الموضوع: فكرتك ممكن تكون مشروع غيرك... والعكس صحيح

بورك فيك

دى دراسة جدوى لمشروع ايس كريم
هى صيحيح من الغرفة التجارية الصناعية بجدة ... ولكن الفائدة منها مثلا معرفة الية العمل ... الارباح ... استرداد قيمة المال و هكذا

http://www.jcci.org.sa/JCCI/pdf/%D9%...9%8A%D9%85.pdf

المشاركة الأصلية كتبت بواسطة abou_ruqi

اللي معاه مبلغ كويس وعاوز يعمل مشروع يكسب منه ويكسب الناس ويخدم بلده ويساعد على بناء نهضتها وعمل قاعدة صناعية
ينوبه في مصر ثواب ويروح مكتب براءات الاختراع ويدفع 300 جنيه ويعمل بحث على البراءات ولو لقى اختراع كويس يشتري البراءة من صاحبه اللي غالبا مخترع غلبان ويعينه مدير المشروع وينتج حاجة جديدة معملوهاش في الصين وحيكسب كتير لانه له الريادة في منتج محدش عمله قبله وممكن يصدره لحد ما الصينيين يقلدوه فيوقف ويروح المكتب تاني ويدفع ال300 ويخدم مخترع تاني وهكذا

ايه رأيكم?

معلش فى استفسار.. انا بدفع الاول 300 جنيه عشان اعمل بحث... ؟؟

مشروع بلاي استيشن بس نضيف

الفكرة مش انك تعمل محل عادي حاول تعمل حاجة مميزة ..
ممكن تبدأ بتأجير شقة في منطقة راقية عشان تضمن زباين يدفعوا و المشروع مجرب في منطقة زي المعادي شارع النصر ..
ممكن تحط 4 اجهزة في 4 غرف بحيث كل غرفة ( جهاز بلاي استيشن و شاشة بلازما كبيرة او ال سي دي و انتريه جلد محترم ) ...
ساوند سيستم خفيف تشغل فيه موسيقى راقية و كمان اضاءة خافتة عشان يبقى المكان شيك مع وضع بعض البوسترات بتاعت الكورة عشان تعمل جو حلو للمكان و مميز و ممكن تسمي كل غرفة بأسم فريق عالمي زي برشلونة او ريال مدريد او الزمالك ...
ممكن تجيب تلاجة و مشروبات و تطبع قائمة مشروبات كده تحطها في كل غرفة عشان الناس تبقى مستريحة في المكان ..

التكلفة المبدئية بتكون حوالي 30 ألف جنيه ممكن تشترك انت و اتنين صحابك كل واحد 10 ألاف

المصاريف كالآتي انا حسبتها انا وصحابي و نزلنا سألنا بس مكملناش عشان الشغل بتاعنا :
1 - 4 اجهزة بلاي استيشن حوالي 4 * 900 = 3600 جنيه
2 - 4 شاشات ال سي دي كبيرة 4 * 2500 = 10000 جنيه
3 - 4 طقم انتريه كنبة و كرسيين 4 * 2000 = 8000 جنيه
4 - ايجار الشقة دور الرضي طبعا هيكون حوالي 2000 جنيه شهريا = 2000 جنيه
الاجمالي 23.600 جنيه
هيتبقى حوالي 6.400 جنيه ممكن تزود فلوس لو في المقدرة و تجيب اجهزة تكييفات او تلاجة مشروبات ..
و نصيحة اخوية ان شاء الله المكان يجيب دخل كويس مقسم على 3 افراد بلاش تستخسر في التجديد و في انك تكون ماشي صح يعني هات سي ديهات للاجهزة تكون اصلية و ابعد عن وجع دماغ المصنفات مع العلم ان ليك سنة استثناء من الضرائب ...

حساب متوسط الدخل :
في المنطقة اللي انا فيها او المعادي بمعنى اصح الساعة متوسطها من 15 - 20 جنيه طبعا لو المكان نضيف ..
قول انك هتبدأ الساعة ب 10 جنيه عشان تكسب زباين و يتعرفوا على المكان ..
متوسط عمل الجهاز في اليوم 10 ساعات ممكن يكون اكتر كتير او اقل حاجة بسيطة يعني كالتالي

4 أجهزة * 10 جنيه * 10 ساعات يوميا * 30 يوم = 12.000 جنيه شهريا

اخصم 2000 جنيه ايجار الشقة و 500 جنيه كهربة و شوية مصاريف كده تجديد و حاجات ممكن يبقى صافي الدخل 9000 جنيه مقسم على 3 يبقى دخل الفرد 3000 جنيه شهريا مع العلم ان ده اقل سعر ساعة لو وصلت لسعر 20 جنيه للساعة يبقى دخلك 6000 جنيه و لو مقسم على عدد اقل من الشركاء يبقى اكيد الدخل اكثر ..

بالنسبة لموضوع الحرام و الحلال انا دورت و سألت عرفت انك طالما مسيطر على المكان و مفيش مخدرات و رهانات و كده يبقى حلال ...
شيخ قالي اشتغل و اسعى البلد مخنوقة و ربنا يوفقكم جميعا و ارجو اني اكون افدتكم

موضوع جميل

ممكن نجمعهم بقى ونعمل موول

:d