ممكن اسأل فى سؤال(مشكلة صديقة)

**azmeralda** · 07-06-2011 03:16 PM

المشاركة الأصلية كتبت بواسطة wael17

+111111111
الحمد لله انه خطيبها مش جوزها....يعني لسه في الامان!
الجواز مش لعبة...دي خطوة مهمة و الرجوع فيها صعب و بيترتب عليها خسائر كبيرة خصوصا لو في اطفال
انا ماليش اخوات بنات بس لو لي اخت مش هارضي تتجوز واحد بيعاملها كده...حتي لو هاتعنس!
لكن لو صاحبتك عايزة جوازة و خلاص و مستعدة تقبل واحد بالمنظر ده...يبقي بالشفا..(.بس قوليلها ما توجعش دماغك بالشكوي منه بعد الجواز

) اهو ده اللى مش ممكن ابدا : )

عارف المشكلة فين نظرة المجتمع والأحكام المسبقة يعنى اللى فسخت خطوبتها او كتب كتابها

بتبقى فى نظر الناس ازاى وصعب تتجوز قد ايه وعشان كده البنت بتضطر تاخد قرارات يمكن توقعها فى مصايب اكبر وتحملها القاب اخطر عشان تترحم من كلام الناس

طب عارف واحدة فسخت كتب كتابها ليه هى بنت محترمة جدا وبتلبس طرح كبيرة وكده وهو واخدها على كده لما كتبوا الكتاب بتلبس فى البيت جينز ونص كم وجيبات قصيرة وبشعرها عادى
هو بقى اصحابه بيتريقوا عليه ايه الشيخة اللى انت ماشى معاها دى واحنا بنفتكرها مامتك
بدأ يطلب منها ويصر انها تلبس طرحة صغيرة ومش لازم الجيبة تبقى طويلة قوى كده وحاجات عجيبة
والبنت دى فى نظر الناس ايه هيشكوا ايه اللى كان بيحصل فى كتب الكتاب بصفته جوزها دى اول حاجة هتيجى فى دماغهم
البنات بتخاف من كده وبتخاف تحمل اللقب اللى انت قلت عليه (عانس )

انا مع ان الرجل يلفت نظر مراته لو حاجة مضايقاه وهى تقدر تصلحها بس بطريقة شيك

يعنى مثلا واحدة جوزها كان شايف ان رجلها مشققة ومش عاجباه اشترى لها علبة كده فيها كريمات وادوات للعناية بالقدم ولفها لفة هدية خلاص الرسالة وصلت من غير قلة ادب واكيد هتستعمل الهدية عشان ميزعلش

**azmeralda** · 07-06-2011 03:19 PM

المشاركة الأصلية كتبت بواسطة wa7d

معلش انا مش فاهم حوار الشنب , ممكن توضحي اكتر ؟

انا محرجة اصلا وانا بحكى القصة على فكرة

تعريف الشنب: )الشعر اللى بيبقى فوق الفم وعند الستات بيبقى خفيف جدا شبه مش موجود ومش بيبان الا فى الشمس وكتير جدا بيزيلوه هو علق عليه انه باين

**Frozen_Pain** · 07-06-2011 03:20 PM

هو ممكن يكون بيتلكك علشان يسيبها؟

**azmeralda** · 07-06-2011 03:24 PM

المشاركة الأصلية كتبت بواسطة شريف

السلام عليكم

مش عارف ممكن اضيف ولا مش هعرف خصوصا ان انا لسه خارج من تجربه خطوبه منجحتش
اتفضل طبعا ايه المشكلة
بس ممكن اسأل كام سؤال
-هو سنه قد ايه و هي كمان؟هى 23 وهو معرفش اكبر منها بقد ايه بس اعتقد مش كتير
-الاحترام بينهم في الاساس بيبان من المواقف و لو هي دي بتستريح لما تحط رجل علي رجل يبقي مش معناة قلة اعتبار ليه - شكلة ضعيف الشخصيهبصراحة الحكاية دى غايظانى قوى طب انا بقى مش بستريح الا لما احط رجل على رجل واللى مش عاجبه ممكن امسكه من زمارة رقبته ان شاء الله واخليه يمشى من غير زمارة

-هو نفسه بيتكلم كلام لا يصح و بيهزر برخامة جدا و دي طريقه ممكن تنجح بين الاصدقاء بس في المواضيع دي لاء طبعا
-في حركات البنات بتعملها في الخطوبه من نوع التقل زي انها مترضش علي الموبايل مثلا بس هو عاكس هنا الوضع

اهم حاجه التفاهم - هما متفاهمين و لا كل واحد بيشيل في نفسه و ساكت - مادام كلمتك يبقي هي متضايقه و تلاقيها حكت جزء من الحقيقة كلهاالفكرة انها حكت موضوع الرجل على رجل ده وبتقول مش متضايقة عادى مع انها مرة نسيت وزق رجلها بالعافية

والموضوع التانى مضايقها بس قالت انها لازم تكبر دماغها
ياريت يعالجوا النقط دي مع بعض و يقعدوا مع بعض و يتكلموا
بجد بجد الكلام ممكن يوضح نقط بتبقي غايبه عن عينين الواحد

