ممكن اسأل فى سؤال(مشكلة صديقة)

بما انكو رجالة وتفهموا الرجالة يعنى عشان واحدة عرضت عليا الموضوع ده ومعرفتش اقول ايه؟


خطيبها محرج عليها تحط رجل على رجل قدامه ولو نسيت وعملت كده تبقى وقعتها بيضا


اسمه ايه ده هو ده الأحترام مثلا ولا ايه


وبعدين بيتريق عليها بيقول لها شنبك عامل كده ليه!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!


البنت عملته من غير ما يعرف وبعد كده اتريق على نفس الموضوع يعنى ايه قاصد يذلها وخلاص؟




ولو اتصل بيها لازم ترمى اى حاجة فى ايدها وتدى التمام لكن هى لو اتصلت تتلطع ويتكنسل عليها





انا معرفتش ارد عليها بصراحة او محبتش اقول رأى فيه بالأصح
بس انا فعلا نفسى افهم ده بيفكر ازاى بالضبط


وربنا يصبرها على ما بلاها





===================


كنت عايزة اسأل كمان واحدة صاحبتى جاية من السفر قريب ودايما تحكى كل مشاكل السنة فى الشوية اللى بتقعدهم هنا ومن الآخر مشاكلها ملهاش حل وحتى الحلول الممكنة اللى بقولها مبتعملهاش فانا مش عايزة اسمع المشاكل دى خلاص بس اقفلها من غير ما اجرحها
ازاى ؟

تم غلق الموضوع تمهيدا لحذفه لعدم ملائمه الموضوع للعرض بشكل عام على صفحات المنتدى
مشرف 5ب
7-6-2011
4:45م

مع احترامي لصحبتك وخطيبها بس انا حقلك رأي بالبلدي , خطيب صحبتك دا عنده نقص مش حاسس انه راجل وعايز يحس برجولته ادام صحبتك وعلي فكرة لو بجد الحوارات دي وبتحصل مشاكل بسببها , يبقي نصحتي بلالالالالالالالالالالالا ش تتجوزه حيتعبها اوي .

النوعية دي ياخد على دماغة بره من المدير او من اي حد ويجي يطلع خنقته فى مراته وعياله

عمرى ما اقدر اقولها بلاش تتجوزيه
الحكاية دى عملتها مرة واحدة فى حياتى كنا فى الكلية والبنت دى كرهتنى جدا وافتكرت انى عايزاه لنفسى لأنى كنت اعرفه مع انى قلت رأيى فيه لأنى شايفه وحش ونصحتها لوجه الله
وطبعا اتجوزته وقالت لى مش هعزمك عالفرح!!!!!!!

السلام عليكم .

مع احترامى لخطيب صديقة حضرتك , دة مش احترام دى عقد نفسية و هتزيد بعد الجواز و من الاحسن انها تراجع نفسها و تستخير ربنا سبحانة و تعالى عشان توصل للقرار الصحيح. المفروض اننا نبنى بيت على المودة و الرحمة و الاحترام بين الطرفين و بحط مليون خط على موضوع الاحترام بين الطرفين .

بالنسبة لصديقة حضرتك ممكن تخلى المقابلات معاها قصيرة ربع ساعة مثلا و تعتذرى باى حجة و تقولى المرة الجاية تحكيلى بالتفصيل و كل مرة كدة لحد ما تسافر بالسلامة

ما احنا بنروح النادى اخليها ربع ساعة افضل اقول لها انا مشغولة النهاردة ؟


================

بص الفكرة انها سألت ناس اصحابنا على موضوع الشنب ده وقالوا لها عادى الرجالة بيعملوا كده وماله اما يخليكى تاخدى بالك بس هى بتحكى نصف القصة بس ومش بتحكى الباقى اللى يخليهم يكونوا فكرة شاملة وانا متاكدة ا ن فى حاجات تانية غير كده
وانا شايفة انهم بيقولوا كده برضه عشان تعدت مرحلة الخطوبة

