الموضوع: للمرة الثانية ! حسبى الله ونعم الوكيل

المشاركة الأصلية كتبت بواسطة yoyome

صح فعيب عليك بقي !

اييييييييييييييييييييييه
مالكم سخنتو الموضوع كده
مشكلة السلفيين ان مالهمشى قياده موحده بس ليهم رغم ان ليهم (استايل) لبس واضح جداا
و ده الظبط اللى خلى الناس "تكش" منهم
لأن دلوقتى مثلا انا لو مسيحي و شوفت واحد ملتحى فى الشارع .. حعرف تلقائى انه سلفى
و حفتكر الكلام الاهبل "لو ماحرقناش كل كنيسه فى مصر مانبقاش رجاله" ... و اللى قال كده شيخ سلفى فى اثناء حرق كنيسه القديسين فى امبابه
-------------------------------------
(الراجل ده طلع شيخ بالفعل و بيدى محاضرات فى الجامع و بعض منها مصور زى ماظهر فى حلقة باسم شو.. علشان ماحدش يطلع و يقولى هو اى حد بدقن يقول اى هبل تحسبه على السلفيين )
و على الرغم من معارضه "الكثير" من السلفيين لكلامه من سلفيين عاديين او من كبار الدعاه
الا ان كلام الراجل ده و امثاله بيحسب على السلفيين و هو الذى يعلق بالذاكره و ننسى زياره الشيخ محمد حسان لحل الفتنه الطائفيه فى اطفيح
و ده بسبب عدم وجود قياده للسلفيين
على عكس الاخوان مثلا .. لو احد الاخوان طلع وقال اى كلام فارغ ..لايتم اعتباره ممثلا للاخوان و كلامه لايحسب عليهم لان الاخوان ليهم قيادات تتحدث عنها

فبالفعل ياريت الاخوه السلفيين يعزرو الناس فى الهجوم عليهم و فى نفس الوقت مايستميتوش اوى فى الدفاع عن نفسكم علشان ماتدوش الموضوع اكبر من حجمه .. لأن بالفعل فيكم ناس متطرفيين كتير - مش بقول كلكم لكن فيه نسبه مش قليله

و على الطرف الاخر ياريت مانعممشى الاتهامات لكل السلفيين لأنهم بالفعل غير موحيد فى الافكار و لا حتى التوجهات
على سبيل المثال ... لو شفت مثلا واحد شرقاوى و بخيل ... هل يعنى ذلك ان كل الشراقوه بخلاء ؟؟
فى كل فئه فيها الصالح و الطالح ... فبلاش نركز على الطالح فى السلفيين لأن الصالحيين منهم مندمجين فى الشعب و مافيش طريه يقدرو يبينو صلاحهم بيها

و ملحوظه تانيه : ياريت ماتعتبروش اى حد بيهاجم السلفيين انه بيهاجم الاسلام ...... السلفيين لا يمثلو الاسلام و يتهيألى احنا كلنا عاصرنا فتره ارهاب الجماعات الاسلاميه (السلفيه) و التى لاتمثل الاسلام في شئ
و مش معنى ان حد بيتريق على الدقن او الجلابيه يبقى بيتريق على الرسول (استغفر الله العظيم) - البابا شنوده نفسه عنده دقن و بيلبس جلابيه

تم حذف الفيديو لأنه يحرض على العنف فضلا عن تراجع صاحب الفيديو عما فيه لاحقا
مشرف القسم
5ب

المشاركة الأصلية كتبت بواسطة cyborg_ift

وفيه ناس كتير غير السلفيين متطرفين برضه وكل شئ فيه الحلو والوحش وحتى المسيحيين فيهم متطرفين ومنحكمش على ألف بالغلط علشان واحد سيء

واللي بيخلينا نقول ان السلفيين بيساعدو الناس البسطا من اللي بنشوفه من جشع التجار اللي واكلينهه والعه ولا هممهم اللي معوش ياكل حتى عيش حاف

ومدام ما نهاجمهم ناخد الحلو منهم ونسيب الوحش ولا هيا بيعه كلهه على بعضهه متلزمناش مدام بجلبيه ودقن

