التكييف كده يبقى ماله؟

**حلواني** · 05-06-2007 08:13 PM

التكييف في العربية ما اعرفش باظ واللا ايه . كان كويس لغاية شهرين فاتوا بدأ يعمل التالي:
- اشغل التكييف في الاول و يشتغل تمام التمام
- بعد تلت ساعة تقريبا يمثل انه شغال . ما فيش هوا طالع و الصوت زي ما هو .
- ادوس على زرار الـA/C عشان اطفيه شوية يقوم الهوا اللي داخل يقوى شوية شوية لغاية ما رجيع بنفس القوة . بس طبعا مش ساقع .
- ادوس الزرار تاني يشتغل الساقع و يفضل شغال .
- تتكرر القصة!

هل ده معناه انه الفريون قالل مثلا؟ و اللا التكييف بايظ و اللا ايه؟

**fahd_628** · 05-06-2007 08:41 PM

مادام بيطلع هوة ساقع يبقى الفريون كويس

لكن كدة ياريت تودية التوكيل او اخصائى تكييفات

**ayman** · 05-06-2007 08:48 PM

لاذم تنظف فلتر المكيف والسربنتينا لانه بيحصل تلج يمنع الهواء من المرور ولما تطفى التكييف الهواء السخن يسيح الثلج ويبدا الهواء بالمروروهذا ليس عيب فريون

**ehabbadr** · 05-06-2007 09:47 PM

ده ممكن يكون الفريون زياده انت شحنته قريب و لا ايه؟

**emadfk** · 05-06-2007 10:03 PM

كلام استاذ ايمن صحبح الثلج يتكون من شدة البرودة على السربنتينا فيمنع الهواء من المرور و لما تفصل النكييف يمر الهواء بدون برودة فيسيح الثلج المتكون فلابد من تنظيف الفلتر و كذلك السربنتينة جيدا و كذلك عمل فحص للترموستات لانه لازم يفصل قبل حدوث حالة التجمد و انشاء الله تتطلع بسيطة