الموضوع: فكرتك ممكن تكون مشروع غيرك... والعكس صحيح

موضوع جميل جدا

المشاركة الأصلية كتبت بواسطة ghosts

مشروع البلاى ستيشن حلو
بس المشكلة هى المكان
حكاية تأجير شقة على الشارع دى متنفعش خالص
وخصوصآ اليومين دول ....
مفيش أمن فى البلد
ممكن أوى تلاقى كام بلطجى يهجموا على المكان و يسرقوا كل حاجة

مش لازم تكون على الشارع المهم دور ارضي و في منطقة نضيفة انا اعرف ناس عاملينها و اي حد بيجلهم الشباب دلوقتي بتحب الروقان

المشاركة الأصلية كتبت بواسطة honda4ever

يا جماعة مش المفروض فيه ورق رسمي بيطلع للمشروع؟ إذن من الحي مثلا ولا إيه؟

كل الورق ده بيكون رسمي و سهل

بالفعل ظنك فى محله يا سباعى
(حرامية x كى جى 2)


مشروع مغسلة سيارات متكاملة - أرباحه 10 آلاف شهرياً!!!!




الارباح المتوقعة شهريا :فى حدود 10000 الى 15000 جنية مصرى
بحسب الموقع
قيمة المعدات : 12000 جنية مصرى وللدفع النقدى وضع اخر

هذه دراسة جدوى لمشروع ربحه حلال مائة بالمائة ومساعدة منا للشباب الذى يطمح إلى الثراء ولكن أكل العيش لا يعرف الخجل بل المجتهد وحده هو الذى يرقى بجده وفكره الايجابي .
إليك دراسة مبسطه لمشروع غسيل وتلميع سيارات) )

أولا:- لنفرض أن إيجار المحل هو 1500 جنيهاً شهريا
ثانيا:- المشروع يحتاج إلى حوالي عدد 2 عمال براتب 500 جنيها = 1000 جنيها شهريا
ثالثا:- كهرباء شهريا 200 جنيهاً في حالة عمل عدد 1 ماكينة بخار لمدة 12ساعة يوميا مستمرة
رابعا:- مواد تلميع شهريا 600 جنيهاً فقط
خامسا:- تقوم بجمع المصاريف الشهرية 1500 + 1000 + 200 + 600 = 3300 جنيهاً
مصاريف ثابتة شهريا 3300جنيهاً
إذن أنت تحتاج يوميا تقريبا مبلغ = 110 جنيهاً لتغطية جميع مصاريفك ، أي تحتاج لغسيل حوالي4 سيارات 30.00 جنيهاً لتغطية مصاريفك اليومية
النشاط الذي يمكن مزاولته :
1- غسيل السيارة من الداخل والخارج 30.00 جنيهاً
2- غسيل الموتور 20.00 جنيها
3- تعقيم المكيف وأزالت الروائح الكريهة 15.00 جنيهاً
غسيل وتلميع السيارة من الداخل 50.00 جنيهاً 4-
5- تشميع السيارة من الخارج لحماية الطلاء 70.00 جنيهاً
إذا قمت بغسيل عدد 10 سيارات يوميا = 300.00 جنيهاً
غسيل وتلميع سيارة واحد من الداخل يوميا = 50.00 جنيهاً
تشميع سيارة واحدة من الخارج يوميا = 100.00 جنيهاً
الإجمالي : 450.00 جنيها
قيمــة المعــدات
قيمة جهاز غسيل السيارات بالبخار = 8000 جنيهاً
(الجهاز يعمل بالبخار ويغسل السيارة الواحدة بلتر ماء فقط وهو صديق للبيئة وموفر للوقت والمجهود و الطاقة)
قيمة جهاز التعقيم = 1800جنيهاً
إجمالي قيمة المعدات بالنشاط = 9800 جنيهاً فقط =
إذن..المصاريف الشهرية هى 3300ومصاريف المعدات هى 9800
والربح الشهرى بإذن الله يكون 13500 بناء على هذه الدراسة إذن أنت تسترد أكثر من قيمة المعدات فى اقل من شهر واحد فقط.
ملاحظة : هذه الدراسة تعتبر تقديرية طبقاً لموقع النشاط ويمكن تغييرها طبقا للموقع وساعات العمل وأيام العمل والمواسم وعدد العمالة
دا لو استخدمت مكنة بخار بس ... ضيف بقى الغسيل العادى (ماء و صابون ) ادوات الغسيل اهمها اسطوانة الفوم
و عدد1- 3 مكنسة كهربائية للتنظيف الداخلى ودا هيكون من (15-20 جنيه)
ضيف كمان الغسيل الكميائى ودا من 100 - 150 جنيه
طبعا الاسعار السابق ذكرها قابلة للتغير من مكان لاخر...
وان شاء الله دا مشروعى القادم... بس اقوف المشروع اللى انا فيه دلوقتى على رجله وانتقل باذن الله للى بعده

يتبع

المشاركة الأصلية كتبت بواسطة kogak1987

لا كل ده بلاي استيشن 2 لان 3 مفيش حد بيلعبه كتير بس اكيد هييجي وقته انت ممكن تجيب 3 اجهزة 2 و تجيب واحد 3 و اكيد سعره هيكون اعلى

عايز اقول لحضرتك ان فى ناس زمايلى بيلعبوا على 3 الساعة ب 50 جنيه و على برجيكتور ياباشا مش على lcd فى عباس العقاد طبعا الارباح حاجة تانية تماما... واعتقد برده الايجار حاجة تانية