المشكلة العميقة انها كتبت الكتاب وكل ده ظهر بعده لكن فى الخطوبة مكانش بيعمل حاجة كان ملاك




وصعب تحمل نفسها لقب مطلقة يبقى نشوف هى تتعامل معاه ازاى وننسى فكرة انها تسيبه


نصيبها بقى

اقتباس:

---

المشاركة الأصلية كتبت بواسطة wa7d

النوعية دي ياخد على دماغة بره من المدير او من اي حد ويجي يطلع خنقته فى مراته وعياله

---

+111111111
الحمد لله انه خطيبها مش جوزها....يعني لسه في الامان!
الجواز مش لعبة...دي خطوة مهمة و الرجوع فيها صعب و بيترتب عليها خسائر كبيرة خصوصا لو في اطفال
انا ماليش اخوات بنات بس لو لي اخت مش هارضي تتجوز واحد بيعاملها كده...حتي لو هاتعنس!
لكن لو صاحبتك عايزة جوازة و خلاص و مستعدة تقبل واحد بالمنظر ده...يبقي بالشفا...بس قوليلها ما توجعش دماغك بالشكوي منه بعد الجواز

اقتباس:

---

المشاركة الأصلية كتبت بواسطة azmeralda

بص الفكرة انها سألت ناس اصحابنا على موضوع الشنب ده وقالوا لها عادى الرجالة بيعملوا كده وماله اما يخليكى تاخدى بالك بس

---

معلش انا مش فاهم حوار الشنب , ممكن توضحي اكتر ؟

السلام عليكم

مش عارف ممكن اضيف ولا مش هعرف خصوصا ان انا لسه خارج من تجربه خطوبه منجحتش

بس ممكن اسأل كام سؤال
-هو سنه قد ايه و هي كمان؟
-الاحترام بينهم في الاساس بيبان من المواقف و لو هي دي بتستريح لما تحط رجل علي رجل يبقي مش معناة قلة اعتبار ليه - شكلة ضعيف الشخصيه
-هو نفسه بيتكلم كلام لا يصح و بيهزر برخامة جدا و دي طريقه ممكن تنجح بين الاصدقاء بس في المواضيع دي لاء طبعا
-في حركات البنات بتعملها في الخطوبه من نوع التقل زي انها مترضش علي الموبايل مثلا بس هو عاكس هنا الوضع

اهم حاجه التفاهم - هما متفاهمين و لا كل واحد بيشيل في نفسه و ساكت - مادام كلمتك يبقي هي متضايقه و تلاقيها حكت جزء من الحقيقة كلها
ياريت يعالجوا النقط دي مع بعض و يقعدوا مع بعض و يتكلموا
بجد بجد الكلام ممكن يوضح نقط بتبقي غايبه عن عينين الواحد

ربنا يكرمهم و يعرفوا ان العلاقه دي من اسمي العلاقات اللي الواحد هيعيشها و يمر بيها في حياته -

الاول ده عنده مرض نقص
والثانيه دى كتير الشكوى انسانه غير راضيه بما قسمه الله لها

واليك القصه

كان لأحد الأمراء الأندلسيين , ابن اسمه (( المنذر)) يكثر الشكوى من أصدقائه , فسبب ذلك ضيقا شديدا لوالده , فقال الأمير لنفسه : (( ما دام المنذر يكثر الشكوى من أصدقائه , فالأفضل أن نضعه فى مكان بعيد عن الناس , حتى يريح ويستريح )) وطلب الأمير من أحد وكلائه أن يختار مكانا فوق الجبل , حيث يبنى منزلا منعزلا يسكن فيه ابنه , فلا يزوره إنسان ولا يتكلم معه أحد , وتم نقل (( المنذر )) إلى البيت الجديد , وهناك عاش وحده لا يجد صديقا أو أخا يتحدث إليه , واستمر على هذا الحال شهورا .

