كورولا 1300 واللا ممكن حاجة تانية؟

**amrrashed** · 06-06-2007 10:15 AM

1) كرولا 1300
2) لانسر 1300 لو عاوز توفر وتاخد نفس المميزات تقريبا

وربنا يوفقك

**حلواني** · 07-06-2007 10:57 AM

جزاكم الله كل خير .

يعني من الواضح ان الكورولا 1300 مش ح تكون كويسة لو اوتوماتيك .. اذن المفروض تكون 1600 .

التكلفة كده ح تزيد قوي . فيبقى تاني اختيار ليا لانسر 1600 . بس هل الاوتوماتيك ح تكون بلاعة بنزين واللا برضو معقولة؟
من ناحية تانية التويوتا شكلها ح يتغير بس هيه نازلة امتى بالشكل الجديد؟ واللا ما حدش بيعرف المواعيد دي؟

**أبو عبدالله** · 07-06-2007 11:06 AM

شهر تمانيه وعليك خير بس سعرها هيبقى عالي هيا وكل العربيات الجديده لأنهم نازلين بأوبشن اعلى شويه
فلو موضوع السعر هيفرق معاك يبقى احسنلك هات دلوقتي وخلاص

وطبعا كل كلامك مطابق مع الكورولا

**إسلام شاهين** · 07-06-2007 11:54 AM

أنصحك بالانسر 1300 عربية ممتزاة وموفرة وكفاية إنها ياباني وموضوع الشكل ده أنا مش شايف إنه مشكلة الشكل الموجود دلوقتي جميل جدا وبالتوفيق إن شاء الله

**limo** · 07-06-2007 12:06 PM

المشاركة الأصلية كتبت بواسطة أبو عبدالله

شهر تمانيه وعليك خير بس سعرها هيبقى عالي هيا وكل العربيات الجديده لأنهم نازلين بأوبشن اعلى شويه
فلو موضوع السعر هيفرق معاك يبقى احسنلك هات دلوقتي وخلاص

وطبعا كل كلامك مطابق مع الكورولا

طب لما ينزل الشكل الجديد الشكل الحالى هيفضل موجود بجوار الشكل الجديد زى الانسر كده ؟
معاش سؤال كمان ايه الابشنز الزياده الى هتنزل مع الكورلا ؟
انا مره روحت التوكيل الى فى العباسيه وسألتهم عن الشكل الجديد قالوا انه نازل على شهر 9 او 10 2007 وهتغير كليا من الامام والخلف والمتور هوه هوه ومش هتنزل باور كهربائى والوبشن هيه هيه بس احتمال ينزل فيها حساسات باركنج من الامام والخلف , مش عارف كلامهم صح ولا بقولوا كده علشان اخذ موديل 2007

**Abdallah** · 07-06-2007 12:50 PM

لانسر 1600 لو فى القيادة العادية بتعمل من 230 الى 270 لتر فى الصفيحة
عايز اقول ان الناس فاهمة موضوع البنزين دة غلط ساعة لما حد يسمع 1600 يقولك دى اكيد بلاعة بنزين...
لا طبعا 1600 انجكشن استهلاكها اقل من ال 1300 كاربراتير وخد بالك 1600 هتفرق معاك كتير جدا يعنى لو ركبت 5 جوة العربية وشغلت التكييف ومسافر وعربيتك 1600 مش هتحس بفرق انما لو عربيتك 1300 هتحس بفرق جامد شوية ودة شىء طبيعى..
وجهة نظرى لانسر 1600 مانوال ورغم انى مالك سابق للتويوتا فانا لا اعترف بالموديلات الجديدة بتاعتها, يا راجل دنا بركن بأيدى على عربية صاحبى الرفرف انبعج تحت ايدى .

**حلواني** · 07-06-2007 02:31 PM

اشكرك يا اخ عبدالله . و عندي سؤال اضافي: طب ايه الفرق بين اللانسر مانيوال و اوتوماتيك؟ يعني ليه انت بترشح المانيوال؟

**Ahmed Hassan** · 07-06-2007 09:29 PM

احنا بنتكلم عن المانيوال علشان السعر يكون قريب من الكورولا اوتوماتيك 1300. لو معاك فلوس اللانسر الـ1600 اوتوماتيك هاتها, بس لاحظ ان استهلاك الاوتوماتيك عموما اعلى من المانيوال و في النهايه طريقه سواقتك هيا الحكم.