ربنا يكرمهم و يعرفوا ان العلاقه دي من اسمي العلاقات اللي الواحد هيعيشها و يمر بيها في حياته -

**azmeralda** · 07-06-2011 03:26 PM

المشاركة الأصلية كتبت بواسطة Frozen_Pain

هو ممكن يكون بيتلكك علشان يسيبها؟

لأ لأن الموضوع بقى له بتاع 3 سنين وكتب الكتاب مكنش من الأول لو كان عايز يسيب كان ساب

هى كمان اكتر حاجة قلقانى عليها انه مثل طول فترة الخطوبة واهو مقدرش يكمل بعد كتب الكتاب حتى يصبر لغاية الجواز

**azmeralda** · 07-06-2011 03:30 PM

المشاركة الأصلية كتبت بواسطة heshamzaky

موضوع انها تحط رجل على رجل دة عادى مفيهوش حاجة و مش معناة أنهل بتقلل أحترامها لة لانها مش حاطة رجلها فى وشة .
تحط رجل على رجل عادى و لو قالها لآ تناقشة و تقولة لية و ممكن ترد بصورة ظريفة بس كلامها يبقى محدد يعنى تهزر و تقولة مثلا عصر الجوارى أنتهى و بطل عقد . دول متجوزين حاليا مش مخطوبين مفيش فك لآن كتب الكتاب أتكتب خلاص هى الفكرة انها مخدتش موقف طول الفترة دى اكيد كان الوضع هيختلف ومفروض اول ما يبتدى يعمل كده توقفه علطول والا مش بيبقى له حدود بعد كده يقف عندها

ومفيش فك ليه مش احسن ما تتطلق باطفال بعد كده ؟
موضوع الشنب هية غلطانة شوية هى دى خلقى ربنا و مش ذنبها انها مشعرة بس تحاول تخلى بالها من الموضوع دة علشان شكلها يبقى حلو و ما يحسش أن فية حاجة مضايقاة منها .اذا كان علق بعد ما عملته بحاجة بسيطة معلش يعنى مش واخد باله اصلا يبقى ده اسمه ايه كمان هى بتقول انه مكانش باين لدرجة انه يعلق يعنى
بالنسبة لصديقتك الى بتحكى مشاكل و مأسى قومى بحركة مباغتة معها يعنى أفضلى أتكلمى معاها و ما تبطليش فى أى مواضيع حا تقفلى الكلام فى المأسى و تحولى مجرى الحديث لشيىء أخر

**wa7d** · 07-06-2011 03:31 PM

بصراحة مع اني راجل وكمان شرقي , بس الراجل الشرقي عنده عقد كتير جدا ولازم يتخلص منها , الواحد بيسمع وبيشوف حاجات عجب

**azmeralda** · 07-06-2011 03:31 PM

استاذ ابو اياد انا مش فهمة قصدك على التانية انها بتشتكى كتير؟

**alaa99991111** · 07-06-2011 03:33 PM

ده عايش دور سي السيد وعنده قلة ذوق غير متناهية في موضوع الشنب ده لانه ممكن يلمح بطريقة اخف من كده .
بالنسبة لنقطة الرد علي التليفون اعتقد انها عودته علي كده و حضرتك للاسف قلتي انه تم كتب الكتاب لانه اعتقد الوضع حيبقي مختلف لو في فترة الخطوبة و ممكن تتصرف هي وتعالج الامر بالطريقة اللي تحفظ هيبتها
بالنسبة للرجل علي الرجل فمن الافضل لها ان تجلس معه بدون كلفة لانها هل هي تضع رجل علي رجل بصفة دائمة حتي لو كانت بمفردها فاذا كانت الاجابة بنعم فلتجلس كما تشاء اما لا فالافضل الا تفعل
وبالنسبة لصديقتك صاحبة المشاكل ليس هناك الا حلين ان تسمعي فقط دون رد فعل او تفكير منكي.
او ان تغيري الحوار واعتقد انه سيكون صعب لانها عندما تمسك بزمام الحوار ستبدأ فيما تريدين الفرار منه

**azmeralda** · 07-06-2011 03:35 PM

المشاركة الأصلية كتبت بواسطة wa7d

بصراحة مع اني راجل وكمان شرقي , بس الراجل الشرقي عنده عقد كتير جدا ولازم يتخلص منها , الواحد بيسمع وبيشوف حاجات عجب

المجتمع كله فى افكار متخلفة وتخالف الدين كمان لازم يتخلص منها
والمشكلة ان الناس بتتربى عليها وبتبقى فى جيناتها وخلاص

والواحد معدش بيستغرب من حاجة بس اول مرة اشوف حد بيعمل كده فى الخطوبة والمفروض دى نعمة انه بان

بس انا بفكر ان ممكن تكون فى حاجات تانية كويسة (اللى هى طبعا دايما مش بتتحكى ) وهى دى اللى بتشيل المساوىء خصوصا ان درجة صداقتنا على مقياس 1-10 تبقى 2 مش الصحوبية اللى تخليها تحكى الحاجات دى