أخيرا قال (( المنذر )) لمن كان مكلفا بحراسته : (( متى يحضر أصحابى وإخوانى حتى أستأنس بهم ؟ )) قال له الحارس : (( أمر الأمير ألا يحضر إليك أحد , وأن تظل وحدك لتستريح من الناس ولا تجد مجالا للشكوى ))

عندئذ كتب (( المنذر )) إلى أبيه يقول : (( لقد أصبحت وحيدا فى هذا المكان لا أجد من آنس إليه , فإن كان ذلك عقابا لذنب ارتكبته , عرفه أبى , ولم أعرفه , فإننى صابر على تأديبك وطالب منك العفو والصفح )) , وعندما وصل ما كتبه إلى والده الأمير , استدعاه وقال له : (( ما فعلته بك يا بنى ليس عقابا لك .... إنما رأيتك كثير الشكوى والضجر من أصحابك , فأردت راحتك بأن أبعدك عنهم جميعا !! )) هنا قال المنذر : (( سماع ما كان يضايقنى أخف على من الوحدة والعزلة )) .

موضوع انها تحط رجل على رجل دة عادى مفيهوش حاجة و مش معناة أنهل بتقلل أحترامها لة لانها مش حاطة رجلها فى وشة .
تحط رجل على رجل عادى و لو قالها لآ تناقشة و تقولة لية و ممكن ترد بصورة ظريفة بس كلامها يبقى محدد يعنى تهزر و تقولة مثلا عصر الجوارى أنتهى و بطل عقد . دول متجوزين حاليا مش مخطوبين مفيش فك لآن كتب الكتاب أتكتب خلاص
موضوع الشنب هية غلطانة شوية هى دى خلقى ربنا و مش ذنبها انها مشعرة بس تحاول تخلى بالها من الموضوع دة علشان شكلها يبقى حلو و ما يحسش أن فية حاجة مضايقاة منها .
بالنسبة لصديقتك الى بتحكى مشاكل و مأسى قومى بحركة مباغتة معها يعنى أفضلى أتكلمى معاها و ما تبطليش فى أى مواضيع حا تقفلى الكلام فى المأسى و تحولى مجرى الحديث لشيىء أخر

اقتباس:

---

المشاركة الأصلية كتبت بواسطة wael17

+111111111
الحمد لله انه خطيبها مش جوزها....يعني لسه في الامان!
الجواز مش لعبة...دي خطوة مهمة و الرجوع فيها صعب و بيترتب عليها خسائر كبيرة خصوصا لو في اطفال
انا ماليش اخوات بنات بس لو لي اخت مش هارضي تتجوز واحد بيعاملها كده...حتي لو هاتعنس!
لكن لو صاحبتك عايزة جوازة و خلاص و مستعدة تقبل واحد بالمنظر ده...يبقي بالشفا..(.بس قوليلها ما توجعش دماغك بالشكوي منه بعد الجواز

---

) اهو ده اللى مش ممكن ابدا : )



عارف المشكلة فين نظرة المجتمع والأحكام المسبقة يعنى اللى فسخت خطوبتها او كتب كتابها

بتبقى فى نظر الناس ازاى وصعب تتجوز قد ايه وعشان كده البنت بتضطر تاخد قرارات يمكن توقعها فى مصايب اكبر وتحملها القاب اخطر عشان تترحم من كلام الناس


طب عارف واحدة فسخت كتب كتابها ليه هى بنت محترمة جدا وبتلبس طرح كبيرة وكده وهو واخدها على كده لما كتبوا الكتاب بتلبس فى البيت جينز ونص كم وجيبات قصيرة وبشعرها عادى
هو بقى اصحابه بيتريقوا عليه ايه الشيخة اللى انت ماشى معاها دى واحنا بنفتكرها مامتك
بدأ يطلب منها ويصر انها تلبس طرحة صغيرة ومش لازم الجيبة تبقى طويلة قوى كده وحاجات عجيبة
والبنت دى فى نظر الناس ايه هيشكوا ايه اللى كان بيحصل فى كتب الكتاب بصفته جوزها دى اول حاجة هتيجى فى دماغهم
البنات بتخاف من كده وبتخاف تحمل اللقب اللى انت قلت عليه (عانس )




