم فى الابواب ) ده باختصار طبعا
ومتزوج وعندى بنت وقاعد فى الهرم
مستنيك يا جميل

يا باشا مفيش مضايقه ولا حاجه :)
انا اتشرفت بمعرفتك طبعا :)
انا بقى اخوك الصغير محمد 23 سنه
خريج حقوق عين شمس
و اسه مش مستقر على شغلانه
شويه دعايه و اعلان شويه محاماه شويه فى التجاره
كده يعنى لسه بشق الطريق
طبعا عازب و مفيش اولاد
و من مصر الجديده
و انا اتشرفت بمعرفتك طبعا :)

المشاركة الأصلية كتبت بواسطة sheriefyehia

انا بفصله من مفتاح الراجل عامله وعامتا هنفذ اللى انت قولت عليه
موضوع المفتاح ده ملوش لزمه
كده كده ات عندك الاوبشن ده اوتوماتيك فى الكاسيت
هو عامله مانوال ليه مش فاهم
افتكاسات الصنايعيه المصريه
عموما ده احسنلك بدل ما تنسى المفتاح ف مره ولا حاجه و تنزل تلاقيه شفط البطاريه

همشى كل واحد فناحيه عشان ابقى ماشى رسمى

تمام بس ده ملوش علاقه بالبييز برضو عشان نبقى واضحين
عندى اربعه - اتنين موصلهم على الكاسيت واتنين فاصلهم مؤقتا لحد ما اسمع واظبط الجى ام
تمام و لو حبيت توصلهم وصلهم على الكاسيت برضو
و سيب الجى ام للصب بس
عارفها وهجرب اعليها لما انقل السلوك
تمام كده جرب و قولى

وبالتالى هنتحر
هههههههههههه
ليه بس
طب انت بعت الكينوود ليه ؟!



يا باشا الف شكر على مجهودك معايا
والف مليون فرصه سعيده
ولو عزت شغل فى مجال معين قولى بس انت ارسى الأول ناوى على ايه عشان الرجوع او تغيير المجال بعد فتره بيبقا مقرف جدا ولازم يكون بخساير
ولو عايز عروسه برضه قولى :)))
يا حبى ربنا يخليك تسلم والله :)))
انا لسه بقلب كده فى الدنيا عقبال ما استقر على حاجه
اصلى بتخنق من الروتين فى الحاجه الواحده
و مفيش حد بيتعلم ببلاش :)
خلاص بقى احنا نظبط موضوع العروسه ده من دلوقتى اهو حتى اكون كونت نفسى هههههه

المشاركة الأصلية كتبت بواسطة pepsi007

و الله الراجل ده بيتكلم كلام ١٠٠ ١٠٠

تسلم يا كبيييييير :))

المشاركة الأصلية كتبت بواسطة beetlemosh

اهلا بيك معانا فى المنتدى
و ان شاء الله تكون مبسوط وسطينا :)

بالنسبه للموضوع اللى عندك ده بقى

اولا انت هاتشيل المفتاح الواحد شده ده
لانه ملوش اى لزمه ( معرفش اللى ركبهولك ده ركبو ليه اصلا )

الكاسيت كده كده فيه وصله اسمها ريموت
دى بيتتوصل من الكاسيت للجى ام عشان الجى ام يقفل و يفتح
مع فتح و قفل الكاسيت

الاسلاك ال 2 مللى مش وحشه
بس لو عرفت تغيرها ل 4 مللى يبقى كويس اوى

بالنسبه لتوصيل السماعات و الصب
ف الافضل
انك تخلى السماعتين الاتنين على الكاسيت
و الصب على الجى ام

عشان الجى ام مش هاينفع تشغل عليه السماعتين و الصب
لانه 2 تشانل
ف يشغل يا صب
يا سماعتين

و الصب هاتوصله كالاتى
هتاخد موجب الصب فى موجب من تشانل
و سالب الصب فى السالب بتاع التشانل التانيه
و غالبا فى السيمفونى
بيبقى اول و اخر واحد
الاولى هاتبقى موجب و الاخيره سالب ( كده كده مكتوب عليهم )
بس هما اول و اخر واحده

بالنسبه لتظبيط الجى ام بقى
او حاجه فى زرار فيه 3 اختيارات فى الجى ام
و هما
lpf-full-hpf
انت ف حالتك دى هاتختار lpf
و دى بطلع ااره البيييز بس
و ده اللى احنا عايزينه من الصب ووفر

والزرار ده جمبه بكره مكتوب عليها برضه lpf
هاتظبطها لحد ما تحس ان البييز بقى كويس على العالى و الواطى

تانى حاجه هاتفتح زرار اسمو
bass boost
و ده هاتعملو on

و اخر حاجه فى بكره مكتوب عليها level
و دى زى التحكم كده فى باور الجى ام
هاتعليها لحد ال 3/4 كده مثلا
و لو حسيت الصب بيهرتل شويه
ابقى وطيها سنه كمان

و جرب كده و قلنا ايه الاخبار

+11111111111