الموضوع: ايه السبب فى الموضع الغريب ده

المشاركة الأصلية كتبت بواسطة mely

بالفعل خرط الطنابير سليم وغير مضر فى حالة خراطتهم صح بمعنى انا عندى فى طنطا مخرطه مخصوص للطنابير بس بتخرط الطنبوره من الجانبين ومن جوه الثلاثه فى وقت واحد فابالتالى الخرط على كافة الاتجاهات متساوى

اما بالنسبه للمعالجه الحراريه لاتصل الطنبوره فى الخرط الى درجة الحراره فى دوسة جامده ابدا

يا سلام اخيرا لقيت واحد بس مصدقني ،، دنا صوتي اتنبح حلفانات للعالم و الناس و لكن تقول ايه بس في شعبنا المصري
انا طول عمري اقول علينا شعب (نمطي جداً) ما بنحبش نعرف العالم الاول اللي صنعلنان السيارات بيتعامل مع صناعته دي ازاي ،، بس بنحب نمشي كلنا على نفس النمط حتى لو كان النمط ده بعيدًا عن الصحيح ، بنحب نأكد لنفسنا بس ان احنا اساس العلم و المعلومات و للأسف ده مش صحيح اطلاقاً

على العموم كلامك صحيح 100% الديسكات بتتخرط على مخارط خاصة بالديسكات فقط و من الجانبين وفي وقت واحد .
انا معرفش ايه هو الاجهاد الحراري ... معرفش المصطلح ده مين اللي صنعه او اخترعه و معرفش بيحصل ليه لو اساسا هو مصطلح صحيح .

المشاركة الأصلية كتبت بواسطة ahmedezzat78

صحيح الطنابير بتتخرط بس المهم أعرف امتى أخد قرار الخراطه من عدمه

الموضوع ببساطه ان لو الطنابير حصلها اجهاد نتيجه الحمل الحرارى المتكرر بتقفع و ده بيبان على صوره رعشه لما ندوس فرامل و ممكن جدا تبان معانا الرعشه دى فى دواسه الفرامل و فى الحاله دى القرار الصحيح هو التغير و ليس الخراطه لآن المعدن مجهد فالخراطه هتكون مجرد تسويه مؤقته لسطح المعدن و هيقفع تانى بعد التعرض لشويه اجهاد حرارى جديد

وأدى تعريف الاجهاد


اما لو الطنابير فيها شويه ريجه بدون رعشه مع الفرمله فده ممكن يكون نتيجه أوساخ أو سوء صناعه فى التيل ......... فى الحاله دى الخراطه مفيده لتسويه السطح قبل تركيب تيل جديد

طريقه الخراطه التقليديه (كل جانب على حده)

طريقه الخراطه التقليديه (كل جانب على حده)


]الخراطه على الجابين فى نفس الوقت على مخرطه خارجيه
الخراطه على الجابين فى نفس الوقت على مخرطه خارجيه


الخراطه على الجانبين و الطنابير راكبه فى العربيه
الخراطه على الجانبين و الطنابير راكبه فى العربيه

حضرتك بتقول (اما لو الطنابير فيها شويه رجه بدون رعشه مع الفرمله ) و الفرق ده هنعرفه منين لما اجي ادوس فرامل يعني الرعشة هتبقا عاملة ازاي و الرجه هتبقا عاملة ازاي ؟؟؟

ما الاتنين بيدوا نفس ردة الفعل عن طريق دواسة الفرامل و الدريكسيون


انت عارف المصطلع المتداول هنا اللي اسمه اجهاد حراري ده لو موجود فعلاً هيبقا معناه ايه ؟؟؟؟
معناه ان العربية لو موديل السنة المفروض بعد 5 شهور من استخدامها الطنابير تتغير لان هيبقا زي ما انتوا بتقولوا اجهدت حرارايا و مابقتش تنفع ولازم تتغير .
هو انا لازم استخدم العربية 10 سنين و بعد كدا الطنابير يظهر فيها رجه او رعشة اقوم اقول لا ده (عالى وواطي) نتيجة من الاجهاد الحراري من الاستخدام
سؤال : هو الاجهاد الحراري ليه مده و بيظهر ؟؟؟ ولا اي خلل في الديسكات يبقا اجهاد حراري ؟؟؟؟
انا كده بعرض نفسي للموت بعد 3 شهور فقط من شرائي سيارة موديل السنة و ليش 6 شهور علشان خاطر في مصطلح اسمه (اجهاد حراري) اللي هو الله اعلم ده حصل ازاي اساسا ظهر فجأه امتى !!!


لو حد يا جماعة عنده فيديو يوريني اختبار الديسكات للأجهاد الحراري يبقا جزاه الله خير

المشاركة الأصلية كتبت بواسطة tarek_2005

كل منا وله رائيه والرئي الاخر يحترم
انا قولت معاملات حرارية ولم اقل اجهاد حراري
1- الفرملة المفاجئة حرارتها مرة واحد اي زمنها قصير جداً اما الخراطة فتستغرق علي اقل تقدير مدة خمس دقائق
2 - المعاملة الحرارية هي عملية تسخين للمعدن لدرجة حرارة معينة ثم تبريده بطريقة معينة ووقت محسوب بدقة حتي يتمكن المعدن بعد ذلك من مقاومة ارتفاع وانخفاض الحرارة اثناء استعماله طبقاً لما صمم له
ولكل منا وجهة نظره
واسئلئك سؤال بعد خرط الطنابير الخاصة بسيادتك استبدلتهم بعد كام كم او كام من الوقت

اجابة سؤالك : اولاً انا بمشي على اللي التوكيل بيقولي عليه ،، يقولي الديسكات محتاجه مخرطه بعملها يقولي هتغير بغير . هو اللي صانع العربية و هو ادرى من اي حد بصناعته .

بالنسبة للدايو اتعملت 3 مرات خلال 3 سنوات يعني بمعدل كل سنة مرة مع العلم انها موديل 2002 و اول مرة اتعملها خرط كان 2006 و ده بعد ما غيرت التيل كذا مرة
بالنسبة للكابريس اللي هي موديل 2008 تاني مرة اتعملها خرط الصيانة اللي فاتت يعني بمعدل كل سنة و نص اتعملها خرط و دي بقا 6 سلندر 3600 سي سي يعني بجري و فرامل الله ينور لو في معاملات حرارية او اجهاد حراري التوكيل ماغيرهمش ليه لغاية دلوقتي ؟؟؟؟.

انا هسئلك سؤال .. هو التوكيل لو كان عاوز يغيرهم مش كان هيقولي بردوا ولا التوكيل ما بيفهمش مع العلم ان كل الاعراض اللي تتخيلها رجرجه و رعشة و حدفة اثناء الضغط على دواسة الفرامل و بعد الخرط العربية بترجع تاني زي الفل .

بص حضرتك عندك حق لكل واحد راية و الرأي الاخر يحترم بس لازم يكون الرأي صح و براهين
انا رايي اني مش مقتنع بموضوع الاجهاد الحراري او المعاملات الحرارية على الاطلاق
بمنتهى البساطه هو ليه الموتور ما بيجهدش حراريا زي ما بتقولوا ؟؟؟؟ يعني لما تسافرلك مشوار اسكندرية 200 كليوا و دايس 170 لحد ما وصلت اسكندرية الموتور ماجرالوش حاجه ليه من شدة الحرارة و طول المشوار ؟؟؟
ما تقوليش اصل في دورة التبريد هقولك الديسكات بردوا فيها تبريد .
ارجو الاجابة و شكراً