انا مع ان الرجل يلفت نظر مراته لو حاجة مضايقاه وهى تقدر تصلحها بس بطريقة شيك



يعنى مثلا واحدة جوزها كان شايف ان رجلها مشققة ومش عاجباه اشترى لها علبة كده فيها كريمات وادوات للعناية بالقدم ولفها لفة هدية خلاص الرسالة وصلت من غير قلة ادب واكيد هتستعمل الهدية عشان ميزعلش

اقتباس:

---

المشاركة الأصلية كتبت بواسطة wa7d

معلش انا مش فاهم حوار الشنب , ممكن توضحي اكتر ؟

---

انا محرجة اصلا وانا بحكى القصة على فكرة

تعريف الشنب: )الشعر اللى بيبقى فوق الفم وعند الستات بيبقى خفيف جدا شبه مش موجود ومش بيبان الا فى الشمس وكتير جدا بيزيلوه هو علق عليه انه باين

هو ممكن يكون بيتلكك علشان يسيبها؟

اقتباس:

---

المشاركة الأصلية كتبت بواسطة شريف

السلام عليكم

مش عارف ممكن اضيف ولا مش هعرف خصوصا ان انا لسه خارج من تجربه خطوبه منجحتش
اتفضل طبعا ايه المشكلة
بس ممكن اسأل كام سؤال
-هو سنه قد ايه و هي كمان؟هى 23 وهو معرفش اكبر منها بقد ايه بس اعتقد مش كتير
-الاحترام بينهم في الاساس بيبان من المواقف و لو هي دي بتستريح لما تحط رجل علي رجل يبقي مش معناة قلة اعتبار ليه - شكلة ضعيف الشخصيهبصراحة الحكاية دى غايظانى قوى طب انا بقى مش بستريح الا لما احط رجل على رجل واللى مش عاجبه ممكن امسكه من زمارة رقبته ان شاء الله واخليه يمشى من غير زمارة:angry06:
-هو نفسه بيتكلم كلام لا يصح و بيهزر برخامة جدا و دي طريقه ممكن تنجح بين الاصدقاء بس في المواضيع دي لاء طبعا
-في حركات البنات بتعملها في الخطوبه من نوع التقل زي انها مترضش علي الموبايل مثلا بس هو عاكس هنا الوضع

اهم حاجه التفاهم - هما متفاهمين و لا كل واحد بيشيل في نفسه و ساكت - مادام كلمتك يبقي هي متضايقه و تلاقيها حكت جزء من الحقيقة كلهاالفكرة انها حكت موضوع الرجل على رجل ده وبتقول مش متضايقة عادى مع انها مرة نسيت وزق رجلها بالعافية :untitled 1: والموضوع التانى مضايقها بس قالت انها لازم تكبر دماغها
ياريت يعالجوا النقط دي مع بعض و يقعدوا مع بعض و يتكلموا
بجد بجد الكلام ممكن يوضح نقط بتبقي غايبه عن عينين الواحد

ربنا يكرمهم و يعرفوا ان العلاقه دي من اسمي العلاقات اللي الواحد هيعيشها و يمر بيها في حياته -

---

اقتباس:

---

المشاركة الأصلية كتبت بواسطة Frozen_Pain

هو ممكن يكون بيتلكك علشان يسيبها؟

---

لأ لأن الموضوع بقى له بتاع 3 سنين وكتب الكتاب مكنش من الأول لو كان عايز يسيب كان ساب


هى كمان اكتر حاجة قلقانى عليها انه مثل طول فترة الخطوبة واهو مقدرش يكمل بعد كتب الكتاب حتى يصبر لغاية الجواز:crying2:

اقتباس:

---

المشاركة الأصلية كتبت بواسطة heshamzaky

موضوع انها تحط رجل على رجل دة عادى مفيهوش حاجة و مش معناة أنهل بتقلل أحترامها لة لانها مش حاطة رجلها فى وشة .
تحط رجل على رجل عادى و لو قالها لآ تناقشة و تقولة لية و ممكن ترد بصورة ظريفة بس كلامها يبقى محدد يعنى تهزر و تقولة مثلا عصر الجوارى أنتهى و بطل عقد . دول متجوزين حاليا مش مخطوبين مفيش فك لآن كتب الكتاب أتكتب خلاص هى الفكرة انها مخدتش موقف طول الفترة دى اكيد كان الوضع هيختلف ومفروض اول ما يبتدى يعمل كده توقفه علطول والا مش بيبقى له حدود بعد كده يقف عندها