ياسيدى الفاضل
كل الفئات بتتاهجم من الناس
ده حتى الرسول "صلى الله عليه و سلم" و ربنا "سبحانه و تعالى" بيتهاجم من بعض المسلمين (استغفر الله العظيم- علشان ماتقولىش انى كفرت )
الغريب فى الموضوع بقى ان فئه السلفيين تحديدا هى اكثر الناس حساسيه فى التعامل مع الهجوم ده ... لدرجة ان بالفعل فى بعض المواقف مابيبقاش المقصود هجوم اصلا
زى موقف الكاركتير اللى احنا فيه ده ... حضرتك شوف العنوان اللى مختاره "للمره الثانيه ... حسبى الله و نعم الوكيل "
حضرتك محسبن فى العنوان نفسه .. و الموضوع مش مهين اصلا للسلفيين باى شكل ده بالعكس بينتقد نظرة المجتمع ليكم .. يعنى جاى فى صفكم
لكن اديك شوفت الحساسيه فى التعامل
خليتك تعمل موضوع و بعنوان قوى مع كم من التعليقات كأن اللى عامل الكركاتير ده كافر و بيهاجم الرسول و الاسلام كله
كل ده لأنك اتعاملت بحساسيه زيااااااااااااااده مع الموضوع
لو ماكنتشى الحساسيه دى موجوده نت حتدرك معنى الكركاتير ببساطه
و ماكنشى بقى للموضوع ده كله لازمه من الاخر

ماقصدشى مهاجمه شخصيه لكن شوف نتائج الحساسيه اللى عندك دى
1- نشرت موضوع على اساس خاطئ
2- صورت للبعض استمرار فساد الاعلام بعد الثوره .. مما ينشط وسواس استمرار الحكومه القديمه فى ثوب جديد
3- قدمت صوره سيئه عن السلفيين بعد مشاركه العضو الفاضل اللى وضح ان الكاركتير ده بيساندكم و ليس ضدكم .. و بالتبعيه قوه الالفاظ و العبارات اللى استخدمتها فى الدفاع ضد اطهادكم و محاولة تصوير ان السلفيين هم ممثلى الاسلام جابت نتيجه عكسيه على السلفيين كلهم
4- اكتساب عداوات جديده و ده بسبب الاراء الحاده البعض فى " هيافة" الموضوع كله .. و ردودك الحاده ايضا عليهم متجاهلا سبب حدة الاراء دى

على فكره انا لغاية دلوقتى مش عارف ان كنت مقتنع ان الكاركتير ينتقد نظرة المجتمع ليكم و لا لاء .. بس لو كنت اقتنعت بكده فالمفروض تحس ببعض الخجل بينك و بين نفسك بسبب الجدل القائم بين الاعضاء كان بدون اى لازمه و ليس له داعى

.......... منقول ............
الوطن
احالة بلاغ محامي الجماعات الاسلامية ضد كاريكاتير كمبورة للتحقيق
الثلاثاء 07 يونيو - 06:38

كتبت اسماء عبدالله :أحال النائب العام المستشار عبد المجيد محمود اليوم البلاغ الذي تقدم به محامى الجماعات الاسلامية ممدوح اسماعيل ضد مصطفى حسين رسام الكاركاتير المشهور ، وعدد من قيادات مؤسسة أخبار اليوم، إلى التحقيق الى نيابة وسط القاهرة، بتهمة الإساءة للرموز الإسلامية وسنة النبي محمد (صلى الله عليه وسلم) البلاغ الذي حمل رقم 8097 لسنة 2011 عرائض، للتحقيق في رسم الكاريكاتير الذي نشره الرسام مصطفى حسين في عدد السبت الماضي بجريدة أخبار اليوم، والذي يظهر فيه شخص ملتح ورجلين آخرين وراقصة، يسخرون بشكل واضح من اللحية والنقاب والجلابية وزبيبة الصلاة.وقد قام اليوم المحامين بوقفة احتاجية امام مكتب النائب العام بعد تقديم البلاغ كما تضامن معهم 15محاميًا، بينهم محاميات وأعضاء نقابة ومحامون من غير الإسلاميين

........... منقول ..............

مطالب بحبس مصطفى حسين وأحمد رجب
المصدر: خالد محمد علي ـــ القاهرة التاريخ: 07 يونيو 2011

مصطفى حسين. أرشيفية
أثار كاريكاتير للفنان مصطفى حسين والكاتب الصحافي أحمد رجب في جريدة «الأخبار» السبت الماضي، استياء واسعا بين صفوف التيار الاسلامي، ووصف بالكاريكاتير «المسيء» أسوة بالرسوم المسيئة للنبي محمد في الدنمارك.

وقال المحامي في الجماعة السلفية علي سيد، انه وعدداً من المحامين سيتقدمون ببلاغات جماعية للنائب العام لمحاكمة حسين ورجب عن الاساءة للاسلام، ومعاقبة جريدة «أخبار اليوم» التي نشرت الكاريكاتير.

