شكر خاص لاتو ايجبت مدينة نصر

**FBIAhmed** · 06-06-2011 09:41 PM

اشكر بجد بجد كل الناس الي في اوتو ايجبت مدينة نصر لانهم سهلولي حاجات كتير جدا و استحملوا قلقي لاني من النوع القلوق بالذات في مواضيع العربيات دي لاني خارج من سكودا فليشيا و عشان فضلو معايا لغايه ما تحدد ميعاد استلام العربيه يوم الاربع الجاي و اخص بالشكر

الاستاذ المحترم / محمد عادل لانه كان بينصحني و بيرد عليا كاخ مش كعميل في كل ما يخص القسط و العربيه و التامين و هدايا نيسان فاينانس

الاستاذ المحترم / مارك مندوب بنك bnp الي بجد تعب معايا لدرجة انه جالي على القهوه بليل عشان نفتح حساب بسرعه و مش عارف اشكره ازاي و مرضيش حتى يشرب حاجه

بجد مجموعة عمل تفخر بيها اي شركه مش نيسان اوتو ايجبت و بس

و طبعا مننساش توصيه الاخ المحترم / احمد مصطفى الى كلمهم مخصوص عشان يوصوي عليا في اوتو ايجبت

**FBIAhmed** · 06-06-2011 10:51 PM

بجد شكرا

**Ahmed.TV** · 06-06-2011 11:04 PM

ان شاء الله تستلم على خير

محمد عادل انسان محترم جدا و ابن بلد , واخ , وكل الناس اللى هناك عندها مصدقية فى التعامل مع العملاء ومحترمين جدا

وبخصوصى انا معلمتش غير الواجب , وبعاتبك على الكلام ده , لان كلنا فى قسم نيسان بنساعد لوجه الله وكلنا مش محتاجين لاى شكر ,غير لوجدكم معانا وتفاعلكم فى الموضوعات والاطمئنان عليكم فى الحياة

وطالما بايدى اساعد , فمش حتاخر عليك ابدا , خصوصا انى لقيتك متردد وقلقان شوية

والواحد مر بكل التجارب دى وكنت حاسس بيك , فعشان كدا كان لازم اقدم مساعدة , من غير ما تكلمنى حتى

والحمد لله انك حتستلم على خير

وبالتوفيق ان شاء الله

تحياتى

**Ahmed.TV** · 06-06-2011 11:10 PM

المشاركة الأصلية كتبت بواسطة mohamednagib

عاوز اقولك كلمة واحدة ....

داالعادي من اوتو ايجيبت ... و دا اقل من العادي من أحمد مصطفى عمدة النيسان

تسلم يا محمد على شعورك الطيب ده , وكلنا ايد واحدة , وانت من الناس المحترمة جدا , اللى الواحد بيكون سعيد بالاطمئنان عليها دايما , وبوجودك معانا على طول , ومساعدتك للاعضاء , وعمرك ما بتقصر او بتبخل على اى عضو بالرائ ,
فعلا انت من الناس الاكتف اللى الواحد ميقدرش يستغنى عن وجودها ابدا , وبقيت صقر اساسى من صقور نيسان , اللى مش بيكتفى بالمشاهدة

تحياتى ليك

**FBIAhmed** · 06-06-2011 11:16 PM

لا يقال كلام بعد ده

**ahmzd** · 12-06-2011 11:49 PM

فين أوتو إيجيبت يا جماعة؟ وهل هو أفضل مكان لشراء النيسان؟ وهل ممكن إجراء اختبار قيادة قبل الشراء؟ وسؤال أخير: هل فتيس التيدا cvt أم ماذا ( لأن فتيس البومة متكنش بيحسسني بالنقلات فهل فتيس التيدا زيه وللا أحسن ) .. وشكرا