ومفيش فك ليه مش احسن ما تتطلق باطفال بعد كده ؟
موضوع الشنب هية غلطانة شوية هى دى خلقى ربنا و مش ذنبها انها مشعرة بس تحاول تخلى بالها من الموضوع دة علشان شكلها يبقى حلو و ما يحسش أن فية حاجة مضايقاة منها .اذا كان علق بعد ما عملته بحاجة بسيطة معلش يعنى مش واخد باله اصلا يبقى ده اسمه ايه كمان هى بتقول انه مكانش باين لدرجة انه يعلق يعنى
بالنسبة لصديقتك الى بتحكى مشاكل و مأسى قومى بحركة مباغتة معها يعنى أفضلى أتكلمى معاها و ما تبطليش فى أى مواضيع حا تقفلى الكلام فى المأسى و تحولى مجرى الحديث لشيىء أخر

---

بصراحة مع اني راجل وكمان شرقي , بس الراجل الشرقي عنده عقد كتير جدا ولازم يتخلص منها , الواحد بيسمع وبيشوف حاجات عجب

استاذ ابو اياد انا مش فهمة قصدك على التانية انها بتشتكى كتير؟

ده عايش دور سي السيد وعنده قلة ذوق غير متناهية في موضوع الشنب ده لانه ممكن يلمح بطريقة اخف من كده .
بالنسبة لنقطة الرد علي التليفون اعتقد انها عودته علي كده و حضرتك للاسف قلتي انه تم كتب الكتاب لانه اعتقد الوضع حيبقي مختلف لو في فترة الخطوبة و ممكن تتصرف هي وتعالج الامر بالطريقة اللي تحفظ هيبتها
بالنسبة للرجل علي الرجل فمن الافضل لها ان تجلس معه بدون كلفة لانها هل هي تضع رجل علي رجل بصفة دائمة حتي لو كانت بمفردها فاذا كانت الاجابة بنعم فلتجلس كما تشاء اما لا فالافضل الا تفعل
وبالنسبة لصديقتك صاحبة المشاكل ليس هناك الا حلين ان تسمعي فقط دون رد فعل او تفكير منكي.
او ان تغيري الحوار واعتقد انه سيكون صعب لانها عندما تمسك بزمام الحوار ستبدأ فيما تريدين الفرار منه

اقتباس:

---

المشاركة الأصلية كتبت بواسطة wa7d

بصراحة مع اني راجل وكمان شرقي , بس الراجل الشرقي عنده عقد كتير جدا ولازم يتخلص منها , الواحد بيسمع وبيشوف حاجات عجب

---

المجتمع كله فى افكار متخلفة وتخالف الدين كمان لازم يتخلص منها
والمشكلة ان الناس بتتربى عليها وبتبقى فى جيناتها وخلاص


والواحد معدش بيستغرب من حاجة بس اول مرة اشوف حد بيعمل كده فى الخطوبة والمفروض دى نعمة انه بان

بس انا بفكر ان ممكن تكون فى حاجات تانية كويسة (اللى هى طبعا دايما مش بتتحكى ) وهى دى اللى بتشيل المساوىء خصوصا ان درجة صداقتنا على مقياس 1-10 تبقى 2 مش الصحوبية اللى تخليها تحكى الحاجات دى

هو حس خلاص انها مراته و لازم تسمع كلامه - يمكن في حاجات كبيرة هي معرضاة فيها و بيحاول يوصل رساله بالاعتراض علي الحاجات البسيطة دي - او ممكن يكون في الاول و الاخر هزاز - ليس علي اللي بيهزر حرج

اقتباس:

---

المشاركة الأصلية كتبت بواسطة alaa99991111

ده عايش دور سي السيد وعنده قلة ذوق غير متناهية في موضوع الشنب ده لانه ممكن يلمح بطريقة اخف من كده .
بالنسبة لنقطة الرد علي التليفون اعتقد انها عودته علي كده و حضرتك للاسف قلتي انه تم كتب الكتاب لانه اعتقد الوضع حيبقي مختلف لو في فترة الخطوبة و ممكن تتصرف هي وتعالج الامر بالطريقة اللي تحفظ هيبتها
بالنسبة للرجل علي الرجل فمن الافضل لها ان تجلس معه بدون كلفة لانها هل هي تضع رجل علي رجل بصفة دائمة حتي لو كانت بمفردها فاذا كانت الاجابة بنعم فلتجلس كما تشاء اما لا فالافضل الا تفعل
وبالنسبة لصديقتك صاحبة المشاكل ليس هناك الا حلين ان تسمعي فقط دون رد فعل او تفكير منكي.
او ان تغيري الحوار واعتقد انه سيكون صعب لانها عندما تمسك بزمام الحوار ستبدأ فيما تريدين الفرار منه

---

انت جبت المفيد والله اول ما تمسك بزمام الأمور مفيش مفر: )


وعجبتنى حكاية انى اسمع من غير رد فعل دى جايز تنفع لأنى دايما بنفعل واتفاعل صح


==================


احنا ممكن ننتهز بقى فرصة الموضوع ده ونشوف اللى مش عاجبه حاجة فى خطيبته مثلا يلفت نظرها ازاى بدون جرح مشاعرها


واكيد أ ب يعنى عدم التعليق المباشر على حاجة فى التكوين الخلقى بالذا ت لأن دى مبتتنسيش

لو شعرها مش ناعم فى برماننت لو .... كل حاجة ليها حل المهم الروح دى بقى مبتتغيرش ولا بتتصلح الا بأعجوبة


========================

واحدة اعرفها برضه بتلبس نضارة بس دى انا شايفة انها غلطانة لأن عمرها ما لبست النظارة قدامه طول فترة الخطوبة وهى بتخاف جدا وكانت رافضة الليزك تماما
بعد الجواز طبعا نزل عليها تريقة ان شكلها وحش بالنظارة وموضوع العدسات ده صعب جدا طول القعدة فى البيت وراحت عملت العملية مخصوص عشان تترحم من التريقة

اقتباس:

---

المشاركة الأصلية كتبت بواسطة azmeralda

انت جبت المفيد والله اول ما تمسك بزمام الأمور مفيش مفر: )


وعجبتنى حكاية انى اسمع من غير رد فعل دى جايز تنفع لأنى دايما بنفعل واتفاعل صح


==================


احنا ممكن ننتهز بقى فرصة الموضوع ده ونشوف اللى مش عاجبه حاجة فى خطيبته مثلا يلفت نظرها ازاى بدون جرح مشاعرها


واكيد أ ب يعنى عدم التعليق المباشر على حاجة فى التكوين الخلقى بالذا ت لأن دى مبتتنسيش

لو شعرها مش ناعم فى برماننت لو .... كل حاجة ليها حل المهم الروح دى بقى مبتتغيرش ولا بتتصلح الا بأعجوبة


========================

واحدة اعرفها برضه بتلبس نضارة بس دى انا شايفة انها غلطانة لأن عمرها ما لبست النظارة قدامه طول فترة الخطوبة وهى بتخاف جدا وكانت رافضة الليزك تماما
بعد الجواز طبعا نزل عليها تريقة ان شكلها وحش بالنظارة وموضوع العدسات ده صعب جدا طول القعدة فى البيت وراحت عملت العملية مخصوص عشان تترحم من التريقة

---

منها لله هيفاء وهبي ونانسي عجرم , هما السبب فى ان الرجالة مش عجباهم ستاتهم

اقتباس:

---

المشاركة الأصلية كتبت بواسطة شريف

هو حس خلاص انها مراته و لازم تسمع كلامه - يمكن في حاجات كبيرة هي معرضاة فيها و بيحاول يوصل رساله بالاعتراض علي الحاجات البسيطة دي - او ممكن يكون في الاول و الاخر هزاز - ليس علي اللي بيهزر حرج

---

على كلامها لأ خالص مش بتعارض فى حاجات كبيرة آخرها بتكشر وهو يقوم مطنش ويمشى اللى فى دماغه



واختلف معاك فى النقطة دى طبعا الهزار لازم يبقى له حدود والاحترام اساسى بين الزوجين ياريته ما حس يا سيدى انها مراته
الأسلام حاطط قواعد للهزار الواحد ما يكدبش ما يشتمش حتى لو بيهزر

وبالتالى انا شايفة ان كل واحد ممكن يحط قواعده الخاصة بالهزار براحته
يعنى انا مثلا لا يمكن اسمح بالشتايم وكان فى واحدة صاحبتى علطول فى لسانها حمارة ...الألفاظ الغبية دى وفهمتها ان الموضوع كده هينتهى بيننا وعمرى مهسمح بكده المسلم مش مفروض يكون سباب او لعان او فاحش او بذىء
وهى رغم ان لسانها متعود جدا على كده بعد ما خاصمتها فترة بتاخد بالها جدا وعمر ما ده حصل تانى


مش معقول هسمح لحد يهزر كده حتى لو جوزى فلازم كل واحد يراعى مشاعر اللى قدامه حتى فى الهزار


يعنى هو يقبل انها تهزر معاه بسماجة ما ساعتها هيبقى هزار برضه

وهم يعنى اللى مش عاجبهم ستاتهم هيفا ولا نانسى هترضى تتجوزهم اصلا بعفشهم ببيوتهم بفلوسهم الأى كلام بوظايفهم (بغض النظر عن سلوك الفنانات مش ده اللى بنتكلم فيه دلوقتى)


كل واحد عايز فى مراته كل حاجة هو بقى عبارة عن ايه لا لا دى مش مهم

اقتباس:

---

المشاركة الأصلية كتبت بواسطة azmeralda

وهم يعنى اللى مش عاجبهم ستاتهم هيفا ولا نانسى هترضى تتجوزهم اصلا بعفشهم ببيوتهم بفلوسهم الأى كلام بوظايفهم (بغض النظر عن سلوك الفنانات مش ده اللى بنتكلم فيه دلوقتى)


كل واحد عايز فى مراته كل حاجة هو بقى عبارة عن ايه لا لا دى مش مهم

---

علي فكرة بقي هيفاء انا شفت لها كليب حديث وكان ظاهر بوضوح جدا شعر زائد على كتفها , واهي اسمها هيفاء وهبي وكل الرجالة هيموتوا عليها .

المفورض واحده مشهورة زي دي تهتم بادق التفاصيل , بس الكاميرات والسينما والمكياج ياما بيخدعوا , بس مين يفهم ويلاحظ :Ka_che1[1]:

اقتباس:

---

المشاركة الأصلية كتبت بواسطة wa7d

علي فكرة بقي هيفاء انا شفت لها كليب حديث وكان ظاهر بوضوح جدا شعر زائد على كتفها , واهي اسمها هيفاء وهبي وكل الرجالة هيموتوا عليها .

المفورض واحده مشهورة زي دي تهتم بادق التفاصيل , بس الكاميرات والسينما والمكياج ياما بيخدعوا , بس مين يفهم ويلاحظ :ka_che1[1]:

---

شوفتها على الطبيعة بينى و بينها متر و كان معاها جوزها ههههههههه و الله دة راجل مش عارف أية كانت مصيفة جدا كأنها على البلاج و ماشية تتمختر و تتدلع بزيادة

طب ما نعمل موضوع للمشاكل الزوجية وحلولها

---------------------------------------------------------------------------------------
تم غلق الموضوع تمهيدا لحذفه لعدم ملائمه الموضوع للعرض بشكل عام على صفحات المنتدى
مشرف 5ب
7-6-2011
4:45م