وقال علي لـ«الإمارات اليوم»، اننا نطالب بشطب حسين ورجب من نقابة الصحافيين ووقف جريدة «أخبار اليوم» بشكل دائم او جزئي، مشيراً الى انه لن يسمح في مصر بتبرير جرائم الصور المسيئة في الدنمارك.

وكان عدد من شباب حزب مصر الثوري (تحت التأسيس)، قد تقدموا ببلاغ للنائب العام المصري المستشار عبدالمجيد محمود، اتهموا فيه رجب وحسين بالإساءة للدين الإسلامى، على حد وصف البلاغ.

وجاء في البلاغ، الذي حمل رقم 8097 لسنة ،2011 أن رجب وحسين، قاما بنشر رسوم مسيئة للدين الإسلامي، تمثل ازدراء للدين الإسلامي، والسخرية من «السلفيين»، وتحريض الرأي العام ضدهم، بالإضافة إلى التعدي على الحياة الشخصية، بالنسبة لفئة من نساء المسلمين ممن يرتدين النقاب.

وأشار البلاغ إلى أن الرسوم احتوت على صورة امرأة شبه عارية مع رجل سكران، وخلفهما صورة لمن يشار إليه بالسلفية في الكاريكاتير.

وقال الناشط السلفي مجدي كرم، انه سيقوم بقيادة حملة على «فيس بوك» ضد رجب وحسين لاستهانتهم بالمسلمين، وقال «لن ننسى عندما رسم الرجلان كاريكاتيراً صور المصريين يطلقون نباحاً وقد ملئت الصورة بكلمات هو هو»، في اساءة بالغة للشعب المصري.

وقال لا يمكن ان تكون حرية الصحافة والابداع هي السماح بالسخرية من الدين وتشبيه «اللحية» بـ«الدقن المنفوشة ولا غزل البنات؟».

وأضاف أن ما فعله رجب وحسين، أسوأ من الرسوم المسيئة للرسول للرسام الدنماركي، لأنه في دولة مسلمة، مطالبا بتحرك شعبي لمواجهة الاساءة وتحرك القضاء لاتخاذ اجراءات قانونية سريعة في مواجهة الاثنين والجريدة التي يعملان بها.

من جهته، قال حسين: «من حق أي شخص أن (يفهمني غلط)، والحقيقة أن الكاريكاتير لشخصية انتهازية اسمها كمبورة، وهو في هذا اليوم يحاول انتهاز انتشار الفكر السلفي لتحقيق منافع شخصية، وبالتالي أنا أتهكم على انتهازيته وليس على السلفيين، فـكمبورة دائما ما يكون مع الموجة الرائجة ويحاول أن يتلون بلونها، والكاريكاتير يعبر عن رغبة كمبورة فى ركوب هذه الموجة.

واعتبر فنان الكاريكاتير محمدالعربي، ان تهديد الفن بالقضاء هو عودة لمحاكم التفتيش واجهاض للابداع على الرغم من عدم توافقه مع رسم حسين، وقال العربي لـ«الإمارات اليوم»، «لايمكن ابداً السماح بعودة قضايا الحسبة التي أسقطتها المحكمة الدستورية العليا ويجب ان يواجه الفكر بالفكر ويترك حرية الابداع رهينة افراد لا يؤمنون به».

وتعرض موقع جريدة «أخبار اليوم» أول من أمس لقرصنة الكترونية حجبته عن الظهور، وقال الصحافي في الجريدة حسن عزت ان جماعات سلفية هاجمت بكثافة الموقع وذلك رداً على رسم الكاريكاتير الذي اعتبر من وجهة نظرهم يسيء للإسلام والسلفيين.

وحمل الكاريكاتير صورة جدارية لأحد السلفيين عابس الوجه، وطويل اللحية، وعبارات ضاحكة على لسان الشخصية الكاريكاتيرية «كمبورة» وهو يخاطب جليسه «زيزو»، بصحبة فتاة شبه عارية، قائلاً «نفسي يازيزو ابقى سلفي النلفي كونلفي، واديها دقن منفوشة ولا غزل البنات، مع جلابية بيضة بيضة وانا اعمل ايه، والواد خميس السباك يديني بنطة لحام، ويبقى عندي زبيبة التكوى اللي هي، ويا شبشب زنوبة العورة. وحبيبي وقمري وسهري القشطة دي تلبس النكاب. وبكدة ابقى انا والجميل طقم مدهب ونكفر اللي يعجبنا.