باركولى يا جماعة التكييف مش عارف ماله

**Ahmed_lol2007** · 10-06-2010 07:01 PM

ازيكم يا شباب الاوبل
إن شاء الله تكونو بخير كلكم
بما إنكم عارفين إنى بمتحن وتاعربية بقالها تقريبا 15 يوم مش بمشى بيها (يدوب بسخنها بس)
وأما كنت بسأل على شجرة التكييف بتاعت الفيكترا 2002
عشان قلت أعمله صيانه (عشان كنت حاسس إنه ضعف )أما الرجل كشف قالى بتاعت 2002 أحسن
المهم رحت كشفت لقيت حساسين ضربين (اللى ركبين فى الشجرة) ومكنش فى فريون خالص
والراجل بيقولى فى الغالب الشجرة باظت وأنا بحمد ربنا إنى مجيبتش الشجرة وركبتها كانت باظت

دلوقتى أنا هخلص إمتحانات إن شاء الله يوم 21 وهسافر إسكندرية يوم 23 عشان عندى فرح هناك 25
ولازم التكييف يكون شغال عشان مش هعرف أسافر فى الحر دة من غير التكييف
فأنتو إيه رايكو أروح لمين ولا أعمل إيه عشان أنا مخنوق ومش عارف أذاكر
وياترى التكييف صيانته هتتكلف فى حدود كام وهل فعلا الشجرة دى بتضرب على طول ولا إيه
عشان واحد زميل والدى بيقولو
(إن الشجرة بتاعت التكييف بتضرب لان الكمبروسور مش بيفصل وشغال على طول)
وبصراحة أنا مش مقتنع بالكلام دة
فياريت تساعدونى بليز
وأدعولى أخلص إمتحانات على خير

**tananybasha** · 10-06-2010 09:33 PM

يعنى ايه ضربت عشان الكباس شغال على طول
امال بلف الباى باس bypass او بلف الضغوط وظيفته ايه
اي كلام
ما علينا
اتأكد ان التسريب من الشجره روح لحد يكبسها هوا و قول يا رب

**Ahmed_lol2007** · 10-06-2010 09:40 PM

يا طنانى ما البلفين اللى راكبين فى الشجرة ضربو
والشجرة باطت (وواحد صاحب والدى هو اللى قايلى إن الكباس شغال على طول)
وهل هفضل كل شوية أعمل التكييف دة ولا إيه الظروف
وياريت حد يقولنا على بتاع تكييفات محترم

**tananybasha** · 10-06-2010 10:03 PM

البلوف الصغيره بيتلحم غيرها
و انا متأكد من الكلام ده لأنى كنت ملحم غيرها فى فيكترا بى

**tananybasha** · 11-06-2010 12:31 AM

بيغيروها والله
انا كنت مغير البلوف دى و عامل غطاها عند الخراط

**tamertamer** · 11-06-2010 01:49 AM

بص هتعمل التى امامك خيار من اثنين
الاول هتجيب الشجرة جديدة تيوانى بس هى صينى هتعمل 250 300 هتعد سنة او اثنين وهتبوظ لان عوزلها مش اد كدة او تجبها وتعمل انت العازل زى ما فادى عامل جاب عازل افران صوف زجاجى وعزلها ومشية معاة زى الفل
الحل الثانى تجيب وحدة استيراد بس تكون من نص يابانى بتكون نضيفة جدا وبتتعرف كويسة او وحشة من العوازل الخارجية لان اهم حاجة فى الشجرة العازل الخارجى لو لقيتة متبهدل متجبهاش غير كدة كويسة بتعد بالسنين بس ملهاش عمر محدد وهتعمل 300 400 ج
او
الحل الاخير تجيب وحدة اصلية 1300 ج هتعد معاك لغايت متبيع العربية

بالنسبة للحساسات متجبش التيوانى للاسف كل قلى فى السوق مدروب هتهم استيراد افضل مليون مرة
روح للكبتن بتاع الحرفين لو ركبتهم عندة واشترتهم منة هيديسك ضمان سنة عليهم

**Ahmed_lol2007** · 11-06-2010 02:18 AM

طب ياتامر الليلة اللى إنت قلت عليها دى تتكلف كام عند الكابتن
عشان انا الميزانية معايا محدودة
(يعنى شجرة تكييف - حساسات - مصنعية - شحن )
وفى واحد قالى إن ممكن الشجرة تتخرط
فأنت إيه رأيك لو عملت شجرة تكييف عند الخراط (عمولة يعنى وسمعت إنها هتبقى أحسن)

-

-

الموضوع: باركولى يا جماعة التكييف مش عارف ماله

LinkBack

أدوات الموضوع

عرض

باركولى يا جماعة التكييف مش عارف ماله - انشر الموضوع فى :

-

-

-

-

-

-

المواضيع المتشابهه

باركولى يا جماعة

باركولى يا جماعة

التكييف كده يبقى ماله؟

باركولى يا جماعة

الكلمات الدلالية لهذا الموضوع

المفضلات

المفضلات

ضوابط المشاركة