كورولا 1300 واللا ممكن حاجة تانية؟

**حلواني** · 05-06-2007 07:58 PM

دلوقتي ان شاء الله ح يكون معايا حوالي 90 100 الف كده . عايز عربية فيها المواصفات دي:
- ناعمة جدا (شرط مهم)
- كراسيها مريحة (شرط مهم)
- واسعة من جوة (عشان العائلة) (شرط مهم)
- سحبها حلو (مش شرط يكون جامد قوي بس يكون كويس)
- مالهاش صوت (شرط مهم)
- اقل استهلاك بنزين (شرط مهم)
- ABS (و لو فيه مثبت سرعة كمان يبقى كويس)

فأنا ميال جدا لكورولا 1300 لانها مع واحد صاحبي و ما شاء الله تقريبا فيها كل المميزات دي . بس انا برضو باسأل هل فيه مقارنة مثلا بينها و بين اللانسر او الماتركيس من حيث اني لو وفرت شوية في السعر و كانت المواصفات قريبة يكون افضل! صحيح الياباني ياباني و الكوري كوري بس انتو جربتو مختلف الانواع و رأيكم يهمني . وبرضو ايه المزايا التانية سواء في الكورولا او غيرها .

شكرا مقدما .

**mohamed el hussien** · 05-06-2007 08:01 PM

ممتازة طبعا
وانا كنت حأقولك لانسر 1600 اتوماتيك بسعر الكورولا 1300
بس انت عايز توفير بنزين وال1600 الاتوماتيك مش موفرة بنزين
فخليك في ال1300

**hazem_khidr** · 05-06-2007 08:14 PM

لو دي متطلباتك بس هات الكورولا بس لو بدور علي ثبات و فراملها مش تمام اوي (موديلات 2001 و 2002 مش كويسه في الفرامل و 2003 و 2004 حلوه و 2005 و 2006 مش اد كده و 2007 مش عارف)
لو حابب عربيه ثابته هات الانسر و تمنها قال بشويه من كده ال 1300 بتاعها

**fahd_628** · 05-06-2007 08:40 PM

اختيار موفق يا باشا

متطلباتك دية يعنى كورولا او ياريس

و مش عارف لية انا بحس انو الياريس اوسع من الكورولا !!!

مش عارف احساسى صح ولا غلط

**bassam nagy** · 05-06-2007 09:13 PM

هيونداى الانترا وهاتوفر وفيها امكانيات حلوة ومتنساش ان الكورولا والانسر شكلهم اتغير وخالص نازلين مصر

**emadfk** · 05-06-2007 09:56 PM

من الاخر اللانسر 1600 هى طلبك اتوماتيك او مانيوال زى ما انت عايز
1- ثبات ليس له مثيل
2- نعومة فائقة
3- واسعااااااااااااااااااااا ااااااااااااااااا
4- رياضية
5- يابانى اصلى اصلى
6- كل الكماليات و اكثر

اخوك عماد

**mina_ramsis** · 05-06-2007 10:25 PM

طب خليك فى المانيوال اعتقد انه جبار فى التويوتا ال 1300 اما لو عاوز اوتوماتيك بيتهيألى ال 1600 يبقى فيها مالوش حل هى الصراحة غالية اوى بس عربية تمـــــــــــــــــــــــ ــــــــــــــــــــــام
انا الصراحة اعتقد ان الاوتوماتيك بيبقى وحش على اى عربية 1300
بالتوفيق ان شاء الله

**محمدايهاب** · 05-06-2007 10:33 PM

أنا معاك تويوتا كورولا أحسن حل و الموصفات إلي انت كاتبها مش موجودة و لا في الالنترا و لا اللانسر و لا الصني
فالكورولا أحسن حل

**M_ashraf** · 06-06-2007 02:32 AM

اعتقد لانسر 1300 زيرو هي الحل عربيه ممتازه وفيها كل طلباتك

**Ahmed Hassan** · 06-06-2007 03:26 AM

لو مش شرط تكون اوتوماتيك هات لانسر 1600 مانيوال بسعر الكورولا 1300 استهلاك البنزين اكتر طبعا من الـ 1300 بس فيه فرق شاسع لأنها مناسبه اكتر للسفر و الضغط على الموتور هيكون اقل. استهلاك البنزين هايكون جيد جدا لو سواقتك هاديه و مش بتشد على النقلات. ربنا يوفقك

الموضوع: كورولا 1300 واللا ممكن حاجة تانية؟

LinkBack

أدوات الموضوع

عرض

-

-

-

-

-

المواضيع المتشابهه

برجاء الافادة ينفع اسقط موتور كورولا 1300 انجكشن فى كورولا عيون

ضبط زوايا ولا حاجة تانية

هوندا سيفيك واللا مازدا 3 واللا فورد فوكس واللا اوكتافيا 2012

تويوتا كورولا 2012 ولا حاجة تانية

اللى يبيع ماتش .. يبيع اى حاجة تانية وده لو كان ف حاجة تانية اصلا .

الكلمات الدلالية لهذا الموضوع

المفضلات

المفضلات

ضوابط المشاركة