عند تعليه زرار التكييف هل يؤدى الى استهلاك بنزين

**tarek_2005** · 09-06-2011 02:40 AM

انا عارف بس كنت عايز اوضح لباقي الزملاء
ومتزعلش مني انا بتعلم من سيادتك عن طريق المناقشة الجادة والهادفة

**heshamzaky** · 09-06-2011 02:40 AM

حا تبقى بالشكل الى زى دة كدة تقريبا بس للدورة بتاعت الكهرباء للتكيف

**heshamzaky** · 09-06-2011 02:45 AM

المشاركة الأصلية كتبت بواسطة tarek_2005

انا عارف بس كنت عايز اوضح لباقي الزملاء
ومتزعلش مني انا بتعلم من سيادتك عن طريق المناقشة الجادة والهادفة

يا باشا العفو بتقول أية يا راجل يا طيب أنا لآ اقصد ذلك نهائيا و لا جة فى بالى حاجة من دى اساسا .
بص الغريب بجد أنى طبعت الخريطة بتاعت الكهرباء لجزء معين فى العربية و اديتة لصنايعى بس بصراحة هو ممتاز بجد أحلفلك بالله أنة لا يقرا كلمة واحدة بالانجليزى و الى خلانى استغرب جدا و مبقتش مصدق لما مسك الخريطة بصلها تنح الاول شوية و بعدين لقيتة ماسك العربية كانة بيلعب فى الاسلاك زى ال اسكوبة دوب كدة و عارف كل سلك بس هما مرقمين السلك فى ذهنهم يعنى يقولى دة مثلا رقم 19 دة 15 أية الارقام الى هو بيقولها ليس لها اى معنى من الخريطة و النتيجة مبهرة فى النهاية

**tarek_2005** · 09-06-2011 11:21 AM

دي خبرة فقط بدون علم
ولكن لابد والافضل ان يكون هناك خبرة وعلم

ورموز الكهرباء لغة وهناك الكثير مما يجيد هذه اللغة دون اجادة القراءة والكتابة

**heshamzaky** · 12-06-2011 05:36 AM

المشاركة الأصلية كتبت بواسطة mmamdouh

اللى اعرفة انة مبيفصلش

لو حد عندة الwiring diagram بتاع العربية يشوفلنا هل فيه ترموستات بيفصل كلاتش الكباس مع درجة الحرارة ولا لا

mmamdouh

المشاركة الأصلية كتبت بواسطة tarek_2005

دا مخطط دائرة التكيف في اللانوس وواضح انه مفهوش ثرموستات فصل للكباس ياريت لو حد يقولنا مكانه فين

علشان احنا متاكدين من عدم وجوده وعدم فصل الكباس تحت اي ظرف الا الي وضحته سابقا

الكباس بتاع الانوس بيفصل و الكلاتش بيدور عادى يعنى الفصل مش من من الكلاتش الفصل بيتم من داخل الكباس
عندك خريطة للكباس ذات نفسة مش الدايرة بتاعت التكيف لآ الكباس ذات نفسة

**heshamzaky** · 12-06-2011 05:38 AM

المشاركة الأصلية كتبت بواسطة tarek_2005

دي خبرة فقط بدون علم
ولكن لابد والافضل ان يكون هناك خبرة وعلم

ورموز الكهرباء لغة وهناك الكثير مما يجيد هذه اللغة دون اجادة القراءة والكتابة

مش مختلف معاك أن العلم طبعا مهم جدا بس بجد ساعات تلاقى الاسطى الى فعلا لا يقرأ كلمة واحدة بالانجليزى عندة خبرة لا يستهان بها و ممكن جدا تلاقى عندة معلومة أو عارف حاجة فى صنعتة محدش بيعرفها

**heshamzaky** · 12-06-2011 06:02 AM

هو دة الكباس بتاع الانوس

**tarek_2005** · 12-06-2011 11:18 AM

دي صورة الكباس كامل (( متفرفت ))ياريت تشرحولنا بيفصل بانهي جزء داخله

**heshamzaky** · 12-06-2011 12:12 PM

المشاركة الأصلية كتبت بواسطة tarek_2005

دي صورة الكباس كامل (( متفرفت ))ياريت تشرحولنا بيفصل بانهي جزء داخله

حا أوريك شكل الكياس لايف بس أرفع الصور ثوانى يا باشا .

**heshamzaky** · 12-06-2011 12:20 PM

لما تقلب الكباس حا تلاقى حاجة شبة المسمار كدة دى الصنايعية بيقولو عليها بلف كنترول ((( يعنى فالف كنترول ))) لما الكباس بيحقق البرودة المطلوبة بيفصل من الداخل لكن الكلاتش من الخارخ بيدور عالى بس بيلف على الفاضى و لما درجة الحرارة تعلا مرة أخرى الكومبريسور بيلقط مرة أخرى دة طريقة عملة
الى علية علامة هو دة الفالف كنترول